#ព្រះបន្ទូលនៃសេចក្ដីពិតសម្រាប់ថ្ងៃសៅរ៍ скачать в хорошем качестве

#ព្រះបន្ទូលនៃសេចក្ដីពិតសម្រាប់ថ្ងៃសៅរ៍

#ចំណងជើងវីដេអូ៖ «ព្រះបន្ទូលដែលធ្វើការនៅក្នុងខ្លួនអ្នក» The Word At Work In You #រៀបរៀងឡើងដោយ Pastor Chris #ព្រះបន្ទូលនៃសេចក្ដីពិតសម្រាប់ថ្ងៃសៅរ៍ ទី១០ ខែមករា ឆ្នាំ២០២៦ «ព្រះបន្ទូលដែលធ្វើការនៅក្នុងខ្លួនអ្នក» The Word At Work In You #អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប» «ពី​ព្រោះ ឯ​ព្រះ‌បន្ទូល​នៃ​ព្រះ​នោះ​រស់​នៅ ហើយ​ពូកែ​ផង ក៏​មុត​ជាង​ដាវ​ណា​មាន​មុខ​២...» (ហេព្រើរ ៤:១២)។ ព្រះបន្ទូលរបស់ព្រះ គឺមានជីវិត និងកំពុងតែធ្វើការយ៉ាងសកម្ម, ព្រះបន្ទូល គឺមានអំណាចដែលអាចផ្លាស់ប្តូរគ្រប់យ៉ាង និងរួមទាំងមនុស្សគ្រប់រូបផងដែរ។ កាលណាអ្នក បានទទួលព្រះបន្ទូលមកដាក់ក្នុងចិត្តគំនិត នោះព្រះបន្ទូល នឹងបង្កើតឱ្យមាននូវអ្វីមួយ ដូចដែលបានចែងទុកមក។ ព្រះបន្ទូល នឹងប្រោសឱ្យជា ផ្លាស់ប្តូរគំនិត បង្កើតឱ្យមានសេចក្ដីចម្រើនរុងរឿង និងធ្វើឱ្យអ្នកដើរជាមួយនឹងជ័យជម្នះបាន។ ព្រះបន្ទូល អាចធ្វើការបាន គឺនៅពេលដែលយើងព្រមទទួលយក និងប្រព្រឹត្តតាមប៉ុណ្ណោះ។ ព្រះបន្ទូល ត្រូវបានរៀបចំទុកជាមុន ដើម្បីបង្កើតជាលទ្ធផលល្អ ដល់អស់អ្នកណា ដែលទទួលដោយសេចក្ដីជំនឿ។ នេះហើយជាមូលហេតុដែលយើងត្រូវបានដាស់តឿនឱ្យធ្វើតាមព្រះបន្ទូល មិនមែនគ្រាន់តែស្តាប់ប៉ុណ្ណោះទេ៖ «ចូរ​ឲ្យ​អ្នក​រាល់​គ្នា​ប្រព្រឹត្ត​តាម​ព្រះ‌បន្ទូល​ទៅ កុំ​ឲ្យ​គ្រាន់​តែ​ស្តាប់​ប៉ុណ្ណោះ... តែ​អ្នក​ណា​ដែល​ភិនិត្យ​មើល​ក្នុង​ក្រិត្យ‌វិន័យ​ដ៏​គ្រប់​លក្ខណ៍ គឺ​ជា​ក្រិត្យ‌វិន័យ​ខាង​ឯ​សេរី‌ភាព ហើយ​ក៏​ជាប់​ចិត្ត​ចំពោះ ឥត​មាន​ភ្លេច​សេចក្ដី​ដែល​ស្តាប់​នោះ​ឡើយ គឺ​បាន​ប្រព្រឹត្ត​តាម​វិញ អ្នក​នោះ​នឹង​មាន​ពរ​ក្នុង​គ្រប់​ទាំង​ការ ​ដែល​ខ្លួន​ធ្វើ​ទាំង​ប៉ុន្មាន(យ៉ាកុប ១:២២-២៥)។ ព្រះពរគឺ វាអាស្រ័យលើការប្រព្រឹត្តតាមព្រះបន្ទូល។ ការដែលអ្នកណាគ្រាន់តែស្តាប់ នោះគឺវាមិនទាន់គ្រប់គ្រាន់ទេ ដូច្នេះ អ្នកត្រូវតែជឿតាម ប្រកាសតាម និងប្រព្រឹត្តតាម ព្រះបន្ទូលនោះ។ កាលណាអ្នកឆ្លើយតបទៅនឹងព្រះបន្ទូលយ៉ាងត្រឹមត្រូវ នោះព្រះបន្ទូលនឹងចាក់ឫសនៅក្នុងវិញ្ញាណរបស់អ្នក រួមទាំងគ្រប់គ្រង ឬដឹកនាំលើចិត្តគំនិត និងសកម្មភាពរបស់អ្នក ហើយនឹងធ្វើឲ្យអ្នក មានជ័យជម្នះ លើគ្រប់កាលៈទេសៈទាំងអស់បាន។ ដូច្នេះ សូមគិតថា ព្រះបន្ទូល គឺជាគ្រាប់ពូជដ៏មានជីវិត។ កាលណា អ្នកបានសាបព្រោះ នៅក្នុងចិត្តដែលត្រៀមទទួល នោះវានឹងលូតលាស់ ហើយបង្កើតផលជាសេចក្ដីសុចរិត សុខភាព និងជោគជ័យ។ ហេតុនេះហើយ បានជាការសម្លឹងមើល (សញ្ជឹងគិត) លើព្រះបន្ទូល ពិតជាមានសារៈសំខាន់ណាស់ ពីព្រោះ វាធ្វើឱ្យព្រះបន្ទូលផ្លាស់ទីពីខួរក្បាលមកកាន់ដួងចិត្តរបស់អ្នក ដែលនៅទីនោះ ព្រះបន្ទូល នឹងក្លាយជាសេចក្ដីពិតដ៏មានជីវិត សម្រាប់ដឹកនាំជីវិតរបស់អ្នក និងធ្វើឱ្យព្រះបន្ទូលដែលមានឬទ្ធិអំណាចនៃការបង្កើត នឹងដំណើរការឡើង។ សូមចងចាំថា ព្រះបន្ទូល បានបង្កើត និងទ្រទ្រង់សកលលោកទាំងមូល ព្រមទាំងអ្វីៗទាំងអស់ដែលមាននៅក្នុងនោះ៖ យ៉ូហាន ១:១-៣ ចែងថា៖ «កាល​ដើម​ដំបូង​មាន​ព្រះ‌បន្ទូល ព្រះ‌បន្ទូល​ក៏​គង់​នៅ​ជា​មួយ​នឹង​ព្រះ…គ្រប់​របស់​ទាំង​អស់​បាន​កើត​មក​ដោយ‌សារ​ទ្រង់ ហើយ​ក្នុង​បណ្តា​របស់​ដែល​បាន​បង្កើត​មក​ទាំង​ប៉ុន្មាន នោះ​គ្មាន​អ្វី​ណា​មួយ​កើត​មក​ក្រៅ​ពី​ទ្រង់​ឡើយ»។ បទគម្ពីរ ហេព្រើរ ១:៣ បានប្រាប់យើងថា គឺ​ទ្រង់​ជា​រស្មី​ភ្លឺ​មក​ពី​សិរី‌ល្អ​នៃ​ព្រះ ហើយ​ជា​រូប‌ភាព​នៃ​អង្គ​ទ្រង់ ទាំង​ទ្រ‌ទ្រង់​គ្រប់​របស់​ទាំង​អស់។ ហេតុដូច្នេះ ព្រះបន្ទូលពិតជាអាច និងច្បាស់ណាស់ សម្រាប់សាងសង់ជីវិត និងអនាគតរបស់អ្នកបាន ប្រសិនបើ អ្នកទុកឱ្យព្រះបន្ទូល ជាទី១សម្រាប់ជីវិត។ ព្រះបន្ទូលនឹងបន្តឲ្យអ្នកជោគជ័យ និងរីកចម្រើន ហើយនឹងថែរក្សាអ្នកឱ្យស្ថិតក្នុងជ័យជម្នះជារៀងរហូតរផងដែរ។ ទំនុកតម្កើង ១:១-៣ អធិប្បាយយ៉ាងពីរោះ អំពីអ្វីដែលនឹងកើតឡើង កាលណាអ្នក គឺជាអ្នកប្រព្រឹត្តតាមព្រះបន្ទូល គឺថា៖ មាន​ពរ​ហើយ អ្នក​ណា​ដែល​មិន​ដើរ​តាម​ដំបូន្មាន របស់​មនុស្ស​អាក្រក់ ក៏​មិន​ឈរ​នៅ​ក្នុង​ផ្លូវ​របស់​មនុស្ស​មាន​បាប ឬ​អង្គុយ​នៅ​ជា​មួយ​នឹង​ពួក​មនុស្ស​ដែល​មើល‌ងាយ អ្នក​នោះ​ត្រេក‌អរ​តែ​នឹង​ក្រិត្យ‌វិន័យ​របស់​ព្រះ‌យេហូវ៉ា​វិញ ក៏​រំពឹង​គិត​ក្នុង​ក្រិត្យ‌វិន័យ​ទ្រង់​ទាំង​យប់​ទាំង​ថ្ងៃ​ដែរ អ្នក​នោះ​នឹង​ដូច​ជា​ដើម​ឈើ ដែល​ដុះ​នៅ​ក្បែរ​ផ្លូវ​ទឹក ដែល​បង្កើត​ផល​តាម​រដូវ​កាល ហើយ​ស្លឹក​ក៏​មិន​ចេះ​ស្រពោនឡើយ ឯ​ការ​អ្វី​ដែល​អ្នក​នោះ​ធ្វើ នោះ​នឹង​ចំរើន​ឡើង​ទាំង​អស់។ សូមថ្វាយការសរសើរតម្កើងដល់ព្រះ! #សេចក្តីអធិស្ឋាន ឱព្រះវរបិតាជាទីស្រឡាញ់អើយ! ព្រះបន្ទូលរបស់ទ្រង់ហើយ ដែលមានជីវិតនៅក្នុងទូលបង្គំ ហើយកំពុងធ្វើការងារនោះ នៅក្នុងរូបកាយ គំនិត និងវិញ្ញាណរបស់ទូលបង្គំ ដើម្បីធ្វើឲ្យទួលបង្គំ មានសុខភាពដ៏ល្អ ប្រាជ្ញា និងជោគជ័យ។ នៅថ្ងៃនេះ ទូលបង្គំ រស់នៅតាមព្រះបន្ទូល ហើយព្រះបន្ទូលនោះហើយ ដែលជាអ្នករុញច្រានទូលបង្គំ ឲ្យដើរលើផ្លូវនៃព្រះពរ ដែលគ្មានទីបញ្ចប់ មានសិរីល្អ និងមានឧត្តមភាព ក្នុងព្រះនាមព្រះយេស៊ូវ។ អាម៉ែន! #សម្រាប់ការសិក្សាបន្ថែម៖ កូឡូស ៣:១៦ យ៉ាកុប ១:២២ កិច្ចការ ២០:៣២