កម្វុជក្សត្រដែលមានព្រះនាម ធរណីន្ទ្រ (Dharanindra) скачать в хорошем качестве

កម្វុជក្សត្រដែលមានព្រះនាម ធរណីន្ទ្រ (Dharanindra)

កម្វុជក្សត្រដែលមានព្រះនាម ធរណីន្ទ្រវម៌្ម 1-ព្រះបាទធរណិន្ទ្រវម៌្ម ជាព្រះមហាក្សត្រខ្មែរនាសម័យរាជាណាចក្រភ្នំ ព្រះបាទធរណិន្ទ្រវម៌្ម មានព្រះនាមហៅតាមភាសាចិនថា ហ្វាន់ចាន់ (范施, Fàn Zhān)។ ហ្វាន់ចាន់ បន្ទាប់ពីធ្វើគុតកុរុងស្រីមារដែលជាព្រះមហាក្សត្រអង្គមុនហើយនោះ ក៏បានប្រកាសតាំងខ្លួនជាព្រះមហាក្សត្រថ្មីនៃរាជាណាចក្រភ្នំ។ ក្រោយមក ព្រះអង្គក៏ចាត់ឱ្យកងទ័ពតាមកម្ចាត់ព្រះអង្គម្ចាស់ ជិនសិង ដែលជារាជទាយាទរបស់ព្រះបាទស្រីមាររហូតដល់បានសម្រេច ដើម្បីកុំឱ្យមានគូប្រជែងត្រឹមត្រូវតាមច្បាប់ទៅថ្ងៃក្រោយ។ ហ្វាន់ចាន់ កាលបើបានឡើងសោយរាជ្យហើយក៏យកព្រះបរមនាមថា កុរុងធរណិន្ទ្រវម្ម និងបានតែងតាំងមេទ័ពម្នាក់ឈ្មោះ អស្សាជយ ជាមហាសេនាបតី។ ក្នុងពេលគ្រងរាជ្យនោះ ព្រះបាទធរណិន្ទ្រវម៌្មបានចាត់ឱ្យរាជវង្ស១អង្គដឹកនាំគណៈបេសកទូតខ្មែរ ព្រមជាមួយព្រះរាជសារនិងរាជបណ្ណាការទៅចងសម្ពន្ធមេត្រីជាមួយរាជវង្សមុរុណ្ឌ (Murunda dynasty) នៅភាគខាងកើតប្រទេសឥណ្ឌាបច្ចុប្បន្ន។ ស្តេចនៃរាជវង្សមុរុណ្ឌនោះក៏បានថ្វាយសេះចម្បាំងចំនួន៤ក្បាល និងរាជបណ្ណាការតបមកស្តេចខ្មែរវិញដែរ។ ក្នុងឆ្នាំពុទ្ធសករាជ៧៨៦ ទ្រង់បានតែងតាំងរាជទូតឱ្យនាំរាជសារនិងរាជបណ្ណាការទៅចងសម្ពន្ធមេត្រីជាមួយនគរតុងអ៊ូ នៃប្រទេសចិន។ ទិដ្ឋភាពនេះបង្ហាញថា កុរុងធរណិន្ទ្រវម៌្ម ទ្រង់ពូកែធ្វើនយោបាយចងសម្ពន្ធមិត្តជាមួយមហាប្រទេសនានាជាលើកដំបូង។ បើតាមពង្សាវតារនគរទាំងបី (សាមកុក) ព្រះបាទធរណិន្ទ្រវម៌្មនេះហើយ ដែលបានបញ្ជូនរាជទូតទី១ទៅប្រទេសចិននៅឆ្នាំ២៤៣ ដោយនាំជាមួយនូវអ្នកភ្លេងនិងផលិតផលទៅថ្វាយស្តេចត្រាញ់ ស៊ុន ឈាន។ ព្រះបាទធរណិន្ទ្រវម៌្មបានលើកទ័ពជើងគោកចេញទៅពង្រីកទឹកដីប៉ែកខាងលើតាមទន្លេមេគង្គ ធ្វើឱ្យរាជាណាចក្រភ្នំកាន់តែមានវិសាលភាពធំទូលាយជាងមុន តែមិនប្រាកដសេចក្តីថាយកបានស្រុកណាខ្លះនោះទេ។ តាមការសន្និដ្ឋានរបស់អ្នកប្រវត្តិសាស្ត្រ កុរុងធរណិន្ទ្រវម៌្ម ទ្រង់វាយយកបានរដ្ឋគោត្របុរៈរបស់ជនជាតិមន ព្រោះរដ្ឋនេះនៅជាប់ព្រំប្រទល់រាជាណាចក្រភ្នំភាគខាងលើ។ 2-ព្រះនាងធរណិន្ទ្រទេវី ព្រះនាងជាព្រះអគ្គមហេសីរបស់ព្រះបាទជយវម៌្មទី២(៨០២-៨៣៥)។ ព្រះមាតារបស់ព្រះនាងធរណិន្ទ្រទេវីជាបងស្រីរបស់ព្រះបាទរុទ្រវម៌្ម ដោយពួកទ្រង់ជារាជវង្សនៅពលាទិត្យបុរក្នុងសម័យបែកបាក់ចេនឡា។ នៅពេលព្រះបាទជយវម៌្មទី២បណ្ដេញជ្វាចេញពីកម្វុជទេស ហើយបានបង្រួបបង្រួមប្រទេសជាតិឱ្យមានឯកភាពវិញនោះ ព្រះអង្គក៏បានរៀបអភិសេកជាមួយព្រះនាងធរណិន្ទ្រទេវី និងមានរាជបុត្រមួយអង្គ គឺព្រះបាទជយវម៌្មទី៣ ដែលបានសោយរាជ្យបន្តចាប់ពីឆ្នាំ៨៣៥-៨៨៧ នៅរាជធានីហរិហរាល័យ។ 3-ព្រះបាទធរណិន្ទ្រវម៌្មទី១ ព្រះអង្គគឺជាក្សត្រខ្មែរដែលបានសោយរាជ្យនៅមហិធរបុរ ចាប់ពីឆ្នាំ១១០៧-១១១៣ បន្តពីព្រះអនុជរបស់ទ្រង់ គឺព្រះបាទជយវម៌្មទី៦(១០៨០-១១០៧)។ ដំបូងឡើយ រាជសម្បត្តិត្រូវបន្តដោយប្អូនប្រុសពៅរបស់ពួកទ្រង់ទេ តែដោយសារប្អូនប្រុសពៅដែលជាព្រះយុវរាជនេះមានប្រឈួនធ្ងន់ រហូតដល់ចូលទិវង្គត ទើបនាម៉ឺនមន្ត្រីសេនាបតីយាងព្រះបាទធរណិន្ទ្រវម៌្មទី១ ដែលកំពុងសាងព្រះផ្នួសនោះ ឱ្យឡើងសោយរាជ្យតែម្ដង។ ព្រះបាទធរណិន្ទ្រវម៌្មទី១បានរៀបអភិសេកជាមួយព្រះនាងវិជយេន្ទ្រលក្ស្មី និងមានបុត្រមួយអង្គព្រះនាម មហិធរាទិត្យ។ គួរជម្រាបថា ចាប់ពីឆ្នាំ១០៨០-១១១៣ កម្វុជទេសកើតមានព្រឹត្តិការណ៍បែកបាក់រាជអំណាចជា២ គឺរាជអំណាចយសោធរបុរ និងរាជអំណាចមហិធរបុរ។ ព្រះបាទធរណិន្ទ្រវម៌្មទី១ សោយរាជ្យបានតែ៥ឆ្នាំ ក៏ត្រូវព្រះបាទសូយ៌្យវម៌្មទី២ធ្វើគុត និងក្ដោបក្ដាប់អំណាចនៅមហិធរបុរនាឆ្នាំ១១១៣ ព្រោះមើលឃើញថា រាជអំណាចក្រោមរាជ្យសម្បត្តិរបស់ព្រះបាទធរណិន្ទ្រវម៌្មទី១ មានភាពទន់ខ្សោយ មិនអាចប្រឆាំងនឹងរាជអំណាចនៅយសោធរបុរបាន។ រួចហើយព្រះបាទសូយ៌្យវម៌្មទី២ ក៏បានលើកទ័ពមកច្បាំងជាមួយព្រះបាទនឫបតិន្ទ្រវម៌្ម ដែលជាក្សត្រសោយរាជ្យនៅយសោធរបុរ (ក្រុងអង្គរ)។ 4-ព្រះបាទធរណិន្ទ្រវម៌្មទី២ ព្រះអង្គបានឡើងសោយរាជ្យនៅយសោធរបុរ ចាប់ពីឆ្នាំ១១៥០-១១៦៦។ ព្រះអង្គជាប់សែរាជវង្សនៅមហិធរបុរ ព្រះបិតារបស់ព្រះអង្គមានព្រះនាមថា មហិធរាទិត្យ ដែលជារាជបុត្ររបស់ព្រះបាទធរណិន្ទ្រវម៌្មទី១ ដូច្នេះធរណិន្ទ្រវម៌្មទី២ គឺជាចៅបង្កើតព្រះបាទធរណិន្ទ្រវម៌្មទី១ ជាក្សត្រនៅមហិធរបុរ។ ព្រះបាទធរណិន្ទ្រវម៌្មទី២ បានរៀបអភិសេកជាមួយព្រះនាងជយរាជចូឌាមណី ដែលជារាជបុត្រីរបស់ព្រះបាទហស៌វម៌្មទី៣ ព្រះមហាក្សត្រនៅយសោធរបុរ។ ព្រះបាទធរណិន្ទ្រវម៌្មទី២ និងព្រះបាទសូយ៌្យវម៌្មទី២ គឺជាបងប្អូនជីទួតមួយនឹងគ្នា។ ទោះបីព្រះបាទសូយ៌្យវម៌្មទី២ ធ្លាប់ធ្វើគុតជីតាបង្កើតរបស់ព្រះបាទធរណិន្ទ្រវម៌្មទី២ក៏ពិតមែន ប៉ុន្តែក្សត្រទាំងពីរបានប្រកៀកស្មាគ្នាក្នុងការពង្រឹងរាជអំណាចមហិធរបុរ រហូតទទួលបានជ័យជម្នះលើរាជអំណាចយសោធរបុរ ហើយក្រោយពេលបង្រួបបង្រួមកម្វុជទេសឱ្យមានឯកភាពរួចហើយ ព្រះបាទសូយ៌្យវម៌្មទី២ និងព្រះបាទធរណិន្ទ្រវម៌្មទី២ បានខិតខំពង្រឹងកិត្យានុភាពជាតិ ទប់ទល់ការឈ្លានពាននៅភាគខាងកើតពីសំណាក់កងទ័ពចាម្ប៉ា តាមរយៈការបញ្ជូនរាជបុត្ររបស់ទ្រង់ព្រះនាម ជយវធ៌ន ទៅច្បាំងជាមួយកងទ័ពចាម្ប៍អស់ពេលជាយូរឆ្នាំ។ ពិតណាស់ ព្រះអង្គម្ចាស់ជយវធ៌ន ឬព្រះបាទជយវម៌្មទី៧ គឺជាព្រះរាជបុត្រទោលរបស់ព្រះបាទធរណិន្ទ្រវម៌្មទី២ និងព្រះនាងជយរាជចូឌាមណី៕ សូម Subscribe ម្នាក់មួយមក #history #king #angkor #angkorwat #cambodia #siemreap #phnompenh #queen #culture #civilization