PPRA YASISITIZA MATUMIZI YA MFUMO WA NeST NJOMBE скачать в хорошем качестве

PPRA YASISITIZA MATUMIZI YA MFUMO WA NeST NJOMBE

WAKUU WA IDARA WATAKIWA KUZINGATIA SHERIA ZA MANUNUZI YA UMMA Njombe – Meneja wa Mamlaka ya Udhibiti wa Ununuzi wa Umma (PPRA), Pascal Manono, amewataka Wakuu wa Idara mkoani Njombe kuzingatia kikamilifu sheria za manunuzi ya umma na kuhakikisha tenda zote za serikali zinashughulikiwa kupitia mfumo wa National e-Procurement System of Tanzania (NeST) kama ilivyoelekezwa na serikali. Akizungumza katika mafunzo elekezi ya sheria na matumizi ya mfumo wa ununuzi wa umma (NeST), yanayoendelea katika ukumbi wa mikutano wa Ofisi ya Mkuu wa Mkoa wa Njombe, Bw. Manono alisema kutofuata masharti ya sheria hiyo ni uvunjifu wa taratibu na hatua kali za kisheria zitachukuliwa kwa yeyote atakayebainika kukiuka. “Ni wajibu wa kila kiongozi wa idara kuhakikisha taratibu za manunuzi ya umma zinafuatwa ipasavyo. Mfumo wa NeST umeanzishwa kwa lengo la kuongeza uwazi, kuondoa mianya ya rushwa, na kuhakikisha thamani ya fedha za umma inapatikana. Hivyo hakuna sababu ya mtu yoyote kupuuza maagizo haya,” alisema Bw. Manono. Mafunzo hayo, ambayo yalianza jana na yanafanyika kwa siku tano, yameingia leo katika siku yake ya pili na yanatarajiwa kukamilika baada ya siku tatu zijazo. Yanalenga kuwajengea uwezo Wakuu wa Idara, Wakuu wa Taasisi, Maafisa Ugavi na wataalamu kutoka Halmashauri zote za Mkoa wa Njombe juu ya matumizi sahihi ya mfumo wa NeST na utekelezaji wa sheria za manunuzi ya umma.