أولاد حاج الماحي - القعاد طال منو - نظم الشيخ/ حاج الماحي عليه رحمة الله скачать в хорошем качестве

أولاد حاج الماحي - القعاد طال منو - نظم الشيخ/ حاج الماحي عليه رحمة الله

القُعاد طال منو القُعاد طال منُّو زاد الشُّوق علينا الكريم راجٍينُّو يِوُرينا المدينة بديت بالواحد الحقَّ المُبينا اله العرشِ ربَّ العالمينا قديماً باقي حي طُولَ السِّنينا في بطن الرِّحم لاطِف بالجَنينا ثنيت بالخاتم الصادق الامِينا إمام الانبيا والمُرسلينا دليل الجنَّة نُور القِبلتينا شفيع الأُمة يوم العيب يبينا صبيح الوجَنه والقامه الحسِينا يفُوق في الحضَره قمَر السبعتينا مَوسَّم شامتُّو فوق عاتقُو اليمِينا يكيل محيوبي عِين النَّاظرينا العجب يا خوي في ليلة وُلودوُ وُضِع مختُّون وطاهِر غير بَرُودو تَطُوف وتعسكر الاملاك جُنُودو يلوحَ النُّور ويُوقد فُوق خُدودو المسِخ راح ذَلَّ لي غالي الجُدودُو والنُفوس طابَتبُو نارتبُو البُلودو خِرِب واتهدَّ بُنيان اليهُودُو إنطفت واتخمَّدت نارَ الحسُودُو السَّما والارض فِرحَن بيهُو طَــه الحِسان في الجنه طِربَت بي مجاها النُّحُوس اتكدَّرت وهدَّم بُناها نِساهُم زلَّجت ونارُن طَفَاها حليمة وزُوجَا يوم شَالُو المُبرَّا النَّعيم حازُوهُ عقلهُم استَسرا الخَليل جِبريل يطلَّهُومرَّة مرَّة شَقَّ نظَّف قَلبُو مِن مِثقال ذره السِّحاب في الحرّي غيَمَّ فُوقو شَرَّا والدُّواب من شُوفتُّو ما راح والَّلا فَرَّا المُنير اتشّقَّ نِصفين ليهُو خَرَّا والضَّرِع مسَّاهو انَعم ليهُو دَرَّا نزَل في مكَّة جِبريل بيهو اهلا السَّلام يُقريك ربَك قالاَ سَهلا البُراق قَالتلُو يا مُختاري مَهلا بَدور تضمنلي في الجَاه دايره دخله ضَمِن محبُوبي لي ام سرجاً مذَهَّب مناجي المُولي جبريل قالُّو أركب عرَج بي مكَّة ساري الَّليل قَبقَب حَيُولُو الرُّسلي جيشُن بيهُو رحَّب إمام صَلَّابُن الجِيش اقتدابُو نصبلُو السِّلِّم المختار مَشَابُو سماءَ الدُّنيا حين فَتَحلُو بابُو لِقا الجد قال حَبَاب ابني وحَبابُو فتَّحلو الثَاني شاف عِيسي بن مريم يقُول يا مرحبا الهَادِي المُكرَّم أتي في الثالثه الصِدّيق وسلَّم غِشَا في الرابع ادريس المعظَّم أتي في الخامسة هارُون وحبَّ لِقا في السادسة موسي المُنَبَّي راي في السابعة إبراهيم بي هيبه يقولُّو سلامِي ليك يا بدَرِي طيبة بي فوق السبعة قنديل أُم قزَّازَه وقف في السِّدرَة جبريل بالإجَازة بِحُجبي النُّور طلع نبي الحِجازا رأي الحق نال علُو الدَّرجات وحَازا العجب لله والعَجَبَ العَجيبو الحبَيب يتَهنَّا بي رؤيَة حبيبُو كَشفلُو حجَابُو قالُّو أقرُّب قريبو مُنَاك الدَّايرُو عندَنا مُستجِيبُو إلاهَك عظَّمك حبَّاك رضَاكَ قرِيبا مالا قاب قُوسين دنَاكا من الأسرار يقُول لك هاكَ وهاكَ رجع مسروُر حمدتُو بِمَا عَطَاكا أتيت لي مُوسي يا خيرَ البريَّة تقول لهو جِيت بِي خَمسين عليّ يقول لك أطلب المولَي العلِيا يَخّفِّف فَرضُو لي أُمَمَك شِوية طلبتَ المولي سبحانا وتَعَالا رجع بي خمسة يا صادق المقَاله صِبِح في مكَّة زَاد نُورا وجمالا مُرادك تمَّ بَّلغتَ الرِّسالة خطَب بِي هَيعَه يا سَمح البَشَاشَه تقول لي قُريش رايت الله ماشَا تَشِك فٍي قولك النَاس الطَّلاشَّه يقول صِدّيق صَدق ما ذلَّ حاشا كُبارُن قالُو للنَّبي يا الرَّؤُوفو أعرف البيت وفرِز لي وقُوفو الخليل جبريل يجيبو لهُو ويشُوفُو والحبيب في الحِين يكِّم بي وُصُوفو وقف صديق وقال حَلفَت بالله كلامَك يا الأمين ما فيِهُو زَلَّة جميع الخالفك أشرك وضَلَّ خُلودُو الهاوية ان ما تاب وصلاَّ جيب يا لساني شكر لي صديقو خليفتو اب عايشَه صاحبو ورفيقو عُمرفاروق يظهِّر لي عَمِيقُو والحِبِر عثمان يَسُر قلبو ويليقُو أبي الحَسَنين إبن عمُّو وشَقيقُو مدينه عِلمو واقِف فوق طَرِيقُو جميع الكان منُومَس في فَرِيقو من الكَرَّار كِتِر همُّو وضِيقُّو جِيب يالساني شكِّر لي كِرَامُو حبَاَبَ السِّتَّة التابعين كلامُو الأُسود ناس حمزة والعبَّاس أعمَامُو في سبيل الله باعُو الرُّوح وسَامُوا حباب خالد مع الفضُل الصِّمامُو ضِرار والكندي فُرسان الِّلطامو تبوك والِّسيسبَان والروم وشَامُو القُروم هانُوها صفُّو الدِّين وقَامُو وقيعك يا الحبيب جوِّه بلدنا كذا الخُوُّه البُعاد والِّلينا أدنَا يكون عند الله بيك مقبول عهدنا في ذاك اليوم يكون مع الصِّدِّيق وعدنا ودْ بَجُوكَل نجُّو من جُمله المَصَايِب يفوز في الزَّفَّه مبسوط خاطرُو طايب ينال مقصُودُو في الجَنَّة ام لكايب حِساناَ ليهُو في قصُوراً عجايِب عليك يا نُور صبييِّ خَتَم صلاّتي سَلَام الله ما دامت حيَاتي رياحَ الكُونِ عدَد مَا هـَبَّ شَاتِي من الماحي الحَقِير عبدُو الفلاةِ