Umunsi wa 1 wa Noveni yo kwiyambaza Bikira Mariya upfundura amapfundo. скачать в хорошем качестве

Umunsi wa 1 wa Noveni yo kwiyambaza Bikira Mariya upfundura amapfundo.

UMUNSI WA MBERE: 1) Kwanga ibyaha, 2)Ndakuramutsa Mariya 10x3, 3) Igisabisho cy'umunsi wa 1, 4) Ndakuramutsa Mariya 10x2, 5) Isengesho ryo kwiyambaza Bikira Mariya upfundura amapfundo. Kwanga ibyaha: Mana yanjye, ndicuza cyane ko nagucumuyeho, kubera ubwiza bwawe n'uburyo wanga icyaha. Mfashe icyemezo cyo kutongera kugucumuraho, no kwisubiraho, mbifashijwe n'inema zawe. Isengesho ryo kwiyambaza Bikira Mariya upfundura amapfundo: Mariya Mubyeyi w'isugi, Mubyeyi w'urukundo rwiza, Mubyeyi utigeze utererana umwana ukwitabaje, Mubeyi ibiganza bikora ubutitsa bikorera abana bawe ukunda cyane; ibiganza byawe bikoreshwa n'urukundo rw'Imana hamwe n'impuhwe zidashira zisendereye umutima wawe. Hindukira unyerekezeho amaso yawe yuzuye impuhwe n'urukundo. Reba isanduku y'amapfundo apfukiranye ubuzima bwanjye. Uzi ukwiheba kwanjye n'ububabare mfite. Uzi uburyo iri pfundo rinziritse. Mariya Mubyeyi Imana yashinze gupfundura amapfundo yo mu buzima bw'abana bawe, nshyize umugozi w'amapfundo yo mu buzima bwanjye mu biganza byawe. Nta n'umwe, yewe na sekibi, wabasha gukura uwo mugozi mu biganza byawe byuzuye impuhwe. Mu biganza byawe, nta pfundo na rimwe ridashobora gupfundurwa. Mubyeyi ufite ububasha kubera inema zawe nyinshi no kubera ububasha bwawe bw'Umuvugizi iruhande rw'Umwana wawe Yezu Umucunguzi wanjye, akira uyu munsi iri pfundo: .....ukarivuga.....Kugira ngo Imana iheshwe ikuzo, ngusabye kuripfundura, kandi ukaripfundura ubu n'iteka ryose. Ndakwiringiye. Ni wowe wenyine Muhoza Imana yampaye, ni wowe wenyine ukomeza imbaraga zanjye zijegajega. Ni wowe mukiro w'ubukene bwanjye, ni wowe unkura mu bimbuza byose kugumana na Kristu. Umva uguhamagara kwanjye, menya, undagire, kandi undinde. Uri ubuhungiro bwanjye butajegajega. Mariya upfundura amapfundo, unsabire. Igisabisho cy'umunsi wa 1 Mubyeyi Mutagatifu nkunda cyane, Mariya Mutagatifu, wowe upfundura amapfundo abuza ubuhumekero abana bawe, ndamburira ibiganza byawe byuzue impuhwe. Nguhereje uyu munsi iri pfundo:....................., hamwe n'ibibi byose biriturukaho byuzuye mu buzima bwanjye. Nguhaye iri pfundo rimbuza amahoro, rikantera kubabara, kadi rikambuza rwose kwifatanya nawe, hamwe n'umwana wawe Yezu umukiza wanjye. Nje ngutakambira, Mariya upfundura amapfundo, kuko nkwizeye kandi nkaba nzi ko utigeze utererana umwana w'umunyabyaha ugutakambira ngo umufashe. Nemera ko ushobora gupfundura iri pfundo, kuko Yezu aguha ububasha bwose. Nizeye ko uzemera gupfundura iri pfundo, kubera ko uri umubyeyi wanjye. Nzi ko uzabikora, kuko unkunda urukundo rumwe n'urw'Imana. Urakoze Mubyeyi wanjye nkunda cyane. Mariya upfundura amapfundo, unsabire. Ushakisha inema, azazikura mu biganza bya Mariya.