Пўлатхўжанинг пўлатлиги Холдорхон бува Пўлатовдан скачать в хорошем качестве

Пўлатхўжанинг пўлатлиги Холдорхон бува Пўлатовдан

Юртимиз яшил майдонларида ўтган Осиё чемпионатида Жаҳон чемпионати йўлланмаси ҳамда қитъа чемпионлигини қўлга киритган футболчиларимиз бугун миллат қахрамони сифатида эътироф этилмоқда. Биз ана шундай қахрамонлардан бири терма жамоамиз ҳамда “Пахтакор” аъзоси Пўлатхўжа Холдорхоновнинг Косонсойдаги хонадонида бўлиб футболчининг ўзи ва оила аъзолари билан суҳбатлашдик. ҲОНАДОНДАГИ ДАСТЛАБКИ СУҲБАТДОШИМИЗ ФУТБОЛЧИНИНГ БУГУНГИ ДАРАЖАГА ЕТИШИДА НИХОЯТДА КАТТА МЕҲНАТИ СИНГГАН ИНСОН ПЎЛАТХЎЖАНИНГ БОБОЛАРИ ХОЛДОРХОН АКА ПЎЛАТОВ БЎЛДИЛАР. Авваламбор барчани муборак Рамазон ойи ҳамда терма жамоамизнинг тарихий ғалабаси билан чин қалбимдан табриклайман. Пўлатхўжага келсак набирамдаги иқтидорни болалигидаёқ пайқаб уни мини стадионларда шуғуллантириб юрганман. 8 ёшида эса Косонсой туманидаги БЎСМда Шодмонхон Маматов қўл остида икки йил мобайнида футбол сир асрорларини ўргана бошлаган. Ундан сўнг Пўлатхўжани “Бунёдкор” академиясига олиб бориб 10 кунлик кўрикда иштирок этганмиз ҳамда кўрикдан мувафаққиятли ўтиб 2014 йил апрелдан Фурқат Самедов қўл остида “Бунёдкор-Б” гуруҳида шуғуллана бошлаган. Ўша даврларда набирамни бувиси билан биргаликда “Бунёдкор” академиясига яқин жойдан ижарага уй олиб ўзимиз тарбиялаб юрганмиз. Чунки фарзандим Пўлатхўжанинг амакиси ҳам аввал футболчи бўлган ва кейинчалик бу спорт тури билан шуғулланишни тўхтатиб қўйган эди. Шундан сўнг набирамдаги иқтидорни кўриб шу болани етук футболчи бўлиши учун қўлимдан келганини қиламан деб ният қилган эдим. Шу тариқа набирам “Бунёдкор”да 5 йил шуғулланиб юрди ҳамда бу вақт оралиғида оила аъзоларимиз билан биргаликда унга керакли барча қулайликларни яратишга ҳаракат қилдик. Бувиси иккимиз доим унинг ёнида бўлдик ва болаларча инжиқликларини, кўтардик ўйини ўхшамай қолган пайтларда тассалли бериш асносида қўшимча мотивациалар ҳам ўйлаб топардик. Кунлардан бир куни ўша пайтларда “Бунёдкор”да ишлаган Отабек Ғуломхўжаев Пўлатхўжани “Пахтакор”га ўтказиш таклифини бериб қолди. “Пахтакор”да бу ёш тоифасидаги футболчилар билан мархум Михаил Аннинг ўғли Димитрий Ан шуғулланар экан, гаплашдик барчаси ижобий ҳал бўлди ва набирам “Пахтакор”га кўчиб ўтди. Орадан кўп ўтмай Пўлатхўжа кичик ёшлилар ўртасида ўтказиладиган турнирларда ўзини кўрсатиб тўпурар бўлишни бошлади. Кейинчалик ўринбосарлар ва ундан кейин асосий таркиб билан шуғулланишни бошлади. У ерда ўша даврларда “Пахтакор”ни бошқарган Питер Хюстранинг эътиборига тушиб Саудия Арабистонида марказлашган ҳолда ўтказилган ОЧЛ баҳсларида гол уриб жамоасига ғалаба тақдим этган пайтлари ҳам бўлди. ФУТБОЛЧИНИНГ ОТАСИ АЪЗИМХЎЖА АКА ПЎЛАТОВ. Авваламбор барча хамюртларимизни Осиё чемпионати давомида терма жамоамизни қўллаб-қувватлаб турганликлари учун миннатдорчилик билдираман. Бу ютуқ бутун халқимизники ва қолаверса Пўлатхўжани шу даражага етишишида меҳнати сингган ота-онамники деб ўйлайман. Дадам ўзлари айтиб ўтганларидек барибир оиламиздан футболчи етиштириб чиқараман деб ахд қилгандилар. Пўлатхўжадаги иқтидорни ҳам ўзлари пайқаб унинг футбол билан шуғулланишида катта ташаббус кўрсатганлар. Биз фарзандимизни ота-онамга топшириб уларни Тошкентда кўнгилдагидек хаёт кечиришлари учун укам билан биргаликда астойдил меҳнат қилганмиз. Фарзандимнинг бугунги ютуқлари замирида эса ота-онамнинг ҳиссалари катта бўлган. Илоҳим, Пўлатхўжа келгусида ўз клуби ва терма жамоамиз таркибида ўзини кўрсатиб, бунданда катта ютуқларга эришиб халқимизни хурсанд қилиб юраверсин. ПЎЛАТХЎЖА ХОЛДОРХОНОВ ЎЗБЕКИСТОН U-20 ТЕРМА ЖАМОАСИ ҲАМДА “ПАХТАКОР” КЛУБИ АЪЗОСИ Уйдагилар айтиб ўтишганидек мени бу даражага етишишимда оила аъзоларимнинг айниқса бобомнинг хиссалари катта бўлган. Емай едириб, бор эътиборларини менга қаратишгани учун ота-онам ва барча яқинларимга миннатдорчилик билдираман. Турнирга келадиган бўлсак барчаси ажойиб тарзда ўтди. Мақсадимиз чемпионлик эди ва шукрки бунга эришдик. Гурух босқичидан бошлаб хар бир ўйин ўзига яраша қизиқарли ва оғир ўтди. Мухлислар барча учрашувимизда ўйингоҳни тўлдирган холда қўллаб- қувватлашди. Ажойиб атмосфера учун уларга ҳам алохида рахмат айтган бўлардим.... Давоми бор. Суҳбатнинг тўлиқ матнини "ИнтерФУТБОЛ" газетасида мутолаа қилишингиз мумкин.