ကိုးကန့်တပ်နဲ့ တအာင်းတပ်ပြဿနာ တစ်လနီးပါးကြာအထိ မပြေလည် | People's Spring скачать в хорошем качестве

ကိုးကန့်တပ်နဲ့ တအာင်းတပ်ပြဿနာ တစ်လနီးပါးကြာအထိ မပြေလည် | People's Spring

ကိုးကန့်တပ်နဲ့ တအာင်းတပ်ပြဿနာ တစ်လနီးပါးကြာအထိ မပြေလည်   မတ်-၉၊ ၂၀၂၆။ People’s Spring   ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်မှာ ကိုးကန့်တပ်မတော်(MNDAA)နဲ့ တအာင်းတပ်မတော်(TNLA)တို့ နှစ်ဖက် စစ်ရေးစုဖွဲ့မှုတွေ ဆက်ရှိနေကြောင်း ဒေသခံနဲ့ ဒေသစစ်ရေး သတင်းရင်းမြစ်တချို့က ပြောပါတယ်။   ဖေဖော်ဝါရီ ၁၃ရက်က ကွတ်ခိုင်မြို့မှာ ကိုးကန့်တပ် က CCTV တပ်ဆင်တဲ့ကိစ္စနဲ့ပတ်သက်ပြီး ကိုးကန့်တပ်ဖွဲဝင်တွေကို TNLAက စီးနင်းဖမ်းဆီးမှု စတင်ခဲ့ရာကနေ ဒေသတွင်းမှာ နှစ်ဖက်တပ်တွေ အပြန်အလှန် ဖမ်းဆီးမှုတွေ ရှိခဲ့ပါတယ်။ ဒါ့အပြင်လက်ရှိမှာ TNLAက ကွတ်ခိုင်မြို့ထဲမှာ အင်အား ၄၀၀၊ ၅၀၀ လောက် နေရာယူထားသလို ကိုးကန့်ကတော့ မြို့ပြင်ဘက်ကနေ ကွတ်ခိုင်မြို့ကို ဝိုင်းထားတယ်လို့ ဒေသစစ်ရေးသတင်းရင်းမြစ်တစ်ဦးက ဆိုပါတယ်။  ကိုးကန့်တပ် အင်အားက ၁၀၀၀ လောက်ရှိတယ်လို့ သိရကြောင်းလည်း သူက ဆက်ပြောပါတယ်။ ဒေသခံ တစ်ဦးကလည်း လက်ရှိနောက်ဆုံး အခြေအနေမှာ ကိုးကန့်တွေက မြို့ပတ်ပတ်ချာလည်မှာ ပိတ်ထားသလို TNLAကလည်း အင်အားအများအပြား ရှိတယ်လို့ ဆိုပါတယ်။   ကိုးကန့်တပ်နဲ့ တအာင်းတပ်အကြား ပြဿနာ ညှိနှိုင်းလို့မရသေးတဲ့ အခြေအနေမှာ  ပိတ်ဆို့ကန့်သတ်မှုတွေကြောင့် ဒေသခံလူထုတွေလည်း အခက်အခဲများစွာ ကြုံရတယ်လို့ သိရပါတယ်။   TNLAနဲ့ ကိုးကန့်တပ်တို့ဟာ ကွတ်ခိုင်မြို့မှာ ဖြစ်ခဲ့တဲ့ ပြဿနာ ဖြေရှင်းနိုင်ရေးဆွေးနွေးမှုအချို့ လုပ်ဆောင်ခဲ့ကြပါတယ်။   ကွတ်ခိုင်မြို့ကအခြေအနေတွေနဲ့ ပတ်သက်ပြီး နှစ်ဖက်က တရားဝင် ထုတ်ပြန်ထားတာမရှိပေမယ့် TNLA ပြောရေးဆိုခွင့်ရှိသူ လွေးယေဦးကတော့ မဟာမိတ်အချင်းချင်း အကြား ပြဿနာကို နိုင်ငံရေးနည်းအရ ဆွေးနွေးဖြေရှင်းသွားမယ်လို့ ဖေဖော်ဝါရီ ၁၆ရက်က ပြောထားပါတယ်။ ကိုးကန့်တပ်ကတော့ သူတို့ အသိပေးလိုတဲ့ သတင်းအချက်အလက်ကို အဖွဲ့ သတင်းပြန်ကြားရေးဌာနက ဖော်ပြလေ့ရှိပြီး  တာဝန်ရှိသူတွေက မီဒီယာတွေမှာ ပြောဆိုတာမျိုး မလုပ်တာက ကာလအတော်ကြာပြီဖြစ်ပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA