លលកញីឈ្មោល - លោក មាស ហុកសេង | Lolork Nhy Chhmorl - Meas HokSeng скачать в хорошем качестве

លលកញីឈ្មោល - លោក មាស ហុកសេង | Lolork Nhy Chhmorl - Meas HokSeng

ប្រវត្តិចម្រៀង -------- បទ "លលកញីឈ្មោល" គឺជាស្នាដៃនិពន្ធទំនុកច្រៀងរួមគ្នារបស់ លោក ម៉ា ឡៅពី និង លោក មាស ហុកសេង ដោយមាន លោក អ៊ុំ ដរ៉ា គឺជាម្ចាស់ស្នាដៃសម្រួលតន្ត្រី ហើយ លោក មាស ហុកសេង ថែមទាំងជាម្ចាស់ស្នាដៃនិពន្ធបទភ្លេង និងជាម្ចាស់សំនៀងនៃបទនេះ ទៀតផង។ បទនេះថតដាក់នៅក្នុងថាសនៅកំឡុងដើមទសវត្សរ៍ឆ្នាំ ១៩៦០ គឺក្នុងកំឡុងឆ្នាំ ១៩៦២ ដែលកាលនោះ លោក ម៉ា ឡៅពី លោក មាស ហុកសេង និង លោក អ៊ុំ ដរ៉ា បានរួមគ្នាផលិតបទនេះលក់ទៅឲ្យហាងថាសចម្រៀង "ហេងហេង" សញ្ញាប្រាសាទចន្ទច្ឆាយា ។ ចំពោះរឿងរ៉ាវជុំវិញប្រវត្តិនៃបទ រៀមច្បងសិល្បករមុនៗ មានការអះអាងខុសគ្នាបន្តិចបន្តួច។ ដោយ លោក មាស ម៉េងហ៊ាង ដែលជាប្អូនប្រុសទី ៣ របស់ លោក មាស ហុកសេង បានបកស្រាយថា កាលនោះ ឪពុកម្ដាយរបស់គាត់បានទិញឈើដើម្បីត្រៀមធ្វើផ្ទះថ្មីនៅម្ដុំ គ.ម លេង ៤ ហើយមុននឹងសាងសង់ផ្ទះថ្មី ពួកគាត់បានរុះរើផ្ទះចាស់ចោល និងបានសង់កូនខ្ទមបណ្ដោះអាសន្នមួយនៅក្នុងដីនោះ ។ នៅយប់មួយមានភ្លៀងឆ្លាក់យ៉ាងខ្លាំង លុះព្រលឹមឡើងថ្ងៃរះដីក៏ស្ងួត ហើយនៅក្បែរផ្ទះគាត់មានដើមអ៊ូញម៉ូញមួយដើម ក្រោយពេលថ្ងៃរះផុតចុងឈើ លោក មាស ហុកសេង បានឃើញលលកញីឈ្មោលមួយគូទំលើដើមអ៊ូញម៉ូញនោះពីខ្ទមរបស់លោក ហេតុនេះ លោក មាស ហុកសេង ក៏នឹកឃើញខ្លះៗនូវក្បាលនៃ បទ "លលកញីឈ្មោល" នេះ ហើយលោកបានស្រែកច្រៀងលេងចំពោះទិដ្ឋភាពនោះ។ លុះក្រោយមក លោក មាស ហុកសេង បានទៅជួប លោក ម៉ា ឡៅពី និងយកទិដ្ឋភាពនោះប្រាប់ លោក ម៉ា ឡៅពី និងបានហៅ លោក ម៉ា ឡៅពី ឲ្យជួយបំពេញទំនុកច្រៀងដែលនៅខ្វះ។ ចំណែកឯ លោក ម៉ា ឡៅពី វិញបានភ្ជាប់ទិដ្ឋភាពនោះទៅនឹងស្នេហាមិនបានសម្រេចរបស់លោក ជាមួយនឹងនាងចិន្ដា ដើម្បីតាក់តែងនិពន្ធបន្ថែមនូវទំនុកច្រៀងនៃបទនេះ។ មួយវិញទៀត បើតាមសម្ដីរបស់ លោក ឡេង សំណាង ដែលជាអ្នកសរសេរសំណេរអត្ថាធិប្បាយឲ្យសមូហកម្មស្ទឹងសង្កែ នៅកំឡុងទសវត្សរ៍ឆ្នាំ ១៩៩០ ដោយលោកបានជួប លោក ម៉ា ឡៅពី កាលឆ្នាំ ១៩៩៦ ឬ ១៩៩៧ ហើយលោកបានសួរ លោក ម៉ា ឡៅពី អំពី បទ "លលកញីឈ្មោល" នេះ ។ លោក ម៉ា ឡៅពី បានបញ្ជាក់ថា បទ "លលកញីឈ្មោល" នេះ បានលក់ឲ្យហាងថាសចម្រៀង ហេងហេង ក្នុងតម្លៃ ៣០ ០០០រៀល ជំនាន់នោះ ដែលមានតម្លៃប្រហែល ២ តម្លឹងមាស ។ ចំណែកឯលោកអុំម្នាក់ទៀត ដែលជាមិត្តភក្ដិរបស់ លោក សុះ ម៉ាត់ ដោយ លោកអុំ ថាលោកអុំធ្លាប់ បានស្ដាប់សម្ដីរបស់ លោក ម៉ា ឡៅពី តាមការផ្សាយរបស់វិទ្យុជាតិក្នុងទសវត្សរ៍ឆ្នាំ ១៩៦០ ដោយ លោក ម៉ា ឡៅពី បាននិយាយថា បទនេះគឺគាត់តែង ដោយព្រោះតែលោកបានជួបគូស្នេហ៍មួយគូ គឺ លោក ជុំ កែម និង អ្នកស្រី កែវ មន្ថា នៅម្ដុំ ជ្រោយចង្វារ ដែលកំពុងជិះស៊ីក្លូកៀកកើយជាមួយគ្នា ហើយ លោក ម៉ា ឡៅពី បានចំអន់ឲ្យថា "ពីរនាក់នេះដូចលលកញីឈ្មោល" ទើប លោក ម៉ា ឡៅ យកទិដ្ឋភាពនោះ មកតែង បទ "លលកញីឈ្មោល" ។ ចំណែកឯ លោក អ៊ុំ ដរ៉ា បានបញ្ជាក់បន្ថែមថា ត្រង់ឃ្លា លោក ម៉ា ឡៅពីសរសេរថា "បាត់ញីទុកឈ្មោល ឲ្យរស់ចង្អៀត ម្ដេចមិនពិឃាតទាំងគូទៅ" គឺ លោក ម៉ា ឡៅពី សរសេរបែបនេះ ព្រោះតែ លោក ម៉ា ឡៅពី ជាអ្នកចូលចិត្តបាញ់សត្វ ហើយលោករអៀសចិត្ត ដោយរូបលោកមិនដឹងជាមានសត្វប៉ុន្មានគូទេត្រូវព្រាត់គ្នាដោយសារលោក។ សរុបសេចក្ដីមក ចំណុចដែលច្បាស់លាស់ជុំវិញបទនេះ គឺ បទនេះ ប្រាកដណាស់ថា គឺស្នាដៃនិពន្ធទំនុកច្រៀងរួមគ្នា រវាង លោក មាស ហុកសេង និង លោក​​ ម៉ា ឡៅពី ព្រោះតែនៅលើសំបកថាសនៃបទនេះ បានបញ្ជាក់យ៉ាងច្បាស់ថា លោកទាំងពីរ គឺជាម្ចាស់ស្នាដៃនិពន្ធទំនុកច្រៀង។ -------- ស្រាវជ្រាវដោយ ៖ លោក សេង តារា    • លលកញីឈ្មោល (មាស ហុកសេង) Lolork Nhy Chhmorl