සක්කාය දිට්ඨි ප්‍රහාණය 1 (2017/5) - පූජ්‍ය මාන්කඩවල සුදස්සන හිමි скачать в хорошем качестве

සක්කාය දිට්ඨි ප්‍රහාණය 1 (2017/5) - පූජ්‍ය මාන්කඩවල සුදස්සන හිමි

සක්කාය කියල කියන්නේ පංච උපාදානස්කන්ධයට. ඒ කියන්නේ රූපයක් හා ඒ රූපය ඇසුරු කරගෙන පවතින සිතකුත් ඒ සිතේ ඇතිවෙන විඳින, හඳුනන, කල්පනා කරන ගති ටිකකුත් කැටි කරලා ගත්තහම පංච උපාදානස්කන්ධය කියල කියනවා. පංච උපාදානස්කන්ධයට සක්කාය කියල කියනවා. ඒ සක්කාය පිළිබද ඇත්ත ඇති හැටි නොදන්නාකම නිසා සක්කාය පිරිසිඳ නොදන්නාකම නිසා සක්කාය අරඹයා දිට්ඨියක් ඇතිවෙලා තියෙනවා. සග්ගාවරණ නොවන මග්ගාවරණ වන දිට්ඨි තියෙනවා. සග්ගාවරණද මග්ගාවරණද නොවන දිට්ඨි තියෙනවා කියල දිට්ඨින් බෙදනවා. http://thripitakaya.org/tipitakaya/In... යම් දිට්ඨියක් තියෙනවා ඒ දිට්ඨිය උපන්න කෙනාට සුගතියකට යන්නත් බැහැ නිවන් දකින්නත් බැහැ. මේ සක්කාය ගැන මොන විදිහට දැක්කොත්ද, පංච උපාදානස්කන්ධය මොන විදිහට දැක්කොත්ද සක්කාය දිට්ඨිය දුරුවෙන්නේ? රූපය එක ගොඩකට දාලා වේදනා, සඤ්ඤා, සඞ්‌ඛාර ටික චෛතසිකයි, විඤ්ඤාණය කියන්නේ චිත්තයි කියල රූප, චිත්ත, චෛතසික කියල ව්‍යවහාර කරනවා අභිධර්ම පිටකයේ. මුලින්ම අපි රූපය පිලිබදව හොඳට දැනගත යුතුයි, දැකගත යුතුයි. ඒ රූපය පිලිබදව දන්නේ දකින්නේ නැතුව සිතේ අනිත්‍යයක් දකිනවා හෝ සිතේ කෙලෙස් ධර්මතාවයක් ඉවත් කරනවා කියන එක වෙන්නේ නැහැ. ඒ මොකද, හිත උදව් කරගෙන කෙරෙන හැම ක්‍රියාවක්ම අපි කයට තියලයි මනින්නේ. කයයි කාමාවචර භූමියට. මම පින්වතුන්ට පොඩි උපමාවක් කියන්නම්කො. රොබෝ ශරීරයක් ගමු. කථා කරන්න වැඩ කරන්න; පුළුවන් රොබෝවරු ඉන්නවා කියන එක තමයි අපේ දැක්ම නමුත් ඒ රොබෝ ශරීරය ගැනත් අපිට දැක්මක් තියෙනවා යකඩ රබර් වයර් කෑලි වලින් තමයි හැදිලා තියෙන්නේ කියල. නමුත් එබඳු කොටස් වලින් හැදුනට ඒ රොබෝට කථා කරන්න පුළුවන්, ඒ රොබෝට වැඩ කරන්න පුළුවන් කියල කථා කරන්න පුළුවන් වැඩ කරන්න පුළුවන් රොබෝ කෙනෙක් ගැන ඒ යකඩ, රබර්, වයර් වලින් යුක්ත කයට තියල මනින්න පුළුවන් මිම්ම අපිට නැතිවෙලා නැහැ. රොබෝ කය අපි ඉස්සෙල්ලාම බලන්නේ යකඩ කෑලි, රබර් කෑලි වයර් කෑලි තියෙනවා කියල කියනේ ඒ කොටස් කථා කරන්න බැරි, යන්න එන්න බැරි ද්‍රව්‍යමය ස්වභාවයෙන් නිර්මාණය වෙච්ච කයක් විතරක් කියන එක මුලින්ම අපි හොඳට දත යුතුයි. යම් වෙලාවක ඕගොල්ලොන්ට තේරුනොත් ඒ රොබෝ ශරීරය ඇතුලේ යම්කිසි විද්‍යුතයක් නිසා විද්‍යුත් චුම්භක ශක්තියක් ඇති කරලා ඒ තුලින් නිකුත් කරන සංඥාවන් මත මේ යකඩ ශරීරය ක්‍රියා කරනවා කියන දැක්මක් ඕගොල්ලන්ට ඇති වුනොත්, මේ යකඩ ශරීරය ක්‍රියා කරන හේතු ටික අභ්‍යන්තර ව්ද්‍යුත් ක්‍රියාකාරිත්වය ගැන ඕගොල්ලොන්ට නුවණක් ඇති වුනොත් කථා කරන රොබෝලා ඉන්නවා වැඩ කරන රොබෝලා ඉන්නවා කියන දැක්මක් නැහැ කථා කරනවා රොබෝ වැඩ කරන රොබෝ කෙනෙක් ඇතිවෙන්නේ මෙහෙමයි නේද කියල දැක්මක් ඇතිවෙයි. යකඩ කය ගැන උඩින් බැලුවා කියල ඒ යකඩ කය එහාට මෙහාට ගෙනියන වචන කථා කරන ව්ද්‍යුත් ශක්තිය උදව් කරගෙන චුම්භක ක්ෂේත්‍රයකින් නිකුත් කරන සංඥාවන් අරඹයා ක්‍රියාකාරිවෙන යන්ත්‍ර ටික ගැන අවබෝධයක් නැති තාක් ඕගොල්ලොන්ට කථා කරන රොබෝ කෙනෙක් ඉන්නවා වැඩ කරන රොබෝ කෙනෙක් ඉන්නවා කියල ඒ ව්ද්‍යුත් චුම්භක තරංග ඔස්සේ කරන වැඩ ටික ඕගොල්ලෝ රොබෝ ශරීරයට තියල මනින එක නැතිවෙන්නේ නැහැ. හොඳට බලන්න රොබෝ කෙනෙක් දිහා රොබෝ කෙනෙක්ගේ ශරීරයේ ක්‍රියාකාරී දෙකක් තියෙනවා. රොබෝ ශරීරයට යම් වස්තුවක් ගැටුනොත් අභ්‍යන්තරයට සංඥාවන් නිකුත් කරනවා. ආපහු ඒ අරඹයා ප්‍රතික්‍රියා කරන්න කටයුතු කරන්න ඕනේ විදිහත් සංඥා ක්‍රමයකින් නිකුත් කරනවා. රොබෝ ඇස් ඉදිරිපිටට එන රූප අරඹයා සංඥාවක් රොබෝ ශරීරය ඇතුලට ගෙනියනවා. ඒ අරඹයා තමන් මෙහෙම කටයුතුයි කියල ඇතුලෙන් දත්ත ටිකක් දීලයි මේ කය සොලවන්නේ. මේ වගේ දෙපැත්තක් තියෙනවා. බුදුරජාණන් වහන්සේ ඉස්සෙල්ලම පෙන්නුවා "ඉති රූපං, ඉති රූපස්‌ස සමුදයො, ඉති රූපස්‌ස අත්‌ථඞ්‌ගමො" මේ රූපයයි, මේ රූපයේ ඇතිවීමයි, මේ රූපයේ නැතිවීමයි කියල හොඳට බලන්න කියලා පෙන්නුවා. ඒ නිසා මෙතැනදී අපි "අනුපුබ්බ කිරියා, අනුපුබ්බ සික්ඛා, අනුපුබ්බ පටිපදා," මේ ශාසනය කියන්නේ අනුපුර්ව ක්‍රියාවක්, අනුපුර්ව ශික්ෂාවක්, අනුපුර්ව ප්‍රතිපදාවක් තියෙන්නේ. හොඳට මතක තබාගන්න ඕනේ කියන්නේ කය බැලුවට පුද්ගලභාවය මනසේ දුරුවෙන්නේත් නැහැ කය නොබලා නාම ධර්ම ටික අහුවෙන්නෙත් නැහැ. අයි ඒ? කය ඇසුරු කරගෙන පවතින හිත උදව් කරගෙන මොනවම හරි හිතීම්,කීම්, කිරීම් කරනවා නම් ඒ ඔක්කොම කයට ගැට ගහලා අහවලා කථා කරනවා, අහවලා කටයුතු කරනවා කියලයි පෙනෙන්නේ. නමුත් කායානුපස්සනාව හොඳට වැඩුවහම එක දෙයක් ඔප්පු වෙලා පේනවා මේ කයේ සියළුම කොටාස් අචේතනිකයි - චේතනා නැහැ, අවිඤ්ඤාණකයි - විඤ්ඤාණයක් නැහැ. ඔන්න උත්තරයක් ආවා මේ කයට හිතන්න කියන්න කරන්න බැහැ. ඊගාවට ප්‍රශ්නයක් එනවා එහෙනම් කොහොමද මේ හිතීම්, කීම්, කිරීම් වෙන්නේ? කායානුපස්සනාව වැඩුවහම ඒ කියන්නේ රූපය පිරිසිඳ දැක්කහම ඊගාව අදියර එනවා රූපය පිරිසිඳ දන්නා කෙනාට පුළුවන් නාම ධර්ම ටික පිරිසිඳ දකින්න.