Mishkaat_ul_Masabeeh.Kitab ul Aadaab.By Mufti Salmanمشکاۃ ج 2، کتاب الآداب، مفتی محمد سلمان زاہد(47) скачать в хорошем качестве

Mishkaat_ul_Masabeeh.Kitab ul Aadaab.By Mufti Salmanمشکاۃ ج 2، کتاب الآداب، مفتی محمد سلمان زاہد(47)

مشکوة المصابیح جلد دوم (47) ۔۔۔ کتاب الآداب یعنی زندگی گزارنے کے بہترین اِسلامی آداب اور طور طریقے حدیث نمبر 5057 تا 5066 (بمطابق نسخه مکتبة البشریٰ) کتاب الآداب (سینتالیسویں حصہ) بَابُ الْحَذَرِ وَالتَّأَنِّي فِى الْأُمُوْرِ نقصان سے بچنے اور کاموں میں وقار اور شائستگی اختیار کرنے کا بیان الفصل الثانی چوتھی حدیث سے باب کے آخر تک ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ احادیث طیبہ کے مضامین: ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کاموں کو ٹہراؤ اورآہستگی سے کرنا ہر چیز میں بہتر ہے، سوائے آخرت کے عمل کے(کیونکہ اس میں سبقت کرنا مطلوب ہے)۔ (تمام اُمورمیں)اچھا طریقہ ،تحمل اور ٹہراؤاور میانہ روی نبوت کے چوبیس حصوں میں سے ایک حصہ ہے۔ بیشک نیک سیرت ہونا اور (کاموں میں)اچھا طریقہ اختیار کرنااور میانہ رَوی (یعنی اِفراط و تفریط سے بچتے ہوئے ہر ہر چیز میں اعتدال کی صفت کو اپنانا)نبوت کےپچیس حصوں میں سے ایک حصہ ہے۔ چاراہم ترین نبوی صفات جنہیں نبوّت کے اَجزاء میں سے قرار دیا گیا ہے: ❶— الْهَدْي الصَّالِح: یعنی نیک سیرت ہونا : ❷— السَّمْت الصَّالِح:یعنی اچھا طریقہ : ❸— وَالتُّؤَدَة:یعنی تحمل و ٹہراؤ: ❹— الِاقْتِصَادَ:یعنی میانہ رَوی : جب کوئی شخص کوئی بات کرے، پھر اِدھر اُدھرمتوجہ ہو(یعنی مُڑ مُڑ کر دیکھے) تو وہ امانت ہے۔ حضرت ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے حضرت ابوالہیثم بن تیّہان رضی اللہ عنہ سے فرمایا:”هَلْ لَكَ خَادِمٌ“تمہارے پاس کوئی خادم ہے؟ انہوں نے عرض کیا :نہیں ۔ آپ نے فرمایا:”فَإِذَا أَتَانَا سَبْيٌ فَأْتِنَا“ جب ہمارے پاس کہیں سے غلام آئیں تو تم ہمارے پاس آ جانا( میں تمہیں ایک غلام دے دوں گا)چنانچہ نبی کریم ﷺ کے پاس دو غلام آئے تو ابوالہیثم رضی اللہ عنہ آپ کی خدمت میں حاضر ہوئے، نبی کریم ﷺ نے ان سے فرمایا :”اخْتَرْ مِنْهُمَا“ان دونوں میں سے کوئی ایک پسند کرلو۔حضرت ابوالہیثم نے عرض کیا:”يَا نَبِيَّ اللَّهِ! اخْتَرْ لِي“ اے اللہ کے نبی! آپ ہی میرے لئے کوئی غلام پسند فرما دیں۔ آپ صلی اللہ علیہ وسلم نے فرمایا:”إِنَّ الْمُسْتَشَارَ مُؤْتَمَنٌ“ جس شخص سے مشورہ لیا جائے وہ اَمانت دار ہوتا ہے۔(اُسے مشورہ طَلب کرنے والے کو اُس کے مناسب بہتر مشورہ دینا چاہیئے)اس کے بعد حضور نے فرمایا:”خُذْ هَذَا فَإِنِّي رَأَيْتُهُ يُصَلِّي، وَاسْتَوْصِ بِهِ مَعْرُوفًا “ اس غلام کو لے جاؤ کیونکہ میں نے اس کو نماز پڑھتے ہوئے دیکھا ہے اور اس کے ساتھ اچھا سلوک کرنا اوراس کے ساتھ بھلائی اختیار کرنے کی میری وصیت پر ہمیشہ عمل کرنا۔ مجلسیں امانت کے ساتھ وابستہ ہیں ،سوائے تین مجلسوں کے اور وہ یہ ہیں: (1)کسی محترم خون کو بہانا۔(2)زنا و حرام کاری ۔(3)ناحق کسی کا مال چھیننا۔(ان تینوں سے متعلّق ہونے والی مجلس کی بات کو دوسروں کو بتانانہ صرف جائز بلکہ ضروری ہے تاکہ اُن کو روکا جاسکے اور ان کے شر سے حفاظت کی جاسکے)۔ جب اللہ تعالیٰ نے عقل کو پیدا کیا تو اس سے فرمایا : ” قُمْ“ کھڑی ہو جا۔ وہ کھڑی ہو گئی پھر اس سے فرمایا :”أَدْبِرْ“ پیٹھ پھیرو۔ اس نے پشت پھیر لی۔ پھر اس سے فرمایا:”أَقْبِلْ“میری جانب متوجہ ہو،وہ اللہ کی طرف متوجہ ہوئی،پھر اس سے فرمایا :”أُقْعُدْ“بیٹھ جا، وہ بیٹھ گئی۔پھر اللہ تعالیٰ نے ( اُس کےافضل ہونے کو بیان کرتے ہوئے)اُس سےفرمایا:”مَا خَلَقْتُ خَلْقًا هُوَ خَيْرٌ مِنْكَ، وَلَا أَفْضَلُ مِنْكَ،وَلَا أَحْسَنُ مِنْكَ“میں نے کوئی ایسی مخلوق پیدا نہیں کی جو تم سے زیادہ بہتر ہو،اور تم سے زیادہ افضل ہو اور تم سے زیادہ اچھی ہو ۔(پھر اُس کی اہمیت کو بیان کرتے ہوئے فرمایا)”بِكَ آخُذُ، وَبِكَ أُعْطِي، وَبِكَ أُعْرَفُ، وَبِكَ أُعَاقِبُ، وبِكَ الثَّوَابُ، وَعَلَيْكَ الْعِقَابُ “میں تیری ہی وجہ سے لیتا ہوں،تیری ہی وجہ سے دیتا ہوں، تیری ہی وجہ سے مَیں پہچانا جاتا ہوں، اور تیری ہی وجہ سے سزا دیتا ہوں، تیری ہی وجہ سے ثواب ہے اور تجھ ہی پر عقاب اور سزا ہے۔ بیشک کوئی شخص جو نماز پڑھنے والوں میں سے ، روزہ رکھنے والوں میں سے، زکوۃ دینے والوں میں سے ، حج اورعمرہ کرنے والوں میں سے ہو، یہاں تک کہ آپ نے(اسی طرح)خیر و بھلائی کے تمام حصوں کا تذکرہ کیا ، اور فرمایا:”وَمَا يُجْزَى يَوْمَ الْقِيَامَةِ إِلَّا بِقَدْرِ عَقْلِهِ“لیکن وہ قیامت کے دن اپنی عقل کے مطابق جزاء پائے گا۔ عقل کی اہمیت و ضرورت: عقل کی قسمیں: عقلمندی کے کام: (1)—نفس کو قابو میں کرنا۔(مسند احمد:17123) (2)—موت کو یاد کرنا۔(ابن ماجہ:4259) (3)—کھڑے بیٹھے لیٹےہر حال میں اللہ کو یاد کرنا۔ (4)—قدرت کی نشانیوں میں غور و فکر۔ (5)—نصیحت حاصل کرنا۔ (6)—ایفاء عہد و میثاق۔ (7)—صلہ رحمی کرنا۔ (8)— اللہ کی خشیت و خوف کا حامل ہونا۔ (9)—حساب و کتاب کے بارے میں ڈرنے والا ہونا۔ (10)—اللہ کی رضاء کیلئے آبر اور ثابت قدمی کے ساتھ رہنا۔ (11)—نماز قائم کرنا۔ (12)—اللہ کے دیے ہوئے رزق میں سے(واجبی و نفلی) خرچ کرنا۔ (13)—بُرائی کا بدلہ اچھائی سے دینا۔ (14)— اپنے پروردگار کی اِطاعت کرنا۔(حِلیۃ الأولیاء:6/345) (15)— محارِم سے اجتناب اور فرائض کی ادائیگی ۔(مسند الحارِث:829) تدبیر جیسی کوئی عقل نہیں، اور (حرام سے) رُک جانے جیسی کوئی پرہیزگاری نہیں ہے، اور اچھے اخلاق جیساکہ کوئی حسب نہیں۔ خرچ کرنے میں میانہ روی اختیار کرنا آدھی معیشت ہے ،لوگوں سے محبت و اُلفت کا برتاؤ آدھی عقل (سمجھداری)ہے،اچھا سوال کرنا آدھا علم ہے۔ Mufti Mohammad Salman Zahid Fazil Jamia DarulUloom Karachi ـــــــــــــــــــــ USTAAZ ــــــــــــــــــ JAMIA ANWAR UL ULOOM SHAD BAGH MALIR KARACHI AL-EMAAN INSTITUTE مفتی محمد سلمان زاھد فاضل جامعه دار العلوم کراچی ـــــــــــــــــــــ استاذ ــــــــــــــــــ جامعه انوار العلوم شاد باغ ملیرکراچی و الایمان انسٹیٹیوٹ ـــــــــــــــــــــ امام و خطیب ــــــــــــــــــ جامع مسجد رحمانیه گلشن رفیع ملیر کراچی