Mishkaat_ul_Masabeeh.Kitab ul Aadaab.By Mufti Salmanمشکاۃ ج 2، کتاب الآداب، مفتی محمد سلمان زاہد(1) скачать в хорошем качестве

Mishkaat_ul_Masabeeh.Kitab ul Aadaab.By Mufti Salmanمشکاۃ ج 2، کتاب الآداب، مفتی محمد سلمان زاہد(1)

مشکوة المصابیح جلد دوم (1) .... کتاب الآداب یعنی زندگی گزارنے کے بہترین اِسلامی آداب اور طور طریقے حدیث نمبر : 4627 تا 4637 (بمطابق نسخه مکتبة البشریٰ) ---------------------------------- درس کے مضامین کا خلاصه: ----------------------------------- کتاب الآداب (پہلا حصہ) بَابُ السلام الفصل الاول کی ابتدائی گیارہ احادیث ------------------------------- کتاب الآداب کے ابواب و احادیث کا خلاصہ : اس کتاب میں کُل بائیس(22) ابواب ہیں۔ اور حدیث نمبر 4627 سے لےکر حدیث نمبر5153 تک کُل 527 احادیث مبارکہ ہیں۔ ادب کا معنی: ادب لغت میں ”مَأدُبۃ“ سے مشتق ہے جس کے معنی کھانے کیلئے بلانے اور دعوت دینے کے آتے ہیں۔اور اس معنی کے اعتبار سے ادب کی مُناسبت یہ ہے کہ اس کو اختیار کرنے اور عمل میں لانے کیلئے سب کو بلایاجاتا ہے ۔ اِصطلاحی طور پر اس کی مختلف تعریفات کی گئی ہیں: (1)— ”اسْتِعْمَالُ مَا يُحْمَدُ قَوْلًا وَفِعْلًا“ ایسے اقوال اور افعال کو اپنانا کہ جو قابل تعریف ہوں (2)—”الْأَخْذُ بِمَكَارِمِ الْأَخْلَاقِ“ اعلی درجے کے اخلاق کو تھامنا اور اختیار کرنا (3)—”الْوُقُوفُ مَعَ الْحَسَنَاتِ وَالْإِعْرَاضُ عَنِ السَّيِّئَاتِ“ نیکی کے کاموں پر جمنا اور گناہوں کے کاموں سے بچنا (4)—”التَّعْظِيمُ لِمَنْ فَوْقَكَ وَالرِّفْقُ بِمَنْ دُونَكَ“۔(مرقاۃ:7/2935) اپنے سے اوپر کے درجے کے لوگوں کی تعظیم اور ادب اور احترام کرنا اور اپنے سے نیچے اور ماتحت کے لوگوں کے ساتھ نرمی کرنا (5)—”عبارة عن معرفة ما يحترز به عن جميع أنواع الخطأ“۔(التعریفات للجرجانی:15) ایسی باتوں کی معرفت اور پہچان کہ جن کے ذریعے سے ہر طرح کی غلطیوں اور خطاؤں سے اجتناب کیا جا سکے (6)—”الادب هو اعطاء كل شيء حقه و وضع كل شيء موضعه“۔(توضیحات:6/654) ادب اس چیز کا نام ہے کہ ہر چیز کو اس کے حقوق دیے جائیں اور ہر چیز کو اس کی اصل جگہ پر رکھا جائے اللہ نے آدم ؑ کو اس کی صورت پر تخلیق فرمایا، ان کا قد ساٹھ ہاتھ تھا، جب اس نے انہیں پیدا کیا تو فرمایا: جاؤ اس جماعت کو سلام کرو، اس جماعت میں چند فرشتے بیٹھے ہوئے تھے وہ آپ کو جو جواب دیں، وہ غور سے سنیں، چنانچہ وہی جواب تمہارا اور تمہاری اولاد کا ہو گا، وہ گئے اور انہوں نے ان سے کہا: السلام علیکم! انہوں نے کہا: السلام علیک و رحمۃ اللہ!“ انہوں نے انہیں لفظ رحمۃ اللہ کا زائد جواب دیا۔ “ فرمایا: ”جنت میں جانے والا ہر شخص صورتِ آدم ؑ پر ہو گا، اس کا قد ساٹھ ہاتھ ہو گا، ان کے بعد پھر مسلسل اب تک قد و قامت میں کمی واقع ہوتی چلی آ رہی ہے ایک آدمی نے رسول اللہ صلی ‌اللہ ‌علیہ ‌وآلہ ‌وسلم سے دریافت کیا، کون سا (آداب) اسلام بہتر ہے؟ فرمایا: تم کھانا کھلاؤ اور تم جسے جانتے ہو اسے بھی اور جسے نہیں جانتے اسے بھی سلام کرو۔ مومن کے مومن پر چھ حق ہیں: جب وہ بیمار ہو جائے تو اس کی عیادت کرے، جب وہ فوت ہو جائے تو اس کے جنازے میں شریک ہو، جب وہ دعوت دے تو اسے قبول کرے، جب وہ اس سے ملاقات کرے تو اسے سلام کرے، جب اسے چھینک آئے (اور الحمد للہ کہے) تو وہ اسے یرحمک اللہ کہہ کر جواب دے، اور اس کی موجودگی اور غیر موجودگی میں اس سے خیر خواہی کرے۔ تم اس وقت تک جنت میں داخل نہیں ہو سکتے جب تک تم مومن نہیں بن جاتے، تم اس وقت تک مومن نہیں بن سکتے جب تک تم باہم محبت نہیں کرتے، کیا میں تمہیں ایسی چیز نہ بتاؤں! جب تم اسے کرنے لگ جاؤ گے تو تمہاری باہم محبت ہو جائے، آپس میں سلام پھیلاؤ۔ سوار، پیدل چلنے والے کو، پیدل چلنے والا بیٹھے ہوئے کو اور قلیل، کثیر کو سلام کریں۔ چھوٹا بڑے کو، چلنے والا بیٹھے ہوئے کو اور قلیل، کثیر کو سلام کریں۔ رسول اللہ صلی ‌اللہ ‌علیہ ‌وآلہ ‌وسلم بچوں کے پاس سے گزرے اور انہیں سلام کیا۔ یہود و نصاریٰ کو سلام کرنے میں پہل نہ کرو، اور جب تم ان میں سے کسی کو راستے میں ملو تو انہیں راستے کے ایک طرف چلنے پر مجبور کر دو۔ جب یہودی تمہیں سلام کرتے ہیں تو ان میں سے ایک تمہیں یہی کہتا ہے: السام علیک (تم پر موت واقع ہو) لہذا تم انہیں یہ جواب دو: وعلیک (تم پر ہو)۔ حضرت عائشہ رضی اللہ عنہا بیان کرتی ہیں، یہودیوں کی ایک جماعت نے نبی صلی ‌اللہ ‌علیہ ‌وآلہ ‌وسلم سے اجازت طلب کی تو انہوں نے کہا: تم پر موت واقع ہو، میں نے کہا: بلکہ تم پر موت اور لعنت واقع ہو، آپ صلی ‌اللہ ‌علیہ ‌وآلہ ‌وسلم نے فرمایا: اے عائشہ! بے شک اللہ مہربان ہے وہ ہر معاملے میں مہربانی و نرمی کرنے کو پسند فرماتا ہے۔ “ میں نے عرض کیا، کیا آپ نے نہیں سنا کہ انہوں نے کیا کہا؟ آپ صلی ‌اللہ ‌علیہ ‌وآلہ ‌وسلم نے فرمایا: ”میں نے کہہ دیا تھا: اور تم پر موت واقع ہو بخاری کی روایت میں ہے: عائشہ رضی اللہ عنہا نے فرمایا: ”یہودی نبی صلی ‌اللہ ‌علیہ ‌وآلہ ‌وسلم کے پاس آئے اور انہوں نے کہا: تم پر موت واقع ہو۔ آپ صلی ‌اللہ ‌علیہ ‌وآلہ ‌وسلم نے فرمایا: ”اور تم پر۔ “ عائشہ رضی اللہ عنہا نے فرمایا: تم پر موت واقع ہو، اللہ تم پر لعنت فرمائے اور تم پر ناراض ہو۔ (یہ سن کر) رسول اللہ صلی ‌اللہ ‌علیہ ‌وآلہ ‌وسلم نے فرمایا: ”عائشہ! ٹھہرو، نرمی اختیار کرو، سختی اور بدگوئی سے اجتناب کرو۔ “ انہوں نے عرض کیا: کیا آپ نے نہیں سنا جو انہوں نے کہا؟ آپ صلی ‌اللہ ‌علیہ ‌وآلہ ‌وسلم نے فرمایا: ”کیا تم نے نہیں سنا جو میں نے کہا، میں نے انہیں جواب دے دیا تھا، ان کے متعلق میری بددعا قبول ہو گئی جبکہ ان کی میرے متعلق بددعا قبول نہیں ہوئی۔ --------------------------------------- Mufti Mohammad Salman Zahid Fazil Jamia DarulUloom Karachi ـــــــــــــــــــــ USTAAZ ــــــــــــــــــ JAMIA ANWAR UL ULOOM SHAD BAGH MALIR KARACHI AL-EMAAN INSTITUTE مفتی محمد سلمان زاھد فاضل جامعه دار العلوم کراچی ـــــــــــــــــــــ استاذ ــــــــــــــــــ جامعه انوار العلوم شاد باغ ملیرکراچی و الایمان انسٹیٹیوٹ