စစ်ဗိုလ်ချုပ်များ၊ တရုတ်နှင့် ခရိုနီများကြားက နမ္မတူရေကာတာ စီမံကိန်း (ရုပ်/သံ) скачать в хорошем качестве

စစ်ဗိုလ်ချုပ်များ၊ တရုတ်နှင့် ခရိုနီများကြားက နမ္မတူရေကာတာ စီမံကိန်း (ရုပ်/သံ)

နိုင်ငံတဝန်း စစ်မီးတွေတောက်လောင်ပြီး မတည်မငြိမ်ဖြစ်နေပေမယ့် စစ်ခေါင်းဆောင်တွေကတော့ တရုတ်နိုင်ငံရဲ့ ရပ်ဝန်းနှင့်ပိုးလမ်းမစီမံကိန်း (BRI) စီမံကိန်းတွေကို အရှိန်အဟုန်နဲ့ ဆက်လက်ဖော်ဆောင်နေပါတယ်။ အထူးသဖြင့် ရှမ်းပြည်နယ်မြောက်ပိုင်း၊ ဒုဋ္ဌဝတီမြစ်ပေါ်က နမ္မတူရေကာတာစီမံကိန်းဟာ တရုတ်ရဲ့ မူဆယ်-မန္တလေး လျှပ်စစ်ရထားလမ်းအတွက် လိုအပ်တဲ့ စွမ်းအင်ပေးဖို့ ရည်ရွယ်ထားတာပါ။ ဒီစီမံကိန်းကို စစ်ခေါင်းဆောင်ကိုယ်တိုင်က အမြန်ဆုံးအကောင်အထည်ဖော်ဖို့ ဖိအားပေး တွန်းအားပေးနေတာလည်း ဖြစ်ပါတယ်။ ဒီစီမံကိန်းရဲ့ နောက်ကွယ်မှာတော့ စစ်ခေါင်းဆောင်တွေအပြင် ဝပြည်သွေးစည်းညီညွတ်ရေးတပ်မတော် (UWSA) နဲ့ ဆက်နွယ်နေတဲ့ NCEH ကုမ္ပဏီလို ခရိုနီလုပ်ငန်းရှင်တွေ ပါဝင်ပတ်သက်နေပါတယ်။ လက်ရှိမှာ ရေကာတာတည်ဆောက်ရေးကို အကြောင်းပြပြီး ဒေသတွင်းမှာ ရွှေနဲ့ သတ္တုတွေကို တရားမဝင် တူးဖော်မှုတွေ ပိုမိုများပြားလာနေပါတယ်။ လက်နက်ကိုင်အဖွဲ့တွေကြား အကျိုးစီးပွားဆက်စပ်မှုတွေကြောင့် ဒေသခံပြည်သူတွေဟာ ကန့်ကွက်ဖို့တောင် လုံခြုံမှုမရှိဘဲ ဖိနှိပ်ခြိမ်းခြောက်ခံနေရတဲ့ အခြေအနေမှာ ရှိနေပါတယ်။ နမ္မတူရေကာတာကြောင့် သီပေါနဲ့ ကျောက်မဲမြို့နယ်အတွင်းက ကျေးရွာပေါင်း ၁၁ ရွာထက်မနည်း ရေနစ်မြုပ်ပျောက်ကွယ်သွားမယ့် အန္တရာယ်နဲ့ ရင်ဆိုင်နေရပါတယ်။ ဒါပေမယ့် ဒေသခံတွေအတွက် လျော်ကြေးနဲ့ နေရပ်ပြောင်းရွှေ့ရေးကတော့ တိကျတဲ့ အာမခံချက် တစုံတစ်ရာ မရှိသေးပါဘူး။ နိုင်ငံတကာရင်းနှီးမြှုပ်နှံသူတွေက လူ့အခွင့်အရေးဆိုင်ရာ စိုးရိမ်မှုတွေကြောင့် နှုတ်ထွက်သွားကြပေမယ့်၊ စစ်ဗိုလ်ချုပ်တွေနဲ့ တရုတ်နိုင်ငံကတော့ ဒေသခံတွေရဲ့ဘဝနဲ့ သဘာဝပတ်ဝန်းကျင် ပျက်စီးမှုကို လျစ်လျူရှုပြီး ၎င်းတို့ရဲ့ ကိုယ်ကျိုးစီးပွားအတွက်သာ အတင်းအဓမ္မ ဆက်လက်ဖော်ဆောင်နေကြပါတယ်။ #မြန်မာ #ဧရာဝတီ #နမ္မတူရေကာတာ #ရှမ်းပြည်နယ် #တရုတ် #BRI #Environment #WhathappensInMyanmar