கொள்ளை எங்கள் கொள்கை ! - திமுக அரசு ! скачать в хорошем качестве

கொள்ளை எங்கள் கொள்கை ! - திமுக அரசு !

2018 முதல் 2020 வரை அதிமுக ஆட்சியில் கே பி பார்க் கட்டிடம் கட்டப்பட்டது. ஒரு சதுரடிக்கு ரூ 2600 ஒப்பந்ததாரர் PST Engineering Construction நிறுவனத்திற்கு ஒப்பந்தம் கொடுக்கப்பட்டது. ஆனால் பெரிய ஊழல் செய்து ஒரு மூட்டை சிமண்டுக்கு 5 மூட்டை மணலுக்கு பதிலாக 15 மூட்டை மணல் வரை சேர்த்ததால் சுவர் பூசு இன்றளவும் கூட பெரிய பிரச்சனையாக இருந்து வருகிறது. இதன் மீது IIT CUBE அறிக்கையும் கொடுத்து 15 மூட்டை மணல் கலந்ததை ஊர்ஜிதமும் செய்தது. அமைச்சர் சேகர் பாபு மற்றும் தா மோ அன்பரசன் இந்த இடத்திற்கு 2021 இல் வந்து IIT அறிக்கை வந்ததும் ஊழல் மீது நடவடிக்கை எடுப்போம் என்று வாக்குறுதி கொடுத்தனர். சரி செய்து தருகிறோம் என்றும் மக்களிடம் சொன்னார்கள். அறப்போர் இயக்கம் இந்த அறிக்கையை RTI யில் பெற்று ஊழல் புகாரையும் லஞ்ச ஒழிப்பு துறைக்கு கொடுத்தது. லஞ்ச ஒழிப்பு துறை பூர்வாங்க விசாரணை செய்து அறப்போர் புகாரில் PST நிறுவனம் மற்றும் அதிகாரிகள் மீது FIR பதிய அரசிடம் அனுமதி கேட்டது. ஆனால் ஸ்டாலின் அரசு அதற்குள் PST நிறுவனத்துடன் டீலிங் போட்ட காரணத்தினாலோ என்னவோ இன்று வரை லஞ்ச ஒழிப்பு துறைக்கு FIR போட அனுமதி மறுக்கிறார்கள். மக்கள் வீடும் வாழ்க்கையும் முக்கியம் இல்லை. ஊழலே முக்கியம் என்று ஒரு முதல்வர் இருக்கலாமா ? இந்த வீடுகளின் பூசு வேலையை முழுவதுமாக மீண்டும் செய்தால், PST நிறுவனம் மாட்டிக் கொள்ளும் என்பதால் சரி செய்யாமல் வைத்து இருக்கும் அரசை என்ன சொல்வது ? யாருக்கான அரசு? ஏழைகளின் சிரிப்பில் இறைவனை காண்போம் என்று தமிழ்நாடு மேம்பாட்டு வாரியம் தன் இணையத்தில் கூறிவிட்டு PST போன்ற ஊழல்வாதிகள் சிரிப்பில் இறைவனை காண்பது நியாயமா ? இதை வலுவாக கேள்வி கேட்போம். மக்கள் பிரச்சனைகளை தீர்க்க நாம் அனைவரும் சேர்ந்து டிசம்பர் 21 காலை 10 மணிக்கு ராஜரத்தினம் ஸ்டேடியம் அருகில் நடக்கும் கேளு சென்னை கேளு நிகழ்வில் ஒன்றுகூடுவோம் வாருங்கள் ! மக்களின் அடிப்படை வசதிகளை உறுதி செய்வோம் ! கேளு சென்னை கேளு நிகழ்வில் உங்கள் பங்களிப்பை உறுதி செய்யுங்கள். இங்கே பதிவு செய்யுங்கள் https://forms.gle/PsBD6CNemhTqSKt17 மேலும் விவரங்களுக்கு 7200020099 அழையுங்கள்.