Ang Pakiramdam ng Umiibig (Spoken Word Poetry) | By Beverly Cumla скачать в хорошем качестве

Ang Pakiramdam ng Umiibig (Spoken Word Poetry) | By Beverly Cumla

ANG PAKIRAMDAM NG UMIIBIG (Spoken Word Poetry) Ito ang unang pagkakataon na nagmahal ako At gusto kong malaman mo na ginusto kong maging huli ka Sapagkat pinaramdam mo sa'kin na pwedeng maging maganda ang bagay na hindi Na pwedeng maging tama ang bagay na mali Na pwedeng mangyari ang mga bagay na imposible At naniniwala ako Na sa piling mo lang pwedeng matupad ang mga bagay na akala ko ay hindi totoo Tulad ng pangakong mga tala, na kaya pala talagang makuha Sapagkat nilagay mo ito sa aking mga mata Sa tuwing nasisilayan ko ang iyong mga tawa Tulad ng isang mahimbing na musika Na naririnig ko mula sa iyong pagkanta Kahit ang tingin ng iba ay sintunado ka na Tulad ng tahimik na oras, Pero sadyang maingay ito para sa'kin Sapagkat naririnig ko ang sumisigaw na puso Pangalan mo ang paulit-ulit na binibigkas nito Tulad ng liwanag na bumabalot sa ating kapaligiran Kahit ang kasalukuyan ay nasa ilalim tayo ng kadiliman Tulad ng masarap na kape Na pinapatikim mo sa'kin kapag hindi pa 'ko handang matulog sa gabi Malasa, kahit sabi nila, kulang ng asukal at gatas ang iyong timpla Tulad ng pag-iwas ko sa araw Sapagkat ayokong nagigising ng maaga Ngunit simula nang maging akin ka Ay sabik na 'ko laging bumangon sa kama Tulad ng pagka-ayaw ko sa matagal na pagtunganga Ngunit pagdating sa'yo ay biglang humahaba ang pasensya Tulad ng kahit pawisan ka na Ay nakikita ko pa rin na parang bagong ligo ka Tulad ng kahit tumatakbo ka na Ay pinipili ko pa rin na habulin ka Tulad ng kahit gusto mo nang magpahinga Ay sinasabi ko pa rin na magpatuloy tayong dalawa Tulad ng kahit pagod na kong intindinhin ka Ay sinusubukan ko pa rin na unawain ka Tulad ng kahit pumipigilas ka na Ay ginugusto ko pa rin na yakapin ka Tulad ng kahit ayaw mo na Ay pinipilit ko pa rin manatili ka Sapagkat ganito ang pakiramdam ng umiibig Nagiging tanga, Nagiging bulag sa mga bagay na hindi mo na iniibig Ngunit kakampi ko ang pag-ibig Kaya kahit sa tingin ng iba ay hindi na tama ang aking pagmamakaawa Ipapamukha ko sa kanila na ito ang dapat na ginagawa Kapag nagmamahal ka Hindi ka bibitaw ng basta-basta Kakapit ka hanggang sa kaya mo pa Hindi mo hahayaan na magwagi ang tadhana Sa pagbawi niya sa taong sobrang minahal mo na Ganito ang pakiramdam ng umiibig Kaya't hindi ko alam kung bakit tayo magkaiba Kung bakit hinayaan mong tuluyang mawasak ang minsang binuo nating magkasama Kung bakit hindi mo man lang ginustong ayusin ang nakita mong sira Sumuko ka agad! Pinili mong kumalas habang 'yung tayo ang pinili kong iligtas. Pag-ibig nga ba ang naramdaman mo? O sadyang naging masaya ka lang kasama ako? Kaya sinubukan mo. Kung pwede 'yung tayo. Kung pwedeng magtagal pero dahan-dahan ay nakita mong niligtas lang pala kita. Sinamahan hanggang sa mabuo ka. At nang dumating ang araw na kaya mo na, Ay pinili mo nang maglakbay mag-isa. Tama ako di ba? Ginawa mo lang akong tambayan Habang ang turing ko sa'yo ay tahanan Para mo 'kong pinarusahan sa paniniwalang minahal mo 'ko ng minsan Pero hindi pala talaga Dahil kung minahal mo 'ko Lalaban ka. Hindi mo sasabihin sa'kin sa nagsasawa ka na. --- For more updates, follow me on my social media sites listed below: FACEBOOK PAGE:   / bcumla   TWITTER:   / beverly_cumla   INSTAGRAM: @beverlycumla JOIN OUR FACEBOOK GROUP AND BE PART OF THE BEVIES:   / 11935.  . For business purposes, email me at: beverly.cumla@gmail.com - - #BeverlyCumla #SpokenWord #Poetry #HugotTalk