Ички иштер министрлигинде “Улуттук дем - дүйнөлүк бийиктик” уңгужолу боюнча иш-чара өткөрүлдү скачать в хорошем качестве

Ички иштер министрлигинде “Улуттук дем - дүйнөлүк бийиктик” уңгужолу боюнча иш-чара өткөрүлдү

2026-жылдын 30-январында Ички иштер министрлигинин жыйындар залында Кыргыз Республикасынын Президентинин 2024-жылдын 18-декабрындагы Жарлыгы менен бекитилген «Улуттук дем - дүйнөлүк бийиктик» уңгужолун ишке ашыруу алкагында иш-чара болуп өттү. Иш-чарага Ички иштер министринин биринчи орун басары, милициянын генерал-майору Адылбек Бийбосунов, Уңгужолунун авторлорунун бири, коомдук ишмер Сүйүнбек Касмамбетов, ошондой эле ИИМдин кызматтарынын жана башкармалыктарынын жетекчилери менен өздүк курамы катышты. Жолугушуунун жүрүшүндө Адылбек Бийбосунов аталган уңгужолдун негизги максаттарына токтолуп, анын багыттары ички иштер органдарынын кызматкерлеринин кесиптик деңгээлин жогорулатууга, улуттук баалуулуктарды күнүмдүк кызматта кеңири жайылтууга, жарандар менен болгон өз ара ишенимди бекемдөөгө жана коомдук коопсуздукту камсыздоодо жоопкерчиликти арттырууга багытталганын белгиледи. Өз кезегинде Сүйүнбек Касмамбетов улуттук аң-сезимди бекемдөө, мекенчилдик духту көтөрүү жана жаш муундарды тарбиялоодо муундан муунга өтүп келген салт-санаа менен руханий баалуулуктардын маанисине кеңири токтолду. Ал элдин биримдиги жана ынтымагы мамлекеттин туруктуу өнүгүшүнө өбөлгө түзөрүн белгилеп, катышуучулар менен пикир алмашып, суроолорго жооп берди. Жолугушууда ички иштер органдарынын кызматкерлери кылмыштуулук менен күрөшүү менен чектелбестен, коомдогу терс көрүнүштөрдүн алдын алууда, жаштарды тарбиялоодо жана жарандардын мыйзамдуулукка болгон ишенимин арттырууда маанилүү роль ойной турганы баса белгиленди. Иш-чаранын соңунда кызматкерлерди кесиптик этиканы сактоого, коомчулук менен ачык жана тынымсыз диалог жүргүзүүгө, ошондой эле өлкөнүн өнүгүшүнө салым кошууга басым жасалды. Кыргыз Республикасынын Ички иштер министрлиги мамлекеттик саясаттын артыкчылыктуу багыттарын ишке ашырууга багытталган түшүндүрүү жана агартуу иштерин мындан ары да улантат. ИИМдин Басма сөз кызматы