🔴 MGOMBEA WA ADC AIBUA HOJA YA MIKOPO UMIZA, AAHIDI KUTETEA WATUMISHI NA RASILIMALI ZA RUVUMA скачать в хорошем качестве

🔴 MGOMBEA WA ADC AIBUA HOJA YA MIKOPO UMIZA, AAHIDI KUTETEA WATUMISHI NA RASILIMALI ZA RUVUMA

Mgombea wa nafasi ya ubunge kupitia tiketi ya Alliance for Democratic Change (ADC) katika uchaguzi mdogo wa Jimbo la Peramiho, Said Ismail Mkopi, amesema kuwa endapo atapewa ridhaa na wananchi, atahakikisha anasimamia na kutetea maslahi ya watumishi wa serikali wanaokumbwa na changamoto ya mikopo umiza maarufu kama “kausha damu”. Akizungumza katika mkutano wa kampeni, Mkopi alisema kumekuwa na ongezeko la watumishi wa umma wanaokopa mikopo yenye riba kubwa kutoka taasisi zisizo rasmi, hali inayosababisha mishahara yao kukatwa kwa viwango vikubwa na kuathiri ustawi wa familia zao. Alisisitiza kuwa atashirikiana na mamlaka husika kusimamia sera na sheria zitakazodhibiti mikopo hiyo ili kulinda kipato cha watumishi wa serikali na kuondoa ukandamizaji wa kifedha. Kwa upande wake, Mwenyekiti wa Taifa wa Alliance for Democratic Change (ADC), Shaban Itutu, amesema Mkoa wa Ruvuma Region umejaliwa kuwa na rasilimali nyingi zikiwemo madini ya aina mbalimbali, misitu pamoja na ardhi yenye rutuba, lakini rasilimali hizo bado hazijawanufaisha wananchi ipasavyo. Itutu alieleza kuwa ni wakati sasa kwa wananchi wa Peramiho kufanya maamuzi yatakayosaidia kuleta mabadiliko ya kiuchumi katika Mkoa wa Ruvuma Region. Aliongeza kuwa kuchagua mgombea wa ADC kutatoa fursa ya kuwa na sauti mbadala bungeni itakayopigania mgawanyo wa haki wa rasilimali na kuhakikisha mapato yanayotokana na rasilimali za mkoa huo yanawanufaisha wananchi wa kawaida.