IAF ram lei chungchang a 117 crore thamna dawngtute hi tute nge Sawrkarin chhuichhuak vat rawh se скачать в хорошем качестве

IAF ram lei chungchang a 117 crore thamna dawngtute hi tute nge Sawrkarin chhuichhuak vat rawh se

MPCC/Media/PR-2026/13 Dated: Aizawl, February 23, 2026 PRESS RELEASE Vaibelchhe 117 insema thamna sum dawngtute hi sorkar hian chhui chhuak ngei rawh se. -PC Laltlansanga Vawiin February 23, 2026 Thawhtanni hian Mizoram Pradesh Congress Committee chuan Political Session kan nei a, he hunah hian MPCC General Secretary Pu PC Laltlansanga chuan thu sawi in, Congress te hi mi beidawng awmkhawm an ni a, an hlauhawm hle tiin Chief Minister chuan tunhnaiah a sawi a. CM hian thudik tak a sawi a, kan CM leh ZPM sorkarah hian kan beidawng a ni. Enchhin duha ZPM vote tu neutral tam tak te pawhin beisei phalo sorkar tiin an beidawng mek. Thil tisualtu, thamna dawngtu tan chuan Congress hi a hlauhawm zel ang. Kan CM hian Congress a hlau a nih chuan amah lo inenfiah rawh se. Congress mipuite hi Zoram siamṭha turin kan bei a la dawng lo. NGO, kohhran hruaitute, sumdawng leh sorkar hnathawk rinawm tak takte pawh an la beidawng lo" tiin a sawi. Zoram ṭhalai, eizawnna nghet neilote hi a tak taka vei an hun tawh em em a. Sorkar hna chauh eizawn nana hmang lova lehkha an zir theihna tura kan education kan her rem a ngai a. Career Guidance kan ngaih pawimawh a ṭul. Mizoram chauha eizawng lova, ram pawn, khawmualpui dang target a eizawnna kan ngaihtuah a hun tawh. Nurse, Skilled / unskilled labour te hi ram danga eizawng tura chher hriama ṭanpui an ngai a ni. Sorkar sikul hungna chhunglam feet 300 chu rawng eng(yellow) hnawiha chhinchhiah vek turin sorkarin order an siam a. Education hmasawn nan ZPM party flag rawng kher hman hi a mak hle a. Ni 21 Febuary 2025 ah CM in Assembly House a Lengpui Airport bul ram hralh tum nasa taka a dem hnu lawkah, ZPM sorkarin ramhuai speed in file a kaltir lehsi a, hun reilote chhunga payment an pe lehsi te hi thil mak tak a ni. India rama compensation file kal chak ber a nih a rinawm. Heti taka rang leh chaka file a kal theihna chhan hi Vbch 117 vang hi a ni. Chuvangin he sum hi thamna sum a ni. Lengpui VC leh NGO aṭangin NOC awm angin a sawi bawk a, hei pawh hi CM hian a copy rawn phawrh ngei rawh se. Lengpui Airport bul ram lei leh hralh hi MNF sorkarlai khan tifel hman se chuan tute emaw chuan an hlawkpui viau ang tiin khatihlai CM, Revenue Minister leh Chief Secretary te hming kan CM hian a sawi bawk a. Rem leh rem lovin hmai phihna tur a zawng a ni ber. Pu Lalnunmawia Chuaungo Chief Secretary a nih lai khan Air Vice Marshal B. Chandra Sekhar chuan lehkha thawnin hmala turin a rawn ngen a. Chief Secretary chuan notesheet-ah Lengpui Airport bulah ni lovin chhim lam Lunglei district ah ram hi zawn nise tiin file hi a lo ziak a, chubak chu IAF hnena ram hralh chungchangah hian Pu Lalnunmawia Chuaungo hian kuthnu engmah a nei lo. Chief Minister hian ngaihkawih theih tura thu thluaithlum hi sim hmak rawh se. Lengpui Airport bul ram lei leh hralhah ZPM an sorkara a tifel tuah an ṭang ta zawk a. Vbch 17 dawngtu in ka ta tur vek a ni lo, State leh Central lamah manṭang pek tur ka ngah lutuk a ti bawk a. Tu nge hausakpui ta hi chhui a ngai a ni. Duh ni se ZPM khan MNF sorkar hma lo lak tawhnate cancel turin hun a ngah lutuk. MNF sorkar laiin CM fachuam Kamrula leh a unaupa in Lengpui Airport vbch 35 zet sengin an cheiṭha a. Unaute sum kawltu CM leh vbch 117 nena rinzawn CM hi an inang reng a ni. ZPM CM hian MNF CM kha hausakah khum a tum em ni le? Congress sorkarin Lengpui Airport an lo siam kha kawng lehlamah chuan a pawi viauin ka hria, party ṭhenkhat hruaitute, sum ngainatna sualah a hruailut tlatin a lang a ni. MNF leh ZPM te hi Lengpui Airport bul ram hralh chungchangah hian inmawhpuh bik tur an awm lo. An mawhphurhna a inchen chiah a ni. ZPM hian an campaign auhla berah ṭhalaite hip nan, kan sorkar chuan Zoram Devopment Bank kan din ang a, Hand holding policy hnuaiah Ṭhalaite eizawnna tur loan a pung awmlo kan pe ang a, sorkar quarantor ah a ṭang ang an ti ṭhin a. Tunah chuan kan CM hian a fapa hmingin Vbch 15 zet loan a lo la a. Zoram ṭhalaite hmakhalhin Hand holding hmangin a fapa a lo khai chhuak hmasa ber niin a lang a ni. Ram hruaitu ṭha ni turin, thusawia Distinction aiin thudik sawi ṭhin, Ngaihnawm taka thusawi thiam aiin thutak sawi ṭhin kan mamawh a, hmui thlum aiin hmui rintlak hruaitu Zoramin kan mamawh zawk a. Kan ti ang ti ṭhintu, thutiama rinawm Congress party sorkar tir leh turin Zoram mipuite kan ngen a ni, tiin a sawi. He Political Session hi Pu Vanlalruata Khawlhring, Secretary, MPCC chuan a kaihruai a ni. Sd/- LALFELA Media Department