Sairang Rel Station a Bazar Ni siam tum hi Congress Party chuan ṭha kan ti lo : Lal Thanzara скачать в хорошем качестве

Sairang Rel Station a Bazar Ni siam tum hi Congress Party chuan ṭha kan ti lo : Lal Thanzara

MPCC/Media/PR-2026/15 Dated: Aizawl, March 2, 2026 PRESS RELEASE 'Sairang rel station a bazar nî siam tum hi a ṭha lo.' 'Hnam hi thisen avanga kan neih a ni a. India constitution in a tihdanglam theih a ni lo.' -Lal Thanzara Vawiin March 2, 2026 Thawhtanni hian Mizoram Pradesh Congress Committee chuan Political Session kan nei a, he hunah hian MPCC President Pu Lal Thanzara chuan thu sawi in, "Ni 23 Febuary 2026 Monday a Chief Minister -in Assembly House session-ah 'Sairang rel station-ah bazar nî siam tum a ni' tih a sawi hi ṭhalo hle in kan hria. "Bazar nî siam a nih chuan 'vai sumdawnna nî' kan siam dawn tihna a ni a. Mizoram pawisa luanralna nî a ni bawk ang. Mizo chawhmeh lei turin vai an lokal khawm dawn lo va, chawhmeh leh bungrua, thawmhnaw zawrh tur an rawn keng lut ṭeuh dawn a. Sumdawnna min chimralna tur kawng pakhat a ni thei bawk. Mizo sumdawngte tan a ṭha lo a, mahni thlai thar zuartute tan a ṭha lo bawk. Sorkar hian ngaihtuah nawn se, Sairang Rel station a bazar nî siam hi ti lul suh se." a ti. 'The Mizo Marriage and Inheritance of Property (Amendment) Bill, 2026' Mizoram Assembly House ah ni 24 Febuary 2026 (Tuesday) a passed taka Bill pu luttu Chief Minister in 'Mizo hmeichhiain hnamdang pasal an neih chuan Mizo an nihna a tawp nghal' tia a sawi hian Mizo mipui tam tak thinlung a tinâ a. Nasa taka social mediaah te dodalna a lan tak avanga ni hnih hnu lekah CM vekin 'Sorkar tih a nilo' ti a NGO te pressure avanga bill pulut a nih thu a sawi ta daih hi mawhphurhna lak ngamloh vang a ni. CM bill putluh, House a passed aia sorkar tih thil dang a awm thei lo. Chief Minister in a hmalaknaah hian midang dem tur zawng lovin mawh la ngam rawh se. Hnam hi thisen avanga kan neih a ni a. India constitution in a tihdanglam theih a ni lo. Mizo Hmeichhiain mi tupawh pasalah neiin khawi hmunah pawh, state dang leh ram pawnah pawh awm se Mizo a ni reng ang. Mizo danah Mizo hmeichhiain pasalte hnam an ṭawm ngai lo, a ti bawk. He huna thusawitu dang Meriam L. Hrangchal, Secy MPCC pawhin, "Kan house proceeding te kan en a, a lungchhiatthlak hle mai. Tawngkam mawi tak tak kan hmang a, takna a awm si lo. Mizo inhreritance and property chungchangah hian sawi tur tam tak a awm a ni" a ti. "Ram hruaitu lu ber tihtur chu a tu leh fate kuahkhawm a ni. Min satsawm vek mah ula Mizo ka ni reng dawn, hmeichhia hian pasal a neihin a pasal te nen thisen inzawmna engmah kan nei lo. Kan fate ah chauh thisen inzawm kan ni a. Kan inthen rualin kan hrang nghal a ni. Mizo hmeichhia Mizo nia thlamuang taka awm thin te kha rilru na in an awm mek a ni. Heng hmeichhiate hian sorkar ah engmah beisei an nei lo, kan ram hmangaihtute an ni a, kan hnam nihna hi tu inlaksak theih nge? Kan CM leh legislators member zahawm tak tak te hian hmeichhia ka nihna angin he dan 'The Mizo Marriage and Inheritance of Property (Amendment) Bill, 2026' hi ngaihtuah chiang leha hnukkir vat turin ka ngen a ni. Ka Mizo pui zawng zawngte kan ram kalphung uluk taka ngaihtuah turin ka ngen che u a ni. Kawng thumah rawkin kan awm mek. A hmasa berah electric bill ah, kan tisang lo ti mahse an tisang chiang a ni. A pahnihnaah buhfai manah a ni. Buhfai man a sang chiang a, chu chu thingtlang lamah a langfiah zual em em a. Pathumna chu oil man tihsan a ni bawk. Oil man tihsan a nih hian motor ka nei ve lo tih chi a ni lo, kan tuar vek zawk." a ti. Political Session hi Pu C. Rualzakkhuma, Secy MPCC chuan a kaihruai a ni. Sd/- LALFELA Media Department