Սիրանուշ Դվոյան, «Րաֆֆու «ազգայնության գաղափարը» կրոնի ու գրականության միջև» скачать в хорошем качестве

Սիրանուշ Դվոյան, «Րաֆֆու «ազգայնության գաղափարը» կրոնի ու գրականության միջև»

Սիրանուշ Դվոյանի «Րաֆֆու «ազգայնության գաղափարը» կրոնի ու գրականության միջև» զեկուցումը՝ «Հայկական արդիություններ. պետությունը բաղձանքի և կենցաղի միջև» միջազգային գիտաժողովի «Սրբազան պատերազմ և պետություն. «ուխտի միաբանությունը»` կյանքից վեր արժեքների և կենսական կարիքների միջև» նիստին։ «Հայկական արդիություններ. պետությունը բաղձանքի և կենցաղի միջև» միջազգային գիտաժողովը տարբեր դիտանկյուններից քննում է արդի պետականության ընկալումներն ու դրանց պատմական փոխակերպումները՝ կենտրոնանալով հայերի փորձառության վրա, բայց միաժամանակ բացահայտելով այդ փորձառությունը միջազգային համատեքստում։ Ի՞նչ բաղձանքներ են ընկած պետություն կառուցելու՝ քաղաքական ըմբռնումների հիմքում, քաղաքական մտքի ի՞նչ ավանդույթի ծնունդ են դրանք։ Ի՞նչ տեսք է ստանում պետությունն այս բաղձանքների իրականացման ճանապարհին։ Ինչքանո՞վ են այս բաղձանքները տեղ գտնում ժողովրդի ամենօրյա ապրվող կյանքում։ Պետության գաղափարի և այդ գաղափարի տակ տրոփող իրականության միջև լարումներն ու հակասություններն են կազմում գիտաժողովի հետազոտական առանցքը։ Գիտաժողովն ամփոփում է Հովհաննիսյան ինստիտուտի Հայկական արդիությունների ուսումնասիրման նախագծի շրջանակում 2023-2024 թվականներին իրականացված «Պետությունը բաղձանքի և կենցաղի միջև» հետազոտական ծրագրի արդյունքները։ Գիտաժողովը տեղի է ունեցել 2024 թվականի նոյեմբերի 16-ին Երևանում։ Գիտաժողովի ծրագիրը տե՛ս՝ https://modernities.am/wp-content/upl... Սիրանուշ Դվոյանի հետազոտությունը տե՛ս՝ https://modernities.am/%d5%bd%d5%ab%d... «Հայկական արդիություններ. պետությունը բաղձանքի և կենցաղի միջև» ծրագրի մասին տե՛ս՝ https://modernities.am/%D5%B4%D5%B7%D...