March 8th is International Women's Day. скачать в хорошем качестве

March 8th is International Women's Day.

૮મી માર્ચ એટલે વિશ્વ મહિલા દિવસ ૦૦૦૦૦૦ રાજકોટ જિલ્લાના ખાસ સંદર્ભમાં ઉદ્યોગસાહસિકોની પ્રગતિ, પડકારો અને ભવિષ્યની તકોનો વિશ્લેષણાત્મક અભ્યાસ વિષયે કુ. સૃષ્ટી પરમારે પી.એચડી.ની પદવી મેળવી સંલકન- અશ્વિન પટેલ, પી.આર.ઓ. ભક્તકવિ નરસિંહ મહેતા યુનિ. જૂનાગઢ જૂનાગઢ તા. ૭, ભક્તકવિ નરસિંહ મહેતા યુનિ. દ્વારા વિવિધ વિભાગોમાં ઉચ્ચ અભ્યાસ કરતા વિદ્યાર્થીઓ વિવિધ વિષયે નવિનત્તમ શોધકાર્ય પણ કરી રહ્યા છે. આ યુનિવર્સીટીની વિદ્યાર્થીની ભાગ્યશ્રી ડાંગરે દેશની સૈાથી યુવા વૈજ્ઞાનિક હોવાની ગૈારવાન્વિત સિધ્ધી હાંસલ કરી છે. ત્યારે આજ વાત કરવી છે. યુનિ.નાં અર્થશાસ્ત્ર/માનવતા અને સામાજિક વિજ્ઞાન વિભાગમાં રાજકોટ જિલ્લાના ખાસ સંદર્ભમાં ઉદ્યોગસાહસિકોની પ્રગતિ, પડકારો અને ભવિષ્યની તકોનો વિશ્લેષણાત્મક અભ્યાસ વિષયે શોધકાર્ય પુર્ણ કરનાર કુ. સૃષ્ટીબેન પરમારે મેળવેલ સિધ્ધીની. જામજોધપુર તાલુકાનાં સત્તાપર ગામે નાનકડી હોટલનો વ્યવસાય કરી જીવન-બસર કરતા ચાર દિકરીનાં પિતા જયેશભાઇ પરમાર આજે યુનિ.નાં કુલપતિ પ્રો. (ડો.) પ્રતાપસિંહજી ચૈાહાણને મળવા અને પોતાની દિકરી કુ. સૃષ્ટીએ મેળવેલ પી.એચડી. ની ડીગ્રીનું નોટીફીકેશન મેળવવાની ખુશીમાં સહભાગી બનવા યુનિ. કેમ્પસ ખાતે પધાર્યા ત્યારે મહિલા દિવસને યર્થાર્થ ઠેરવા ભાવવાહી દ્રશ્યો સર્જાયા હતા. જયેશભાઇએ કુલપતિશ્રીને જણાવ્યુ હતુ કે સાહેબ મારે નાનકડો ચાની કીટલીનો વ્યવસાય છે, મારે ઘરે ભગવાને ચાર દિકરી આપી છે. મેં મારી દિકરીઓને કેળવીણીમાં પેટે પાટા બાંધી ઉચ્ચ અભ્યાસ કરવા પ્રેરી છે. આજે મારી એક દિકરી પી.એચડી. ડિગ્રીધારક તો છે જ આજે બીજી દિકરી સૃષ્ટીને આપે પી.એચડી.નું નોટીફિકેશન પ્રદાન કર્યુ અને ત્રીજી દિકરી પણ શોધકાર્ય સાથે પી.એચડી કરી રહી છે, ત્યારે ત્રણ દિકરીઓ ડોક્ટરેટની પદવી મેળવવા સક્ષમ બની છે ત્યારે હું મારી જાતને ગૈારવાન્વીત માનુ છુ, સાથે રાજ્ય અને ભારત સરકારશ્રી દ્વારા મહિલા સશક્તિકરણ, અને કન્યા કેળવણીની દીશામાં જે યોજનાઓ છે તે નાના ગરીબ પરિવારની દિકરીઓનાં ઉજજ્વળ ભાવી માટે પ્રોત્સાહક બની હોય છે ત્યારે હું સરકાર અને ઉચ્ચ શૈક્ષણીક સંસ્થાઓ પરત્વે કૃતજ્ઞતા વ્યક્ત કરુ છુ. જયેશભાઇ પરમાર જ્યારે કુલપતિશ્રીને મળ્યા ત્યારે તેમની ઉપસ્થિત ત્રણ દિકરીઓએ સામુહિક વાત કરી કે સાહેબ મારા પિતાશ્રી આપને મળવા ખાસ અહીં આવ્યા છે. ત્યારે પ્રો. પ્રતાપસિંહજીએ વિદ્યાર્થિનીનાં પિતાશ્રી જયેશભાઇ પરમારને મળવા તેમનાં ગામ સતાપર જવા હામ વ્યક્ત કરી જણાવ્યુ હતુ કે જયેશભાઇ આપ ભાગ્યશાળી છો, ભગવાને આપને ચાર જગદમ્બા સમી ચાર દિકરીઓનાં પિતા બનવા સમર્થ બનાવ્યા છે. આજે યુનિ.માં વિશ્વ મહિલા દિવસની ઉજવણી અંતર્ગત સતત સાત દિવસથી વિવિધ માર્ગદર્શક કાર્યક્રમો યુનિ. ભવનનાં વિમેન્સ સેલ દ્વારા યોજાઇ રહ્યા છે ત્યારે દિકરી સૃષ્ટીએ મેળવેલ સિધ્ધી અન્ય વિદ્યાર્થીનીઓ અને દિકરીઓનાં પિતાશ્રીને માર્ગદર્શક બની રહેશે. સાથે પ્રો.(ડો.)પ્રતાપસિંહજીએ જણાવ્યુ હતુ કે ડિગ્રી રોજગારી અને આજીવીકાનું માત્ર સાધન ના બનવુ જોઇએ. શિક્ષણ અને સંસ્કારો વ્યક્તિત્વ વિકાસ માટે ખૂબ જ જરૂરી છે. અંગત જીવનની સાથે સાથે તે સમાજમાં થતી હાનિકારક ઘટનાઓથી બચાવે છે.શિક્ષણની સાથે સાથે સંસ્કારો પણ એટલા જ જરૂરી છે, મનુષ્યનાં સામાજિક વિકાસ માટે સમાજમાં રહેવું, સામાજિક વિકાસમાં મદદરૂપ થવું, વડીલોનું આદર કરવું, ઘરે આવેલા મહેમાનોનું સ્વાગત કરવું, ભૂખ્યાને ભોજન આપવું, દાન કરવું, ધીરજ, આસ્તિકતા, વિનમ્રતા, વગેરે ઘણી બધી બાબતો સંસ્કારોથી શીખવા મળે છે. આજે જયેશભાઇએ પોતાની દિકરીઓને ઉચ્ચશિક્ષણનાં જે શિક્ષણ સંસ્કારોનું સીંચન કર્યુ છે તે આદર્શ રૂપ છે. પી.એચડી.ની ડિગ્રી મેળવ્યાની ખુશીને વધાવતા વિદ્યાર્થીની કુ. સૃષ્ટી પરમારે પોતાનાં માર્ગદર્શક ડો. લાખીબેન ઓડેદરા અને ગુરૂજનો પરત્વે કૃતજ્ઞતા વ્યક્ત કરી તેમનાં પિતાની દિકરીઓનાં શિક્ષણ માટે અવિરત શ્રમસભર સાધનાં પરત્વે સજળ નયને ભાવવંદના કરી હતી. તેણીએ યુનિ. પરિવારનો આભાર માન્યો હતો. ૦૦૦૦૦૦૦૦૦