Ձեր մասնավոր դատարանը՝ Արբիտրաժ․ ինչպես ճիշտ խնայել ժամանակն ու միջոցները скачать в хорошем качестве

Ձեր մասնավոր դատարանը՝ Արբիտրաժ․ ինչպես ճիշտ խնայել ժամանակն ու միջոցները

Ձեր մասնավոր դատարանը՝ Արբիտրաժ․ ինչպես ճիշտ խնայել ժամանակն ու միջոցները Այս թողարկման ընթացքում մենք մանրամասն քննարկել ենք արբիտրաժի էությունը՝ համեմատելով այն ավանդական դատարանների հետ, որպեսզի ավելի հստակ դառնան դրա առավելություններն ու տարբերությունները։ Հաճախ իրավական բացատրություններն այնքան բարդ են լինում, որ դրանք վախեցնում են մարդկանց, սակայն իրականում արբիտրաժը կարելի է պատկերացնել որպես մի մասնավոր դատարան, որը ձևավորում եք հենց դուք։ Ի տարբերություն պետական դատական համակարգի, այստեղ դուք ինքներդ եք որոշում, թե ով կարող է լինել ձեր դատավորը՝ արբիտրը։ Այս շրջանակը սահմանափակ չէ, և յուրաքանչյուր ոք կարող է իր վեճի լուծումը վստահել իր նախընտրած անձին կամ մասնագիտացված արբիտրաժային կենտրոնին։ Որպեսզի այս գործընթացը հնարավոր լինի իրականացնել, անհրաժեշտ է պայմանագրում ունենալ արբիտրաժային դրույթ կամ մեկ միասնական փաստաթղթի տեսքով կնքել արբիտրաժային վերապահում։ Սա նախնական համաձայնություն է, որով կողմերը սահմանում են, որ վեճ առաջանալու պարագայում դրա լուծումը վստահվելու է կոնկրետ անձի կամ կազմակերպության։ Հատկապես տնտեսական վեճերի պարագայում արբիտրաժը շատ ավելի հարմար տարբերակ է, քանի որ այն էականորեն խնայում է ձեր ժամանակը և հնարավորություն է տալիս ընտրել տվյալ ոլորտում նեղ մասնագիտացում ունեցող արբիտրի։ Հաշվի առնելով, որ Հայաստանում նույնիսկ ամենապարզ վեճերը պետական դատարաններում կարող են տևել միջինում 3-5 տարի, իսկ երբեմն նույնիսկ 10 տարուց ավելի: Այս պարագայում ժամանակի տնտեսման այս հնարավորությունը դառնում է անփոխարինելի։ Արբիտրաժը նաև թույլ է տալիս ընտրել արբիտրաժի լեզուն։ Օրինակ, եթե ունեք պայմանագիր Իսպանիայից սարքավորումներ ներմուծելու վերաբերյալ, կարող եք նախատեսել, որ կիրառվելու է ՀՀ օրենսդրությունը, սակայն վեճը լուծվելու է իսպաներենով և, օրինակ, Լոնդոնի արբիտրաժային կենտրոնում։ Դուք եք որոշում նաև վեճը լուծել միանձնյա արբիտրի կողմից, թե օրինակ 3-ից 5 հոգանոց տրիբունալի միջոցով։ Վերջում հարկ է նշել մի կարևոր փաստ. ըստ Նյու Յորքի կոնվենցիայի՝ արբիտրաժային վճիռները ենթակա են պարտադիր կատարման աշխարհի ավելի քան 170 երկրներում, որոնք ունեն որոշակի կարգավորումները՝ միջազգային արբիտրաժային որոշումների ճանաչման և կատարման համար։ Սա այն հիմնական շրջանակն է, որը թույլ է տալիս վեճերին տալ արդարացի և արագ լուծում։