ಲೋಕಸಭೆಯಲ್ಲಿ ಎಲ್ ಪಿಜಿ ಸಮಸ್ಯೆ ಗದ್ದಲ ; ವಿರೋಧ ಪಕ್ಷಗಳಿಂದ ಕಲಾಪಕ್ಕೆ ಅಡ್ಡಿ скачать в хорошем качестве

ಲೋಕಸಭೆಯಲ್ಲಿ ಎಲ್ ಪಿಜಿ ಸಮಸ್ಯೆ ಗದ್ದಲ ; ವಿರೋಧ ಪಕ್ಷಗಳಿಂದ ಕಲಾಪಕ್ಕೆ ಅಡ್ಡಿ

ಇಂದು ಬೆಳಿಗ್ಗೆ 11 ಗಂಟೆಗೆ ಲೋಕಸಭೆಯ ಕಲಾಪ ಆರಂಭವಾಗುತ್ತಿದ್ದಂತೆಯೇ, ಎಲ್‌ಪಿಜಿ ಅನಿಲ ಸಮಸ್ಯೆ ಸೇರಿದಂತೆ ಇತರ ವಿಷಯಗಳನ್ನು ಎತ್ತಿ ವಿರೋಧ ಪಕ್ಷಗಳು ಗದ್ದಲ ಸೃಷ್ಟಿಸಿದವು. ಸ್ಪೀಕರ್‌ ಓಂ ಬಿರ್ಲಾ ಅವರು ಪ್ರತಿಯೊಬ್ಬರಿಗೂ ಮಾತನಾಡಲು ಅವಕಾಶ ಕಲ್ಪಿಸಲಾಗುವುದು, ಪ್ರಶ್ನೋತ್ತರ ಅವಧಿಗೆ ಅಡ್ಡಪಡಿಸಬೇಡಿ ಎಂದು ಮನವಿ ಮಾಡಿಕೊಂಡರು. ಪ್ರಶ್ನೋತ್ತರ ಅವಧಿಯು ರಾಷ್ಟ್ರೀಯ ಸಮಸ್ಯೆಗಳು ಮತ್ತು ಪ್ರಾದೇಶಿಕ ಕಾಳಜಿಗಳ ಬಗ್ಗೆ ಚರ್ಚಿಸುವ ಅವಧಿಯಾಗಿದೆ. ಆದರೆ ಇದಕ್ಕೆ ಕೆಲವು ಸದಸ್ಯರು ಅಡ್ಡಪಡಿಸುತ್ತಿದ್ದಾರೆ. ಇದು ಸಂಸತ್ತಿನ ಶಿಷ್ಟಾಚಾರಕ್ಕೆ ಅನುಗುಣವಾಗಿಲ್ಲ ಎಂದರು. ಸಂಸತ್ತಿನ ಆವರಣದ ಒಳಗೆ ಮತ್ತು ಹೊರಗೆ ಸದನದ ಪಾವಿತ್ರ್ಯವನ್ನು ಕಾಪಾಡಿಕೊಳ್ಳಬೇಕು. ಆದರೆ, ವಿರೋಧ ಪಕ್ಷಗಳು ಪ್ರದರ್ಶಿಸುತ್ತಿರುವ ನಡವಳಿಕೆ ಸದನದ ಪಾವಿತ್ರ್ಯವನ್ನು ಹಾಳು ಮಾಡುತ್ತಿದೆ. ಯೋಜಿತ ರೀತಿಯಲ್ಲಿ ಈ ರೀತಿ ಅಡ್ಡಿಪಡಿಸುವುದು ಸೂಕ್ತವಲ್ಲ ಎಂದು ಹೇಳಿದರೂ, ಗದ್ದಲ ಮುಂದುವರೆಯಿತು. ಈ ಹಿನ್ನೆಲೆಯಲ್ಲಿ ಕಲಾಪವನ್ನು 12 ಗಂಟೆಗೆ ಸ್ಪೀಕರ್‌ ಮುಂದೂಡಿದರು. ಪುನಃ 12 ಗಂಟೆಗೆ ಸಭೆ ಸೇರಿದಾಗಲೂ ವಿರೋಧ ಪಕ್ಷಗಳು ಗದ್ದಲ ಮುಂದುವರೆಸಿದವು. ಕೇಂದ್ರ ಸಚಿವ ಕಿರಣ್‌ ರಿಜಿಜು ಅವರು ವಿರೋಧ ಪಕ್ಷಗಳ ಈ ಕ್ರಮಕ್ಕೆ ಅಸಮಾಧಾನ ಹೊರಹಾಕಿದರು. ವಿರೋಧ ಪಕ್ಷಗಳು ಪದೇ ಪದೇ ಇದೇ ರೀತಿ ಗದ್ದಲ ಸೃಷ್ಟಿಸಿ ಕಲಾಪಕ್ಕೆ ಅಡ್ಡ ಪಡಿಸುವುದು ಸರಿಯಲ್ಲ ಎಂದರು. ಇದರ ಹೊರತಾಗಿಯೂ ಗದ್ದಲ ಮುಂದುವರೆದ ಹಿನ್ನೆಲೆಯಲ್ಲಿ ಕಲಾಪವನ್ನು ಮಧ್ಯಾಹ್ನ 2 ಗಂಟೆಗೆ ಮುಂದೂಡಲಾಯಿತು. #LiveDDChandanaNews #DDChandanaNews #DDChandana #DDKannada