Psalms 37 || Keerthan 37 || ಕೀರ್ತನ್ 37 ಬರ್ರ್ಯಾ ಆನಿ ಖೊಟ್ಯಾ ಮನ್ಶಾಂಚಿ ಗತ್ скачать в хорошем качестве

Psalms 37 || Keerthan 37 || ಕೀರ್ತನ್ 37 ಬರ್ರ್ಯಾ ಆನಿ ಖೊಟ್ಯಾ ಮನ್ಶಾಂಚಿ ಗತ್

ಕೀರ್ತನ್ 37 ಬರ್ರ್ಯಾ ಆನಿ ಖೊಟ್ಯಾ ಮನ್ಶಾಂಚಿ ಗತ್ Psalms 37 ಕೀರ್ತನ್ 37 ಬರ್ರ್ಯಾ ಆನಿ ಖೊಟ್ಯಾ ಮನ್ಶಾಂಚಿ ಗತ್ 37:1 ಖೊಟ್ಯಾ ಮನ್ಶಾಂ ವಿಶಿಂ ಉಚಾಂಬಳ್ ಜಾಯ್ನಾಕಾ, ವಾಯ್ಟ್ ಕರ್ತಲ್ಯಾಂಚೊ ಮೊಸರ್ ಕರ್ನಾಕಾ. 37:2 ಕಿತ್ಯಾಕ್ ಕರ್ಡಾ ಬರಿ ತೆ ಸುಕ್ತಲೆ, ಪಾಚ್ವ್ಯಾ ತಣಾ ಬರಿ ಬಾವ್ತಲೆ. 37:3 ಸರ್ವೆಸ್ಪರಾಚೆರ್ ತುಜೊ ವಿಶ್ವಾಸ್ ದವರ್ ಆನಿ ಬರೆಂ ತೆಂ ಕರ್, ದೆಶಾಂತ್ ವಸ್ತಿ ಕರ್ ಆನಿ ಸುಖಾನ್ ಜಿಯೆ. 37:4 ಸರ್ವೆಸ್ಪರಾ ಥಂಯ್ ತುಜೊ ಸಂತೊಸ್ ಸೊಧ್, ತುಜೆಂ ಕಾಳಿಜ್ ಅತ್ರೆಗ್ತಾ ತೆಂ ತೊ ತುಕಾ ದಿತಲೊ. 37:5 ತುಜಿ ವಾಟ್ ಸರ್ವೆಸ್ಪರಾಶಿಂ ಪರ್ತಿ, ತಾಚೆರ್ ವಿಶ್ವಾಸ್ ದವರ್ ಆನಿ ತೊ ಸಗ್ಳೆಂ ಕರ್ತಲೊ, 37:6 ತುಜೆಂ ನಿತಿವಂತ್ಪಣ್ ಉಜ್ವಾಡಾ ಬರಿ ಪರ್ಜಳಶೆಂ ಕರ್ತಲೊ, ಆನಿ ತುಜೊ ನ್ಯಾಯ್ ದೊನ್ಪಾರಾಂಚ್ಯಾ ಪ್ರಕಾಸಾ ಬರಿ. 37:7 ಸರ್ವೆಸ್ಪರಾ ಮುಕಾರ್ ಶಾಂತ್ ರಾವ್ ಆನಿ ತಾಚೆರ್ ಭರ್ವಾಸೊ ದವರ್, ಕೋಣ್ ಎಕ್ಲೊ ಆಪ್ಲೆ ವಾಟೆನ್ ಸುಖ್‍ಸಂಪತ್ತಿ ಜೊಡ್ತಾ ಮ್ಹಣ್, ಆಪ್ಲ್ಯಾ ವಾಯ್ಟ್ ಯೆವ್ಜಣ್ಯಾಂನಿ ತೊ ಮನಿಸ್ ಸುಫಳ್ ಜಾತಾ ಮ್ಹಣ್ ತುಂ ಉಚಾಂಬಳ್ ಜಾಯ್ನಾಕಾ. 37:8 ತುಜೊ ರಾಗ್ ಸಾಂಡ್, ಕ್ರೋಧ್ ಪಯ್ಸ್ ಕರ್. ಉಚಾಂಬಳ್ ಜಾಯ್ನಾಕಾ: ಜಾಶಿ ತರ್ ಫಕತ್ ವಾಯ್ಟ್ ಕರುಂಕ್ ಪಾವ್ತಲೊಯ್. 37:9 ಕಿತ್ಯಾಕ್ ಖೊಟ್ಯಾ ಮನ್ಶಾಂಚೊ ನಾಸ್ ಜಾತಲೊ, ಪೂಣ್ ಸರ್ವೆಸ್ಪರಾಚೆರ್ ಭರ್ವಸೊ ದವರ್ತಾತ್ ತೆ ದೆಶಾಚೆ ವಾರಿಸ್ದಾರ್ ಜಾತಲೆ. 37:10 ಥೊಡೊಚ್ ವೇಳ್, ಆನಿ ನಷ್ಟೆ ಮನಿಸ್ ನಾಂಚ್ ಜಾತಲೆ, ತೆ ಆಸ್ಲೆ ತ್ಯಾ ಜಾಗ್ಯಾರ್ ತುಂ ತಾಂಕಾಂ ಸೊದ್ಶಿ ಜಾಲ್ಯಾರ್, ತೆ ತುಕಾ ಥಂಯ್ ಮೆಳ್ಚೆ ನಾಂತ್. 37:11 ಪೂಣ್ ಖಾಲ್ತೆ ಮನಿಸ್ ದೆಶಾಚೆ ವಾರಿಸ್ದಾರ್ ಜಾತಲೆ, ಆನಿ ಪುರ್ತೆ ಶಾಂತಿನ್ ಸುಖ್‍ಸಂತೊಸ್ ಭೊಗ್ತಲೆ. 37:12 ಖೊಟೊ ಮನಿಸ್ ನಿತಿವಂತ್ ಮನ್ಶಾ ವಿರೋಧ್ ಮಾಂಡ್ಣಿ ಕರ್ತಾ ಆನಿ ತಾಚೆ ವಿರೋಧ್ ಆಪ್ಲೆ ದಾಂತ್ ಕಿರ್ಲಿತಾ; 37:13 ಪೂಣ್ ಸರ್ವೆಸ್ಪರ್ ತಾಕಾ ಪಳೆವ್ನ್ ಹಾಸ್ತಾ, ಕಿತ್ಯಾಕ್ ತಾಚೆ ದೀಸ್ ಪಾವ್ಲೆ ಮ್ಹಣ್ ಸರ್ವೆಸ್ಪರ್ ಜಾಣಾ. 37:14 ಖೊಟೆ ಮನಿಸ್ ಆಪ್ಲಿ ತಲ್ವಾರ್ ಭಾಯ್ರ್ ಕಾಡ್ತಾತ್ ಆಪ್ಲಿಂ ಧೊಣ್ವಾಂ ತೆ ಬಾಗಯ್ತಾತ್, ದುಬ್ಳ್ಯಾಂಕ್ ಆನಿ ಗರ್ಜೆವಂತಾಂಕ್ ಶೆವ್ಟುಂಕ್ ಆನಿ ಪ್ರಾಮಾಣಿಕ್ ಮನ್ಶಾಂಚೊ ಜೀವ್ ಕಾಡುಂಕ್ ತೆ ಸೊದ್ತಾತ್. 37:15 ಪೂಣ್ ತಾಂಚಿ ತಲ್ವಾರ್ ತಾಂಚ್ಯಾಚ್ ಕಾಳ್ಜಾಂತ್ ರೊಂಬ್ತಲಿ, ತಾಂಚಿಂ ಧೊಣ್ವಾಂ ಮೊಡೊನ್ ಕುಡ್ಕೆ ಜಾತಲಿಂ.