Psalms 35 | Keerthan 35 | ಕೀರ್ತನ್  35 | ಕಷ್ಟ್ ಸೊಸ್ತಲ್ಯಾ ನಿತಿವಂತ್ ಮನ್ಶಾಚೆಂ ಪ್ರಾರ್ಥನ್ скачать в хорошем качестве

Psalms 35 | Keerthan 35 | ಕೀರ್ತನ್  35 | ಕಷ್ಟ್ ಸೊಸ್ತಲ್ಯಾ ನಿತಿವಂತ್ ಮನ್ಶಾಚೆಂ ಪ್ರಾರ್ಥನ್

ಕೀರ್ತನ್  35 ಕಷ್ಟ್ ಸೊಸ್ತಲ್ಯಾ ನಿತಿವಂತ್ ಮನ್ಶಾಚೆಂ ಪ್ರಾರ್ಥನ್ 35:1 ಸರ್ವೆಸ್ಪರಾ, ಮ್ಹಾಕಾ ಗುನ್ಯಾಂವ್ಕಾರ್ ಕರ್ತಲ್ಯಾಂಕ್ ಗುನ್ಯಾಂವ್ಕಾರ್ ಕರ್, ಮ್ಹಜೆರ್ ಧಾಡ್ ಘಾಲ್ತಲ್ಯಾಂಚೆರ್ ಧಾಡ್ ಘಾಲ್. 35:2 ತುಜೆಂ ಕವಚ್ ಆನಿ ಢಾಲ್ ಘೆ, ಊಟ್ ಆನಿ ಮ್ಹಾಕಾ ಕುಮಕ್ ಕರ್. 35:3 ಮ್ಹಜೆ ಪಾಟಿಕ್ ಲಾಗ್ಲಲ್ಯಾಂ ವಿರೋಧ್ ಭಾಲೊ ಆನಿ ಬರ್ಚಿ ಭಾಯ್ರ್ ಕಾಡ್, “ಹಾಂವ್ ತುಜೊ ತಾರಕ್,” ಅಶೆಂ ಮ್ಹಾಕಾ ಸಾಂಗ್. 35:4 ಮ್ಹಜೊ ಜೀವ್ ಕಾಡುಂಕ್ ಸೊಧ್ತಲೆ ಲಜ್ ಆನಿ ಅಕ್ಮಾನ್ ಭೊಗುಂ, ಮ್ಹಜ್ಯಾ ನಾಸಾ ಖಾತಿರ್ ಮಾಂಡ್ಣಿ ಕರ್ತಾತ್ ತೆ ತಕ್ಲಿ ಪಂದಾಕ್ ಘಾಲುನ್ ಪಾಟಿಂ ಸರುಂ. 35:5 ವಾರ್ರ್ಯಾರ್ ಉಬುನ್ ವೆತಾ ತ್ಯಾ ಪೊಲಾ ಭಾಶೆನ್ ತೆ ಜಾಂವ್, ಸರ್ವೆಸ್ಪರಾಚೊ ದೂತ್ ತಾಂಕಾಂ ಧಾಂವ್ಡಾವ್ನ್ ವ್ಹರುಂ. 35:6 ಸರ್ವೆಸ್ಪರಾಚೊ ದೂತ್ ತಾಂಚೆ ಪಾಟಿಕ್ ಲಾಗ್ತಾನಾ, ತಾಂಚಿ ವಾಟ್ ಕಾಳ್ಕಿ ಆನಿ ನಿಸರ್ತಿ ಜಾಂವ್. 35:7 ಕಾರಣಾ ವಿಣೆಂ ತಾಂಣಿಂ ಮ್ಹಾಕಾ ಪಾಸ್ ಮಾಂಡ್ಲೊ, ಕಾರಣಾ ವಿಣೆಂ ಮ್ಹಜೊ ಜೀವ್ ಕಾಡುಂಕ್ ಫೊಂಡ್ ಖೊಂಡ್ಲೊ. 35:8 ದೆಕುನ್ ಅಚಾನಕ್ ತಾಂಚೆರ್ ವಿಘ್ನ್ ಯೆಂವ್, ಮ್ಹಾಕಾ ಮಾಂಡ್ಲಲ್ಯಾ ಪಾಸಾಂತ್ ತೆಚ್ ಸಾಂಪ್ಡುಂ, ಆಪ್ಣೆಂ ಖೊಂಡ್ಲಲ್ಯಾ ಫೊಂಡಾಂತ್ ತೆಚ್ ಪಡುಂ. 35:9 ತೆದ್ನಾ ಮ್ಹಜೊ ಅತ್ಮೊ ಸರ್ವೆಸ್ಪರಾ ಥಂಯ್ ಸಂತೊಸ್ತಲೊ, ತಾಣೆಂ ಮ್ಹಾಕಾ ನಿವಾರ್ಲೊ ಮ್ಹಣ್ ಉಲ್ಲಾಸ್ತಲೊ. 35:10 ಸಗ್ಳಿಂ ಮ್ಹಜಿಂ ಹಾಡಾಂ ಉದ್ಗಾರ್ತಲಿಂ: “ಸರ್ವೆಸ್ಪರಾ ತುಜೆ ಸಾರ್ಕೊ ದುಸ್ರೊ ಕೋಣ್ ಆಸಾ? ದುರ್ಬಳ್ಯಾಕ್ ತುಂ ಬಳಿಷ್ಟಾಚ್ಯಾ ಹಾತಾಂತ್ಲೊ ನಿವಾರ್ತಾಯ್, ದಳ್ದಿರ್ರ್ಯಾಕ್ ಆನಿ ಗರಿಬಾಕ್ ಲುಟ್ಣಾರಾಂಚ್ಯಾ ಹಾತಾಂತ್ಲೊ ಸೊಡಯ್ತಾಯ್. 35:11 ಫೊಟ್ಕಿರೆ ಸಾಕ್ಷಿ ಮ್ಹಜೆ ವಿರೋಧ್ ಉಟ್ತಾತ್, ಜೆಂ ಹಾಂವ್ ನೆಣಾಂ, ತಾಚೆ ವಿಶಿಂ ಮ್ಹಾಕಾ ತೆ ವಿಚಾರ್ತಾತ್. 35:12 ಬರೆಂ ಕೆಲ್ಲ್ಯಾಕ್ ತೆ ಮ್ಹಾಕಾ ವಾಯ್ಟಾನ್ ಫಾರಿಕ್ ಕರ್ತಾತ್. ಹಾಂವ್ ಸಾರ್ಕೊಚ್ ಎಕ್ಸುರೊ ಜಾಲಾಂ.