Екі офицер сотталды скачать в хорошем качестве

Екі офицер сотталды

Лаңкестік оқиғасы кезінде содырларға қарсы атысып, кеудесін оққа тоспады деп айып тағылған қос майор бүгін жұмыс орындары - №6655 әскери бөліміне келді. Соңғы сот отырысы осы жерде өтті. Өзгелерге үлгі болу үшін. Ақтөбе гарнизоны әскери сотының судьясы Бекболат Тәжімұқан бөлімнің екі офицеріне қатысты үкімді 1 жарым сағатқа жуық оқыды. Қайырбек Тастанбеков пен Қайырғали Оразжанов қызмет бабында жарғылық ережелерді бұзғаны үшін кінәлі деп танылды. 5-маусым күн бөлім кезекшісі болған Қайырбек Тастанбеков төрт жарым жылға, оның көмекшісі Қайырғали Оразжанов үш жарым жылға сотталды. Оған қоса әскери атақтарынан айырылды. Офицерлер сот залында тұтқынға алынды. Сот үкімі оқылған сәтте басын жерден көтермеген Қайырғали Оразжанов өзіне тағылған айыпты толықтай мойындады. Ал, Тастанбеков тағылған айыпты мойындаған жоқ. Бүгін үкімді мысқылмен тыңдады. Ол бұған дейін өз орнында ойран кезінде әрекет етпеген әскери бөлімнің басшылары отыруы керектігін айтқан еді. Қайырбек Тастанбековтың қорғаушысы сот үкімімен келіспейтіндіктерін тағы да айтты. Олар апелляциялық шағым түсірмекші. Естеріңізге сала кетейік, екі майорға 5-маусымдағы лаңкестік оқиға кезінде қылмыскерлермен атыспай, әжетхана арқылы қашып кетті деген айып тағылған болатын.