Лаңкестік кезінде әскери бөлімнен қашқан екі майор сотталып жатыр скачать в хорошем качестве

Лаңкестік кезінде әскери бөлімнен қашқан екі майор сотталып жатыр

5-ші маусым күні лаңкестер шабуыл жасаған кезде №6655 әскери бөлімінің екі қызметкері қолына қару алып атыспады, тығылып қалды. Бүгін Ақтөбе гарнизонының әскери сотында майор Қайырғали Оразжанов пен Қайнарбек Тастанбековке қатысты сот отырысы басталды. Оларға Қылмыстық кодекстің "Iшкi қызмет атқарудың немесе гарнизонда патруль болудың жарғылық қағидаларын бұзу" бабы бойынша айып тағылып отыр. Мемлекеттік айыптаушы Тұраш Бәкіровтың айтуынша, №6655 әскери бөлімінің екі қызметкері лаңкестер шабуыл жасаған кезде қашып, әжетханаға тығылған. Бас сауғалаған екеу кейін әжетхана ішіндегі терезе арқылы шығып, белгісіз жаққа бет алған. Сотталушы Қайнарбек Тастанбеков бұл уәжбен келіспейді. Іс материалдарына сүйенсек, Тастанбеков лаңкестер шабуыл жасаған күні бөлімде кезекші, ал Оразжанов оның көмекшісі болған. Штабқа хабар беру олардың тікелей міндеті. Бірақ, олар бұл қызметін ұмытып, қаша жөнелген. Мемлекеттік айыптаушының айтуынша, қара бастың қамын ойлаған әскери қызметкерлердің ісінен қатардағы жауынгер Сапар Досбол, майор Даниэль Майлыбаев оққа ұшқан. Іс 14 томнан тұрады. Бүгін алғашқы куәгерлерден жауап алынды. Екі майорды екі адвокат қорғап жатыр. Олар ешқайда кетпеу туралы қолхатпен бостандықта жүр. Егер тағылған айып дәлелденсе, қос майор 5 жылға дейін бас бостандықтарынан айырылуы мүмкін.