Huling Buntong-Hininga - Astrild Lee Littérateur (Angela Grace) скачать в хорошем качестве

Huling Buntong-Hininga - Astrild Lee Littérateur (Angela Grace)

HULING BUNTONG HININGA 🦋 Isinulat at Isinatinig ni Astrild Lee Littérateur Sumapit ang huling buwan sa panahon ng talaan, unti-unting bumibigat ang alaalang aking pasan— panghihinayang sa mga salitang hindi naisakatuparan, mga sandaling pinalampas ng takot at pag-aalinlangan. Sa gabi, ako’y humihinga sa anino ng pagsisisi, humihingi ng tawad sa sariling iniwan sa dilim ng pagkasakbibi; kay rami kong naging pagkukulang sa mga panahong lumipas na sandali, at ngayo’y inuusig ng alaala nang aking mga pagkakamali. Sa pagitan ng bawat patak ng luha’y may pasasalamat, sapagkat sa sakit ay may aral na tahimik na sumisikat; mula sa mga taong nakasalamuha, nakaalitan, at minahal, bawat sugat ay naging guro ng mas malalim na pag-unawang-aral. Napagod man ang katawan, naubos man ang luha, sa huling araw ng Disyembre aking pakakawalan ang bigat ng kahapong gunita; isusuko ang laban na hindi na dapat ipaglaban, at tatanggapin ang anyo ng kapalarang dumaan. Sa pag-asa ako’y hahakbang tungo sa bagong taon— buhay mang hindi ganap at malayo sa tunay na layon, pipiliing manahan sa payapang paghinga, at yakapin ang bukas nang may tahimik na tapang at saya. #TLBATNEWYEARACT #SpokenWordPoetry #TagalogSpokenWordPoetry