ರಥಸಪ್ತಮಿ ಹಿನ್ನೆಲೆ - ಹಂಪಿಯಲ್ಲಿ 108 ಸೂರ್ಯ ನಮಸ್ಕಾರ скачать в хорошем качестве

ರಥಸಪ್ತಮಿ ಹಿನ್ನೆಲೆ - ಹಂಪಿಯಲ್ಲಿ 108 ಸೂರ್ಯ ನಮಸ್ಕಾರ

ವಿಶ್ವವಿಖ್ಯಾತ ಹಂಪಿಯ ಉಗ್ರ ನರಸಿಂಹ ದೇವಸ್ಥಾನದ ಆವರಣದಲ್ಲಿ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್, ಜಿಲ್ಲಾ ಆಯುಷ್ ಇಲಾಖೆ ವತಿಯಿಂದ ರಥಸಪ್ತಮಿ ಪ್ರಯುಕ್ತ 108 ಸೂರ್ಯ ನಮಸ್ಕಾರ ಹಮ್ಮಿಕೊಳ್ಳಲಾಗಿತ್ತು. ಈ ಸಂದರ್ಭದಲ್ಲಿ ಆಯುಷ್ ಇಲಾಖೆ ಅಧಿಕಾರಿ ಕೆ. ಪ್ರಸಾದ್ ಬಾಬು, ವೈದ್ಯರಾದ ಚಂದ್ರಶೇಖರ್, ಶಿವಶರಣಯ್ಯ, ಹಂಪಿ ಗ್ರಾಮ ಪಂಚಾಯಿತಿ ಅಧ್ಯಕ್ಷರಾದ ರಜನಿ ಷಣ್ಮುಗ ಗೌಡ, ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಗಂಗಾಧರ್, ಯೋಗ ತರಬೇತುದಾರರಾದ ನೇತ್ರವತಿ, ಸುಶೀಲ ಮತ್ತಿತರರು ಉಪಸ್ಥಿತರಿದ್ದರು. ಬಳಿಕ ಗಂಗಾಧರ್, ಸೂರ್ಯ ನಮಸ್ಕಾರ ಮಾಡುವುದರಿಂದ ಆರೋಗ್ಯಕ್ಕೆ ಅನುಕೂಲಕರ. ಈ ಹಿನ್ನೆಲೆಯಲ್ಲಿ ಕಳೆದ ಒಂದು ತಿಂಗಳಿಂದ ತರಬೇತಿ ನೀಡಿ ಸೂರ್ಯ ನಮಸ್ಕಾರ ನಡೆಸಲಾಯಿತು ಎಂದರು. ದೂರದರ್ಶನದೊಂದಿಗೆ ಕೆ. ಪ್ರಸಾದ್ ಬಾಬು, ರಥಸಪ್ತಮಿ ಹಿನ್ನೆಲೆಯಲ್ಲಿ 108 ಸೂರ್ಯ ನಮಸ್ಕಾರ ಮಾಡುವ ಹಿನ್ನೆಲೆಯಲ್ಲಿ ಕಳೆದ ಒಂದು ತಿಂಗಳಿಗೂ ಹೆಚ್ಚು ಸಮಯ ವಿದ್ಯಾರ್ಥಿಗಳಿಗೆ ತರಬೇತಿ ನೀಡಿ ಸೂರ್ಯ ನಮಸ್ಕಾರ ಪ್ರದರ್ಶಿಸಲಾಯಿತು ಎಂದು ಹೇಳಿದರು. ವಿದ್ಯಾರ್ಥಿನಿ ನಿಖಿತಾ, 108 ಸೂರ್ಯ ನಮಸ್ಕಾರ ಮಾಡುವುದರಿಂದ ಉತ್ತಮ ಆರೋಗ್ಯ ಕಾಪಾಡಿಕೊಳ್ಳಲು ಸಹಕಾರಿಯಾಗಲಿದೆ ಎಂದರು. ಇನ್ನೋರ್ವ ವಿದ್ಯಾರ್ಥಿನಿ ಕಾವ್ಯ, ಸೂರ್ಯ ನಮಸ್ಕಾರದಿಂದ ಹಲವು ಪ್ರಯೋಜನಗಳಿದ್ದು, ತರಬೇತಿಯ ಬಳಿಕ ಸೂರ್ಯ ನಮಸ್ಕಾರ ಮಾಡಿದ್ದಾಗಿ ಹೇಳಿದರು. ವಿದ್ಯಾರ್ಥಿನಿಗಳಾದ ಭವಾನಿ, ಸುಮಂಗಲ ಮತ್ತು ಕೌಶಿಣಿ, ಸೂರ್ಯ ನಮಸ್ಕಾರದಿಂದ ಆಗುವ ಪ್ರಯೋಜನಗಳ ಕುರಿತು ಮಾಹಿತಿ ನೀಡಿದರು. ತರಬೇತುದಾರರಾದ ನೇತ್ರಾವತಿ, 108 ಸೂರ್ಯ ನಮಸ್ಕಾರ ಮಾಡುವ ಸಲುವಾಗಿ ಒಂದು ತಿಂಗಳಿಂದ ಮಕ್ಕಳಿಗೆ ಯೋಗಾಭ್ಯಾಸ ಮಾಡಿಸಲಾಗಿತ್ತು ಎಂದು ಹೇಳಿದರು. ಇದೇ ಸಂದರ್ಭದಲ್ಲಿ ಮಕ್ಕಳು ವಿವಿಧ ಯೋಗದ ಆಸನಗಳನ್ನು ಪ್ರದರ್ಶಿಸಿದರು. #LiveDDChandanaNews #DDChandanaNews #DDChandana #DDKannada