1/64 MegaHouse Cyber Formula Collection Heritage Edition Super Asurada 01 高智能方程式 超級雷神 阿斯拉 скачать в хорошем качестве

1/64 MegaHouse Cyber Formula Collection Heritage Edition Super Asurada 01 高智能方程式 超級雷神 阿斯拉

今日機緣巧合, 一見到呢架就仆取, 真係無諗過會遇到佢, 完全唔知佢會出, 今日即買即拍片即上載。 一直以來, 1/64 佢無咁出到又金屬色仲痴埋水貼, 用珍珠白車身真係整到成架車都好令身好精緻好靚, 點可以唔買嚟收藏, 一買就緊係即拆出嚟玩啦。無諗過佢一出雷神就出呢架, 反而呢架係我咁多部雷神最鐘意既款式, 正。 QC 就麻麻地算係咁啦, 主要係尾翼兩邊離地面唔係同一個角度, 一邊硬係高左, 正前方咁望或俯瞰咁望, 仲有車頭尖端位啲藍色漆油不均有深淺色既分野, 對翼唔係裝得好symmetrical, 就連個車頭都係裝斜左既, 係影片中一望就知唔對稱啦, 但都費事去理佢, 因為你揀得個尾翼靚既, 又會有其他QC 問題出理, 一定會顧一漏萬, 只有安慰自己架車係撞過嚟, 所以啲零件斜斜地囉, 做慣QC check 既應該好清楚, 好似漆面有問題有墨屎有甩coat, 最外浸光油又有問題無晒光變左瓦色, 水貼痴孭左呀, 啲轆又有問題, 啲橡膠軚就好似比老鼠咬過咁, 睇影片就知, 啲水口差成咁都得, 配服, 反而做開車仔啲廠就無呢啲問題, 同埋係車轆可以轉動, 但唔代表轆得到架車, 前轆就好順, 但後轆就好唔順好卡, 應該係安裝得唔好, 又或枝車軸可能係彎既, 好似 Tarmac 咁, 就算係後面推架車都轆唔到, 求其見到架車都算順眼就算鬼數喇, 一定唔會有一架係十全十美, 玩左1/64 車仔咁耐, 都好清楚啲廠既水準去到邊, 值得一提係 Poprace 拓意, 呢間大陸廠, 真係一個後起之秀, 做啲車仔平靚正, 性價比超高, 完全輾壓晒其他對手, 佢就好似做 figures 啲大陸廠如 Hiya, Inart, 仲有一咋呢啲廠, 啲模型玩具質素做得仲靚過啲大廠如 Bandai 同 Mafex, 估計又係大陸公司果套, 以本傷人, 成本比人平, 咁就可以擴大個市場佔有率, 就好似 Keeta 跟走 deliveroo 咁, 京東又嚟, 應該踢走埋豐澤同百老滙, 係呢啲大陸公司搶佔個市場時, 買佢地產品既消費者就係最著數。 架車仲有樣唔好既係無用透名件, 啲燈全部都係用水貼, 即係同 Hot Wheels 無咩分別, 車頭尖端地方, 如果佢肯做透明件做燈而唔係痴水貼會靚好多囉, 佢啲模型車仔都係咁做, 可惜, 呢個變左偷工減料位。 原本都退坑, 見到呢架收埋佢就圓夢了, 其實真係發夢都無諗過今日會收左呢架超級電神阿斯拉, 一直想買, 但巳經出左又炒到天咁高時就唔買啦, 諗住都買唔到算喇, 點知比我撞到佢正一正, 上天又特登跌樣野落嚟比我買。 C.F.C. Heritage Edition Driver: Hayato Kazami [Japan] 風見隼人 Apr 5, 2025 訂左 35 週年版 超級雷神 HKD3310, 2026 Q2 到貨，可以變三種模式，咁多款超智能方程式，最鐘意就係呢架，心願達成，如無意外，呢架會係我最後一件玩具，亦係呢個玩具紀錄頻道正式收皮既日子。