📖 6 FEB 2026 | దైవ మర్మములు💞 అలసినవానిని ఊరడించు మాటలు✝️ Sharing God’s Secrets @HEBRONHEADQUARTERS скачать в хорошем качестве

📖 6 FEB 2026 | దైవ మర్మములు💞 అలసినవానిని ఊరడించు మాటలు✝️ Sharing God’s Secrets @HEBRONHEADQUARTERS

దైవ మర్మములు - Brother. Bakht Singh Friday, February 6 ''మరియు నీవు పది తెరలతో ఒక మందిరమును చేయవలెను. నీల ధూమ్రరక్త వర్ణములు గల పేనిన సన్నపు నారతో వాటిని చిత్రకారుని పనియైన కెరూబులు గల వాటినిగా చేయవలెను'' (నిర్గమ 26:1). ప్రత్యక్షపు గుడారమును కప్పు తెరలను జాగ్రత్తగా గమనించండి. ప్రత్యక్షపు గుడారము యొక్క ప్రక్క పలకలు తుమ్మకర్రతో చేయబడి బంగారముచే పొదిగించబడెను. పై కప్పు తెరలచే చేయబడెను (నిర్గమ 26:1). ఒకదాని మీద నొకటిగా, నాలుగు తెరలు మందిరము యొక్క పై కప్పుగా నుండెను. అడుగున నున్న తెర పొడవు 28 మూరలు. ఇది పేనిన సన్ననారతో చేయబడి యుండెను. అయితే ఇదంతయు ఒకే ముక్కగా నుండక 28 మూరల పొడవును, 4 మూరల వెడల్పును కలిగిన పది తెరలు ఒకదాని ప్రక్కన ఇంకొకటి చేర్చి కలపబడి ఒక పెద్ద తెరగా ఏర్పడెను (నిర్గమ 26:1-6). ఈ పది విడి తెరలు ఐదు వేరుగాను, మరొక ఐదు వేరుగాను ముందు కూర్చబడి, పిమ్మట ఈ రెండు కూర్పులును కలుపబడెను. ఇవన్నియు ఒకదానితో నొకటి చేర్చబడుటకు నీలి నూలు కొలుకులును, బంగారు గుండీలును ఉపయోగించబడెను. ఇట్లు ఇవన్నియు ఒక పెద్ద తెరగా చేయబడి మందిరము మీద పైకప్పుగా వేయబడినప్పుడు అన్నివైపుల క్రిందికి కూడ వ్రేలాడెను. ఈ విధముగా అవి మందిరము మీద ఒకటే గుడారమాయెను. ఆ సన్న నారలో నీల, ధూమ్ర రక్తవర్ణములు గల నూలు పేనబడెను. దానిమీద చిత్రకారుని పనియైన కెరూబులు చేయబడి యుండెను. అడ్డతెరను మరియు మందిరపు ద్వారమందు వ్రేలాడు తెరను, ఆవరణము యొక్క గుమ్మము మీద వ్రేలాడు తెరను కూడా ఈ వస్తువులతోనే చేసిరి. ప్రతి చిన్న వివరము నుండి కూడా ప్రభువైన యేసుక్రీస్తును గూర్చి నేర్చుకొనుటకు పాఠములు కలవు. రెండవ వరుస తెరలు మేక వెంట్రుకలతో చేయడియుండెను (నిర్గమ 26:7-13). ఈ రెండవ తెర పదకొండు తెరల కూర్పు. ఇవన్నియు ఏకముగా మందిరము యొక్క గుడారముగా నుండెను. మూడవ వరుస తెరలు ఎర్రరంగు వేసిన పొట్టేళ్ళ తోళ్ళతో చేయబడియుండెను. వీటన్నింటికి మీదుగా సముద్రవత్సల తోళ్ళతో చేయబడిన తెరలు ఉండెను (నిర్గమ 26:14). అలసినవానిని ఊరడించు మాటలు. ''వారు ఆయన తట్టు చూడగా వారికి వెలుగు కలిగెను'' (కీర్తన 34:5). కొన్ని సమయములలో చంచలమైన నీ తలంపుల ద్వారా నీవు కలవరపడుచుండవచ్చును. నీవు ప్రార్థించవలెనని కోరుదువు గాని నీ మనస్సు కలవరముగా ండును. చాలావరకు ప్రార్థనా సమయము అలాగుననే ఉండును. అయితే నీవు మోకాళ్ళ మీదనే ఉండుము, విడచిపెట్టకుము. విశ్వాసము ద్వారా నీవు సాతానును గద్దించవచ్చును. విశ్వాసముతో ఈలాగున చెప్పుము, ''యేసు ప్రభువా, చంచలమైన తలంపుల ద్వారా నేను కలవరపెట్టబడుచున్నాను. ఇప్పుడు నీవు నాకు సహాయము చేయుదువా? దయచేసి నా తలంపులను నీ చెరలోనికి తెచ్చెదవా?'' ఆయన మాత్రమే దీనిని చేయగలడు! ఏ ఒక్కరును నీ తలంపులను స్వాధీనపరచలేరు గాని, యేసుక్రీస్తు ప్రభువు వాటిని బంధించి, వాటిని చెరలోనికి తేగలడు. నీవు మోకాళ్లపై చాలినంత సమయమును గడిపినప్పుడు, దేవుని సన్నిధిని అనుభవించుదువు మరియు క్షేమముగా, సంతోషముగా ఉండెదవు. అనేక సంవత్సరముల క్రిందట కెనడాలో నేను వెంట్రుకలు కత్తించుకొనుటకు మంగళివాని యొద్దకు వెళ్ళినది నాకు జ్ఞాపకము ఉన్నది. మంగళి నాతో ఇట్లనెను, ''ఎటువంటి దౌర్భాగ్యకరమైన దినము! ఎటువంటి పాడు దినము! ఎటువంటి చలి దినము! ఎటువండది చెడుదినము!''. ఆ దినమున వర్షము పడుచున్నది మరియు చాలా, చాలా చలిగా ఉన్నది. నేను, ''నాలో సూర్యకాంతి ఉన్నది'' అంటిని. అతడు ''నీవు ఇండియా నుండి వచ్చితివి'' అనెను. నేను ''ఇండియా యొక్క సూర్యకాంతిని గురించి మాట్లాడుటలేదు. నాలో క్రొత్త సూర్యకాంతి గలదు, అది నన్ను ప్రతి దినము వెచ్చగాను, సంతోషముగాను ఉంచును. నేనెన్నడును- ఇది పాడుదినము అనను. ప్రతి దినము అది వర్షమైనను, లేక ఎండయైనను, లేక చలియైనను నాకు మంచిదినము. నేను నా ప్రభువు యొక్క సన్నిధిని అనుభవించు పర్యంతము, అది నాకు సంతోషకరమైన దినము. ఆయన సముఖము నుండి సూర్యకాంతి నాలోనికి వచ్చి, నన్ను స్వస్థపరచి, అనేకసార్లు అనేక క్రిముల నుండి నన్ను కడుగుటను కనుగొంటిని''. చెడుతలంపులు క్రిముల వలె ఉండును. చాలావరకు వ్యాధులు ఏదో ఒక విధమైన క్రిముల ద్వారా వచ్చును. నీవు ఎంతో జాగ్రత్తగా ఉన్నను అవి ఆహారము ద్వారా నీ నోటిలోనికి చొరబడును. అనుదినము నీవు కాచిన నీరు త్రాగవచ్చును. దినమునకు అనేకసార్లు చేతులు, కాళ్లు కడుగుకొనవచ్చును, ఏ మురికి స్థలమునకు వెళ్లకుండ, ఎచ్చటను ఆహారము తినకుండ ఉండవచ్చును. నీవు తిను ప్రతి పండును పొటాషియం పర్మాంగనేట్‌తో కడుగుకొనెదవు. అయినను ఈ క్రిములు చాలా తెలివైనవి గనుక ఇవి అక్కడనో, ఇక్కడనో తమకు మార్గమును కనుగొనును. అదే రీతిగా చెడు తలంపులు క్రిముల వలె ఉన్నవి. నీవు నీ కన్నులు, చెవులు మూసి కొనవచ్చును, గాని చెడు తలంపులు ఇంకను అచ్చటనే ఉండును. కేవలము ఆయన ముఖము యొక్క సూర్యకాంతి మాత్రమే ఈ చెడు తలంపులను చంపగలదు. అందుచేతనే తన సూర్యకాంతిలో కడుగబడు నిమిత్తము దేవుని సన్నిధిలో మనము మోకాళ్లపై ఉండవలెను. మరియు నీవు విశ్వాసముతో ఇట్లు చెప్పవలెను, ''ప్రభువా, ఈ తలంపులు నన్ను కలవరపరచుచున్నవి. నేను వాటిని స్వాధీనపరచుకొనలేక పోవుచున్నాను. దయచేసి వాటిని స్వాధీనములో ఉంచుము''. అప్పుడు నీ తలంపులపై విజయము పొందుదువు, మరియు నీ ప్రార్థన ఆనందకరముగాను, ప్రోత్సాహకరముగాను ఉండును. ప్రభువు నీతో స్నేహితుడు, స్నేహితునితో మాట్లాడినట్లు మాట్లాడుదువు. దినమంతయు నీవు ఆరోగ్యవంతముగాను, తాజాగాను ఉండెదవు. మరియు నీ ముఖముపై దేవుని వెలుగు ప్రకాశించుచున్నదని అనేకులు చెప్పుదురు