ბათუმის შემოვლით გზაზე დასაქმებული 100-ზე მეტი ადამიანი 6 თვეზე მეტია უხელფასოდაა скачать в хорошем качестве

ბათუმის შემოვლით გზაზე დასაქმებული 100-ზე მეტი ადამიანი 6 თვეზე მეტია უხელფასოდაა

ბათუმის შემოვლით გზაზე დასაქმებული დაცვის სამსახურის თანამშრომლები უკვე 6 თვეზე მეტია, ანაზღაურებას ვერ იღებენ. 100-ზე მეტმა თანამშრომელმა "აჭარა თაიმსს" განუცხადა, რომ შპს „ფოლად იოლს“ სოლიდური ვალები აქვს და ისინი ხელფასის გარეშე დატოვეს. დასაქმებულების თქმით, მძიმე სოციალურ პირობებში მყოფმა ადამიანებმა სამსახურის მიტოვება იძულებით გადაწყვიტეს, თუმცა ანაზღაურების მიღების იმედი ჯერ კიდევ არ დაუკარგავთ. მათი თქმით, კომპანიის ხელმძღვანელობა დაპირებებს არ ასრულებს, ხოლო რეგიონული განვითარებისა და ინფრასტრუქტურის სამინისტროს, როგორც კონტრაქტორ ორგანიზაციას, ვითარების გარკვევა არც უცდია. „ყოველ დღე გვპირდებიან, ხვალ, ზეგ, შემდეგ კვირაში… ასე უკვე ნახევარი წელია. ახლა უკვე მოტყუებად აღვიქვამთ ამ დაპირებებს,“ — აცხადებე დასაქმებულები. დასაქმებულები დღეს კომპანიის ოფისთან შეიკრიბნენ და ადგილობრივი ხელისუფლების წარმომადგენლებს საჯაროდ მიმართეს. მათი თქმით, იმედი აქვთ, რომ მმართველი პარტია „ქართული ოცნება“ პრობლემას ყურადღებას მიაქცევს და ვალის გადახდას დააჩქარებს. კომპანიის ბუღალტერისგან კითხვებზე პასუხი ვერ მივიღეთ. შემდეგ, მესამე პირის დახმარებით, კონტაქტზე გავედით კომპანიის დირექტორთან, რომელმაც განაცხადა, რომ დავალიანება სამ დღეში სრულად დაიფარება. თუმცა, მრავალჯერადი შეუსრულებელი დაპირებების ფონზე, დასაქმებულებს არც ამ განცხადების სჯერათ. დასაქმებულები მედიის მხარდაჭერის იმედით უკვე საჯაროდ საუბრობენ კომპანიაში არსებულ ფინანსურ პრობლემებზე და სახელმწიფოსგან ჩარევას მოითხოვენ. ისინი ასევე, მიმართავენ შრომის ინსპექციას. 🔎 გვიპოვეთ სოციალურ ქსელებში 🔻 ▪️ ინსტაგრამი:   / ajara_times   ▪️ იუთუბი:    / @theajaratimes   ▪️ ტიკტოკი:   / ajaratimes.ge   ▪️ X: https://x.com/Ajaratimes ▪️ ტელეგრამი: https://t.me/ajaratimes_ge ▪️ ვოთსაპი: https://chat.whatsapp.com/HNZdijmvnp5... ▪️ ჯგუფი:   / ajaratimes.ge   ▪️ ვებგვერდი: https://ajaratimes.ge/