Storms en Reuse in ons lewens; Mag barmhartigheid jou gemak onderbreek? скачать в хорошем качестве

Storms en Reuse in ons lewens; Mag barmhartigheid jou gemak onderbreek?

Opsomming: Reuse in ons lewens; Mag barmhartigheid jou gemak onderbreek? Ons het laas gesels oor Jesus wat Sy dissipels beveel het om na die anderkant van die See van Galilea te gaan. Al was daar ‘n storm, het hulle tog hul bestemming bereik — want wanneer God ons stuur, is Hy teenwoordig, selfs in moeilike tye. Vandag kyk ons na waarom Jesus hulle oorgeneem het: daar was iemand in nood 'n besete man — wat bevry moes word. Hierdie verhaal wys ons dat God ons nie net stuur vir gemak of gemaklike take nie, maar om mense te bedien, selfs in ongemaklike en uitdagende omstandighede. 1 Johannes 5:3-4 herinner ons dat God se opdragte nie 'n las is nie, en dat geloof ons laat oorwin — selfs storms en reuse. Jesus het Hom laat lei deur barmhartigheid, selfs toe dit Sy gemak kos. Hy het Sy gemak opgegee om iemand te help. Die vraag aan ons is: Is ons bereid dat Jesus ons gemak onderbreek sodat ons Sy wil kan doen en ander kan help? Voorbeelde soos William Tyndale, wat sy lewe gegee het om die Bybel beskikbaar te maak in Engels, en evangeliste wat vandag hul lewens waag, wys dat ware geloof ons dryf om God se stem te volg, ten spyte van vrees, gevaar of ongemak. Toe Jesus die besete man teëkom, het die demone Hom erken. Dit wys vir ons die almag van Jesus – selfs die hel weet wie Hy is. Jesus het die oorwinning reeds behaal, en Hy gee aan ons gesag om Sy werk voort te sit. Ons name is opgeskryf in die Hemel! Laat ons dus bereid wees om, soos Jesus en Sy dissipels, te beweeg na waar mense in nood is — nie net vir hulle nie, maar sodat ons saam met Jesus kan groei in geloof, gehoorsaamheid en medelye. Mag ons geloof ons dryf om barmhartigheid bo gemak te kies. Amen Toepassing: Laat toe dat jou gemak deur barmhartigheid onderbreek word, al is dit moeilik. Die oorwinnende krag van Jesus is in jou. Hoeveel krag en gesag dra die Naam van Jesus? Kyk na die volgende Skrifgedeeltes en neem tyd om neer te skryf wat die Heilige Gees aan jou openbaar: Jesus is God en die Skepper van alles Johannes 1:1-3; Kolossense 1:15-18; Hebreërs 1:1-3 🔹 Jesus bevat die volheid van God Kolossense 1:19; 2:9-10 🔹 Jesus is van bo en bo almal Johannes 3:31,35 🔹 Jesus is ver bo elke gesag en mag Efesiërs 1:18-23 🔹 Jesus het die Naam bo elke naam Filippense 2:9-11