Əvəlik Bitkisinin Faydaları.Qədim Təbabətdən Gələn Müasir Şəfa! скачать в хорошем качестве

Əvəlik Bitkisinin Faydaları.Qədim Təbabətdən Gələn Müasir Şəfa!

Təbiətin insanlara bəxş etdiyi saysız-hesabsız şəfalı bitkilərdən biri də əvəlikdir. Azərbaycanın bir çox bölgəsində rast gəlinən bu bitkidən tərəvəz bitkisi kimi də geniş istifadə edilir.Ta qədimdən indiyədək əvəlikdən dərman vasitəsi kimi bir çox xəstəliklərin müalicəsində istifadə olunur. Hətta Böyük Vətən müharibəsi illərində yerli əhali əvəlik yarpaqlarını yığaraq çörək əvəzi istifadə ediblər. Əvəlikdən tibb aləmində də geniş məqsədlər üçün istifadə edilir. Əvəlik çox zaman ispanağa, quzuqulağına bənzədilir. Yarpaqları yeyilir, toxumlarından isə çay hazırlanır. Əvəlik növlərinin əksəriyyəti mal-qara üçün qüvvətli yem, gön-dəri sənayesi üçün aşı əhəmiyyətli, dərman xüsusiyyətli, boyaq təbiətli olmaqla yanaşı, həm də qiymətli qida və ədviyyat bitkisi sayılır. Əvəliyin təzə-tər yarpaqlarını yeyən hər kəs onun turşməzə tamını hiss edir. Lakin çiy yeyiləndə turş dadan əvəlik bişiriləndə yeməklərə ləzzətli tam verir. Yerüstü hissələrindən, cavan zoğ və yarpaqlarından müxtəlif növ vitaminli salat və xörəklər hazırlanır. Kulinariyada ondan şorba, ət və balıq xörəklərinin hazırlanmasında istifadə olunur. May-iyun aylarında əvəlik çiçəkləməmiş onu yığıb saç kimi hörür və qurudaraq qışa tədarük edirlər. əvəlik xalq təbabətində öskürək, plevrit, bronxit, bronxial astma, qaraciyər və öd kisəsi, dəri xəstəlikləri, anemiya, qıcıqlanmış bağırsaq sindromu, ürəkbulanma və mədədə qıcqırma zamanı, eləcə də qurdqovucu vasitə kimi geniş tətbiq olunur.Dəmləməsi isə kolit və qastritin müalicəsində istifadə edilir. Əvəlik bitkisinin tərkibindəki liflər həzm sisteminin düzgün işləməsinə kömək edir. Qəbizlik və digər həzm problemlərinin qarşısını alır. Həmçinin, mədə-bağırsaq traktını təmizləyərək bağırsaqların sağlamlığını qoruyur. Əvəlik bədənin təbii detoksifikasiya prosesinə kömək edir. Qaraciyəri və qanı təmizləyərək zərərli toksinlərin bədəndən çıxarılmasını təmin edir. Əvəlik C vitamini, dəmir, maqnezium, kalsium və kalium kimi mühüm vitamin və minerallarla zəngindir. Bu maddələr orqanizmin ümumi sağlamlığını dəstəkləyir və enerji səviyyəsini artırır. Əvəlik bitkisinin iltihab əleyhinə xüsusiyyətləri də vardır. Belə ki o oynaqların iltihabını azaldır, artrit və digər iltihablı xəstəliklərin simptomlarını yüngülləşdirir. Əvəlik bitkisi dəridə yaranan problemlərin, məsələn, sızanaqların və ekzemanın da müalicəsində istifadə oluna bilər. Onun iltihab əleyhinə və antiseptik xüsusiyyətləri dərinin təmizlənməsinə və sağalmasına kömək edir.Əvəlik dəmir baxımından zəngindir və qan azlığı (anemiya) kimi problemlərin müalicəsində faydalıdır. Dəmir çatışmazlığını aradan qaldıraraq qanın keyfiyyətini artırır. Əvəlik bitkisi ürək-damar sistemini dəstəkləyir, qan dövranını yaxşılaşdırır və ürək xəstəlikləri riskini azaldır. Əvəlik sidikqovucu xüsusiyyətlərə malikdir və bədənin artıq su və toksinlərdən təmizlənməsinə kömək edir. Böyrək daşlarının və sidik yolu infeksiyalarının qarşısını alır. Əvəlik, təbii antibiotik kimi çıxış edə bilər. Qankəsici və sidikqovucu xüsusiyyətlərə malikdir.Həmçinin sistit, uretrit kimi xəstəliklərdə yaxşı səmərə verir.Bundan əlavə iştahagətirici kimi də geniş tətbiq olunur. Keçmişdən bəri fərqli məqsədlər üçün istifadə edilən əvəlik otu müxtəlif dövrlərdə meydana gələn allergik problemlərin qarşısını alır. Sümük xəstəliklərinin müalicəsində istifadə edilən bitki revmatizm və qadın hormonlarını düzəltməkdə olduqca təsirlidir. Bundan əlavə bəzi qadın xəstəliklərinin müalicəsində çox təsirlidir. Əvəlik necə hazırlanır? Əvəliyin istifadəsi müxtəlif formalarda mümkündür. Çay şəklində hazırlamaq Əvəlik çayı hazırlamaq üçün: 1 xörək qaşığı qurudulmuş əvəlik yarpaqları götürülür; 1 stəkan qaynar suya əlavə edilir; 10-15 dəqiqə dəmlənir və süzülərək içilir. Bu çay həzm problemləri və qaraciyər üçün xüsusilə faydalıdır. Salatlarda istifadə Təzə əvəlik yarpaqları xırda doğranaraq salatlara əlavə edilə bilər. Onun turş dadı salatlara fərqli bir ləzzət qatır. Şorba və yeməklərdə Əvəlikdən hazırlanmış şorbalar orqanizm üçün çox faydalıdır və xüsusilə yaz aylarında istifadə olunur. Əvlikdən Kİmlər istifadə edə bilməz ? Podaqrası olanlar, böyrəklərində daş olanlar, mədə-bağırsağında yara olanlar ehtiyatlı olmalıdır. Əvəlik bədəndən artıq mayeni qovub çıxartdığı üçün, böyrəklərdən daşı tərpədə bilər. Eləcə də duz mübadiləsini poza bilər. Hamilələrə də qəti olmaz. Ənənəvi təbabətdə və mətbəximizdə geniş istifadə olunan əvəlik, sağlamlığa çoxsaylı faydalar təmin edir. Bununla yanaşı, hər hansı bir xəstəliyin müalicəsində istifadə etməzdən əvvəl mütəxəssis məsləhəti almaq vacibdir.