#ព្រះបន្ទូលនៃសេចក្ដីពិតសម្រាប់ថ្ងៃច័ន្ទទី៣១ скачать в хорошем качестве

#ព្រះបន្ទូលនៃសេចក្ដីពិតសម្រាប់ថ្ងៃច័ន្ទទី៣១

#ចំណងជើងវីដេអូ៖ «ពាក្យសម្ដីរបស់អ្នកដឹកនាំជីវិតរបស់អ្នក» Your Words Carry Life #រៀបរៀងឡើងដោយ Pastor Chris #ព្រះបន្ទូលនៃសេចក្ដីពិតសម្រាប់ថ្ងៃច័ន្ទ ទី៣១ ខែមីនា ឆ្នាំ២០២៥។ «ពាក្យសម្ដីរបស់អ្នកដឹកនាំជីវិតរបស់អ្នក» Your Words Carry Life #អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប» «នោះ​ព្រះ​ទ្រង់​មាន​ព្រះបន្ទូល​ថា ចូរ​ឲ្យ​មាន​ពន្លឺ​ឡើង ដូច្នេះ ពន្លឺ​ក៏​មាន​ឡើង។» (លោកុប្បត្តិ ១:៣)។ គ្រប់ពេលដែលអ្នកនិយាយ ជីវិតក៏កើតមានឡើងតាមពាក្យសម្ដីរបស់អ្នក។ ពាក្យសម្ដីរបស់អ្នកនឹងដឹកនាំជីវិតអ្នក។ នេះគឺជា​ហេតុផល​ដែល​អ្នក​មិន​គួរ​និយាយអំពីតែបញ្ហា​និង​ការ​លំបាក​ដែល​អ្នក​កំពុង​ប្រឈម​មុខ; សូមប្រកាសពីជ័យជំនះរបស់អ្នកវិញ។ សូមឲ្យមានតែពាក្យសម្ដីណា ដែលត្រឹមត្រូវនៅក្នុងមាត់របស់អ្នក។ សូមកុំនិយាយដោយផ្អែកលើតែ ឬតាមស្ថានភាពរបស់អ្នក; ផ្ទុយទៅវិញ សូមនិយាយតែពាក្យសម្ដីណាដែលស្របជាមួយនឹងព្រះវិញ (ហេព្រើរ ១៣:៦)។ ព្រះយេស៊ូវ​បាន​មាន​បន្ទូល​នៅ​ក្នុង ម៉ាកុស ១១:២៣ ថា​អ្នក​នឹង​មាន​អ្វីៗតាម​ដែល​អ្នកបាន​និយាយ។ គឺថា ជាព្រះអង្គឯងផ្ទាល់ ដែលបានផ្តល់ឱ្យយើងរាល់គ្នានូវសិទ្ធិ(អំណាច)នៃអាទិភាពនោះ។ ព្រះអង្គបានមានបន្ទូលអំពីការបង្កបង្កើត ដូចមាននៅក្នុងលោកុប្បត្តិជំពូកទី1។ នេះគឺបានបង្ហាញថា ពាក្យសម្ដីមិនត្រឹមតែមានថាមពល(ឬទ្ធិអំណាច)ប៉ុណ្ណោះទេ តែពាក្យសម្ដីក៏ជាអ្នកដឹកនាំជីវិតដែរ។ ឥឡូវ​នេះ អ្នក​អាច​យល់អី​ពី​អ្វី​ដែល​ព្រះអម្ចាស់យេស៊ូវ​បាន​មាន​បន្ទូល​នៅ​ក្នុង យ៉ូហាន ៦:៦៣ “... ឯ​ពាក្យ​ដែល​ខ្ញុំ​និយាយ​នឹង​អ្នក​រាល់​គ្នា នោះ​ត្រូវ​ខាង​វិញ្ញាណ​នឹង​ជីវិត​វិញ ។ សូម​ចាំ​ថា​ យើង​រស់នៅ​ក្នុង​លោកិយ៍​នេះ​ដូច​ជា​ទ្រង់​ដែរ (១យ៉ូហាន ៤:១៧); ដូច្នេះហើយ ក៏ដូចជាទ្រង់ដែរ ពាក្យសម្ដីដែលអ្នកនិយាយគឺជាវិញ្ញាណ និងជីវិត។ ហាលេលូយ៉ា! អ្វីគ្រប់យ៉ាងដែលមានរួចហើយ គឺត្រូវបានរៀបចំដោយព្រះ ដើម្បីឲ្យវាបានឆ្លើយតបទៅនឹងការនិយាយ(ព្រះបន្ទូល)។ ត្បិត គ្រប់យ៉ាងទាំងអស់ ត្រូវបានបង្កើតឡើងដោយពាក្យសម្ដី(ព្រះបន្ទូល)។ ជាឧទាហរណ៍ នៅក្នុងជនគណនា 20:8 ព្រះបានបង្គាប់ដល់ម៉ូសេ ឱ្យនិយាយទៅកាន់ផ្ទាំងថ្មថា “... ចូរនិយាយទៅកាន់ថ្មនៅចំពោះមុខពួកគេ នោះវានឹងបញ្ចេញទឹករបស់វា នោះអ្នកនឹងបញ្ចេញទឹកពីថ្មមកឱ្យពួកគេ ដូច្នេះ ចូរឲ្យក្រុមជំនុំ និងសត្វរបស់វាផឹក។” ព្រះ​បាន​ប្រាប់​ម៉ូសេ​ឲ្យ​និយាយទៅកាន់ផ្ទាំងថ្ម ព្រោះ​ថ្ម​នោះ​មាន​ជីវិត មាន​ប្រាជ្ញា និង​ការ​ចងចាំដែរ។ ប្រសិនបើ គ្រប់ការបង្កើតទាំងអស់ សុទ្ធតែត្រូវឲ្យសម្រេចឡើងដោយព្រះបន្ទូលនៃព្រះ នោះមានន័យថា មានកូដនៃសូរសំឡេងដែលបានបង្កប់នៅក្នុងគ្រប់ភាគល្អិត រូបធាតុ ឬវត្ថុផ្សេងៗ។ ដូច្នេះ ពួកវាទាំងអស់ នឹងអាចឆ្លើយតបទៅនឹងកូដនៃសូរសំឡេងដែលយើងបញ្ចេញមកតាមរយៈការនិយាយរបស់យើង។ ដូច្នេះ សូមប្រើកូដនៃសូរសំឡេងដែលត្រឹមត្រូវ—គឺថានិយាយបែបត្រឹមត្រូវ—ដើម្បីបង្កើតឡើងវិញ នូវជីវិតដែលអ្នកចង់បាន។ សូមបំផ្លាស់ប្រែជីវិតរបស់អ្នក ពីសិរីល្អទៅជាសិរីរុងរឿងមួយទៀត ដោយតាមរយៈពាក្យសម្ដីរបស់អ្នកចុះ។ ហាលេលូយ៉ា! #សេចក្ដីអធិស្ឋាន ជីវិតរបស់ខ្ញុំគឺសម្រាប់តែសិរីល្អរបស់ព្រះប៉ុណ្ណោះ! ប្រាជ្ញា​នៃព្រះ នឹងត្រូវបានឮតាមរយៈសម្ដីរបស់ខ្ញុំ និងប្រព្រឹត្តរបស់ខ្ញុំ។ ព្រះ​បន្ទូល​នៃ​ព្រះ​ ដែលមាននៅក្នុងជីវិតរបស់ខ្ញុំ នឹងដឹកនាំខ្ញុំឲ្យមានតែ​ជ័យ​ជម្នះ​ ហើយ​ក៏ធ្វើ​ឲ្យ​ខ្ញុំខិតទៅរកភាព​ជោគជ័យ និង​ភាព​ចម្រុង​ចម្រើនបាន។ ខ្ញុំ​ដើរដោយមានសុខភាពល្អ ហើយ​នឹងរស់នៅដោយ​សន្តិភាព និង​សុវត្ថិភាពជានិច្ច ខ្ញុំសូមអធិស្ឋាននៅក្នុង​ព្រះនាម​ព្រះយេស៊ូវ។ អាម៉ែន #ការសិក្សាបន្ថែម៖ ហេព្រើរ 4:12 ហេព្រើរ ១៣:៥-៦ ម៉ាកុស ១១:២៣