🟢33వ సామాన్య ఆదివారము-16 నవంబరు 2025 скачать в хорошем качестве

🟢33వ సామాన్య ఆదివారము-16 నవంబరు 2025

మొదటి పఠనము: మలాకీ గ్రంథము 4: 1-2 భక్తి కీర్తన: కీర్తనల 98:6-6, 7-8, 9 రెండవ పఠనము: 2 తెస్సలోనిక 3:7-12 సువిశేష పఠనము: లూకా సువార్త: 21:5-19 మొదటి పఠనము నా రక్షణము సూర్యుని వలే ఉదయించి, భానుకిరణము ఫాసకరణము వలె మీకు ఆరోగ్యము కొనివచ్చును. మలాకీ గ్రంథము : 4: 1-2 1. సైన్యములకధిపతియైన ప్రభువు ఇట్లను చున్నాడు: “ఏలయన నియమింపబడిన దినము వచ్చుచున్నది. కొలిమివలె మండుదినము రాబోవుచున్నది. ఆ రోజు గర్వాత్ములు, దుష్టులు గడ్డివలె కాలిపోవుదురు.వారిలో వేరు అయినను, చిగురు అయినను లేకుండా పోవును. 2. కాని నాయెడల భయభక్తులుజూపు మీపై నీతిసూర్యుడు ఉదయించును. అతని రెక్కలు నీకు ఆరోగ్యము కలుగజేయును. మీరు శాలలనుండి బయటకువచ్చి బీళ్ళకుపోవు లేగలవలె గంతులు వేయుదురు. పాఠకుడు: ఇది ప్రభువు వాక్కు ప్రత్యుత్తర గీతం కీర్తన 98:6-6, 7-8, 9 అందరు: ప్రభువు న్యాయముగ లోకములోని పొతులకు తీర్పు తీర్చును. కీర్తనలతో ప్రభువును వినుతింపుడు. సితార వాద్యములతో సంగీతము విన్పింపుడు. బూరలను, కొమ్ములను ఊది. మన రాజైన ప్రభువుకు జేకొట్టుడు. అందరు: ప్రభువు న్యాయముగ లోకములోని పొతులకు తీర్పు తీర్చును. సముద్రము, దానిలోని జీవులు, హోరుమని గర్జించును గాక! లోకము, దానిలోని జీవులు కేరింతలిడును గాక! నదులు చప్పట్లు కొట్టును గాక! పర్వతములు ఏకమై సంతోష నాదము చేయును గాక ! అందరు: ప్రభువు న్యాయముగ లోకములోని పొతులకు తీర్పు తీర్చును. ప్రభువు లోకమునకు తీర్పు తీర్చుటకు వేంచేయును. ఆతడు న్యాయముగ. నిష్పక్షపాతముగ లోకములోని జాతులకు తీర్పు తీర్చును. అందరు: ప్రభువు న్యాయముగ లోకములోని పొతులకు తీర్పు తీర్చును. అందరు: ప్రభువు న్యాయముగ లోకములోని పొతులకు తీర్పు తీర్చును. రెండవ పఠనము పనిచేయనివారు భోజనమునకు అనర్హుడు. పునీత పౌలు తెస్సలోనిక ప్రజలకు వ్రాసిన రెండవ లేఖ : 3:7-12 సహోదరులారా! మమ్ము ఎట్లు అనుసరింప వలెనో మీకు తెలియును గదా! మేము మీతో ఉన్నప్పుడు సోమరులుగ ప్రవర్తింప లేదుగదా! మేము ఎవని వద్దను ఉచితముగ ఆహారమును పుచ్చుకొనలేదు. మేము కృషి చేసితిమి, శ్రమించితిమి. 'మీలో ఏ ఒక్కరికిని బరువు కాకుండటకై రేయింబవళ్లు పనిచేసితిమి. మేము ఇట్లు చేసినది మీ నుండి సాయమును పొందు హక్కు లేకకాదు. మీకు ఆదర్శప్రాయముగ ఉండుటకే. “పని చేయనివాడు భోజనమునకు అనర్హుడు" అని మీతో ఉన్నప్పుడు మిమ్ము ఆదేశించితిమిగదా! మీలో కొందరు సోమరిపోతులుగా ఉన్నారని, వారికి ఇతరుల వ్యవహారములలో తలదూర్చుట తప్ప వేరు పని లేదని, మేము వినియుండుటచే ఇట్లు చెప్పుచున్నాము. క్రమబద్ధమైన జీవితమును గడపవలెనని జీవనోపాధికై కష్టపడి పని చేయవలెనని యేసుక్రీస్తు ప్రభువు నామమున అట్టి వారిని మేము శాసించుచు హెచ్చరించు చున్నాము. పాఠకుడు: ఇది ప్రభువు వాక్కు అల్లెలూయా వచనము : లూకా 21:28 అల్లెలూయా! అల్లెలూయా! ధైర్యముతో తలయెత్తి చూడుడు. ఏలయన, మీ రక్షణ కాలము ఆసన్నమైనది. అల్లెలూయా! సువిశేష పఠనము మీ సహసము వలన మీరు మీ ప్రాణములను దక్కించుకొందురు. పునీత లూకా వ్రాసిన సువార్త: 21:5-19 5. కొందరు ప్రజలు ఆలయమును గురించి ప్రస్తావించుచు “చక్కని రాళ్ళతోను, దేవునికి అర్పింపబడిన వస్తువులతోను ఎంత అందముగా శోభిల్లు చున్నదో చూడుడు” అని చెప్పుకొనుచుండిరి. 6. అంతట యేసు వారితో “ఈ కట్టడమును మీరు చూచు చున్నారుగదా! ఇచ్చట రాతి పైరాయి నిలువని కాలము వచ్చును. అంతయు నాశనము చేయబడును” అనెను. 7. అప్పుడు వారు “బోధకుడా! ఇవన్నియు ఎప్పుడు సంభవించును? దానికి సూచనయేమి?" అని అడిగిరి. 8. అందుకు, ఆయన “మిమ్ము ఎవ్వరును మోసగింపకుండునట్లు మెలకువగా ఉండుడు. మోసపోకుడు. అనేకులు నాపేరిట వచ్చి నేనే ఆయనను అనియు, కాలము సమీపించినది అనియు చెప్పెదరు. కాని మీరు వారివెంట వెళ్ళవలదు. 9. యుద్ధములను, విప్లవములనుగూర్చి వినినపుడు మీరు భయపడవలదు. మొదట ఇవి అన్నియు జరిగి తీరును. కాని, అంతలోనే అంతమురాదు” అనెను. 10. ఇంకను ఆయన వారితో ఇట్లనెను: “ఒక జాతి మరియొక జాతిపై, ఒక రాజ్యము మరియొక రాజ్యముపై దాడి చేయును. 11. భయంకర భూకంపములు, పలుచోట్ల కరువులు, తెగుళ్ళు వ్యాపించును. ఆకాశమున భయంకరమైన దృశ్యములు, గొప్ప సూచనలు కనిపించును. 12. ఇవి అన్నియు సంభవింపక పూర్వము వారు మిమ్ము పట్టి, ప్రార్థనామందిరములకును, చెరసాలలకును అప్పగించి, హింసింతురు. నా నామము నిమిత్తము రాజులయొద్దకు, అధిపతులయొద్దకు మిమ్ములను తీసికొనిపోవుదురు. 13. ఇది మీరు సాక్షులుగ ఉండవలసిన సమయము. 14. మీరు అచట చెప్పవలసినదానిని గూర్చి కలవరపడకుడు. 15. విరోధి మీకు ఎదురాడుటకును, మిమ్ములను ఖండించుటకును వీలుకాని వాక్కును, వివేకమును ప్రసాదింతును. 16. తల్లిదండ్రులు, సోదరులు, బంధువులు, మిత్రులుకూడ మిమ్మును పట్టిఇచ్చెదరు. మీలో కొంతమందిని చంపించెదరు. 17. నా నామము నిమిత్తము మిమ్ములను అందరు ద్వేషింతురు. 18. కాని మీ తలవెంట్రుకకూడ రాలిపోదు. 19. మీ సహనమువలన మీరు మీ ప్రాణములను దక్కించు కొందురు.