87 миллиард теңгеге салынған «Керуен Сарайдың» қабырғалары қирап жатыр скачать в хорошем качестве

87 миллиард теңгеге салынған «Керуен Сарайдың» қабырғалары қирап жатыр

Қолдануға берілгеніне екі ай өтсе де Түркістандағы Керуен Сарай кешіне қатысты дау басылар емес. Қираған тұстар жетерлік. Бұны құрылысшылар да мойындап отыр. Көзбен көргенді жұмысшылар да жайып салды. Естеріңізде болса, осыдан бір күн бұрын әлеуметтік желіде осындай жазбалар мен суреттер желдей ескен еді. Орта Азияда теңдесі жоқ деген кешеннің күйін жұрт жатып талқыға салып жатыр. Бақандай 87 млрд теңгеге салынған сәулетті құрылыс қалайша сапасыз шыққан? Аты дардай қазақ-түрік жобасының қирауға айналғаны рас па? Бұның жауабы келесі сюжетте. Керуен сарайдың кешегі кереметінен гөрі, бүгінгі көрінісі әлеуметтік желіні жарды. Кешенге келушілердің көбі құрылыстың қирауына қатысты ақпаратты естіген. Тіпті, кейбірі жан-жағын бақылап та жүр. НҰРЛЫБЕК МЫРЗАҒАЛИЕВ, саяхаттаушы: – Не есть хорошо и неприятно что такая картина. А помимо этого я вот заметил что очень много трещин на стенах и два месяца назад открылся и уже такие как бы замечание, не красиво, не приятно. МАҚСАТ АБДУЛЛА, Саяхаттаушы: – Көзқарасы өзгереді ғой адамның шашылып жатса ше, бұзылып. Көрдім иә жалпы. Кешеннің кейбір тұсында құрылыс әлі жалғасып жатыр. Жұмысшылардың біразы өзбекстандық азаматтар екен. РУХУЛЛА НИШАН, құрылысшы: – Екі ай болды келгенімізге. Гипсокартон істей иатыппыз. Оу, кумбаз шығарып иатырмыз. Құрылысты негізі түріктің атақты миллиардері Феттах Таминдже иелік ететін Сембол констракшн компаниясына қарасты Turkistan Silk Way Harbor серіктестігі жүргізген. Жалпы сомасы 87 млрд теңгелік жоба қаржысының тең жартысына жуығы Қазақстанның Даму банкінен алынған. Ал кейбір ақпарат көздерінде Қаржы министрлігіне қарасты арнайы қордың қаражаты жұмсалған деген мәлімет бар. Демек, айналымда жүрген қазынадан алынбады дегені болмаса, бәрібір Қазақстанның қаржысы. Ал миллиардтарға салынған кешеннен кемшілік кетуі түсініксіз жағдай. Осындай көзге бірден түсетін кетіктерді жұмысшылардың өздері де жасыра алмады. ӘБДІЖАППАР НҰРБЕКОВ, құрылысшы: – Енді пока мынандай майда-шүйде тірліктер, құлаған, сынғандар. Мынадай ремонттар істеп жатырмыз. Бар ғой енді шамалы, сынады, құлайды, қыста істелінген жұмыстар ғой. ДИЯР ЕСКЕНДІРОВ, құрылыс компаниясының өкілі: – Сынған жерлері бар, сондай жерлерді ремонттау керек. Қиратқан жерлер, желден болған жерлер и жауын-шашыннан болған жерлер бар. Құрылысшылардың айтуынша, бұндай жұмыстар әлі 2 айға созылуы мүмкін. Қабырғаның сетінеген тұстарын жамап үлгерген. Оны әр жерден байқауға болады. Ал өзіндік декорацияда әрленген сыртындағы қаптаманың іші қуыс сияқты дыбыс береді. Бұған жауаптыларды табу қиынға соқты. Әкімдік жеке инвесторға сілтеп, ат тонын ала қашты. Сосын инвесторлар кешен әкімшілігіне сілтеді, ал олардың әрең берген жауабы өте қысқа. АБАЙ ҚАРАҚҰЛОВ, Керуен сарай кешенінің өкілі: – Бізде бір баги барып соққан, электро кар, соның әсерінен құлаған. Ол декоративті материал болып табылады. Ол бүкіл әлемде қолданылады. Керуен сарай туралы облыс әкімі Өмірзақ Шөкеев те күні кеше ғана өткен брифингте хайп деп қысқа қайырған болатын. Өңір басшысы бұл бүйректен сирақ шығарып, оны жұртқа жария қылатын мәселе емес деген. Есесіне, құрылысшылар ашығын ақтарып берді. Ал кешеннің қирап жатқанына қарамастан бағасы аспандап тұр. Орындарды жалға беру құны тіптен қымбат. ДАМИР БЕРКІМБЕК, сатушы: – Кішкентай мороженное сататын 2-3 метр квадрат жерлер 1,5 мың доллар. Олар кішкентай ғой. Ал бұл жерлерді білмеймін енді нақты. Бұндай қымбатшылық тауар бағасына әсер етпей қоймайды. Қайықта серуендеу құны адам басына 3500 теңге. Ал қара судың өзі қасқалдақтың қанындай дейді жұрт. САЛТАНАТ ХАМИТОВА, саяхаттаушы: – Удай, 500-600 теңге. Оны қалай аласың? Қымбат, өте қымбат. Қазіргі мынадай уақытта. Өзімнің зарплатам 42500 Қостанайда. Қалай мен бұл жерге кеп тамақ ішемін? Өте қымбат тамағы. Өзге қалалардан келген қонақтар мұндағы баға мегаполистерден де қымбат деп отыр. Ал оны реттемесе, кешенге келушілер саны азаяды деген болжам айтуда. Мақсат Жақсыбайұлы, Абай Қожагелдиев Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #КеруенСарай #Түркістан #туризм