San Marcos 10, 1-12. Viernes 24 de mayo 2024. скачать в хорошем качестве

San Marcos 10, 1-12. Viernes 24 de mayo 2024.

Viernes 24 re li po mayo 2024. San Marcos 10, 1-12 Li Jesus kixaqliik ut koho sa'atqeb' li na'ajej chi xsutam Judea ut toj junpak'al li nima' Jordán. Ke'ch'utlaak wi' chik li tenamit rik'in, ut kixtikib' ajwi' xtzolb'aleb', jo' k'aynaq xb'aanunkil. Wankeb' aj Pariseey ke'nach'ok rik'in ut ke'xpatz' re, yal re xyalb'al rix: --Ma truuq naq li winq tixkanab' li rixaqil? chankeb' re. Li Jesus kixsumeheb': --K'aru kexxchaq'rab'i wi' laj Moisés? chan. Eb' a'an ke'xye: --Laj Moisés kixye naq naru taatz'iib'aaq xhuhil li jachok ib' ut taakanab'aaq li ixq. A'ut li Jesus kixye reheb': --Xb'aan xkawil eejolom kixtz'iib'a leechaq'rab'inkil a'in. Ab'an chalen chaq sa' xtiklajik li ruuchich'och' "teelom ut ixq naq ke'yoob'tesiik xb'aan li Yos". Jo'kan naq li winq tixkanab' li xna' xyuwa', ut junajaqeb' aj chik chi tz'ejwalej te'kanaaq chi xkab'ichaleb'. Chi jo'kan eb' a'an moko wiib'eb' ta chik, junajeb' aj b'an chik chi tz'ejwalej. Jo'kan utan, li xlaq'ab'ahom li Yos, maajun chik taajachoq re. Sa' kab'l eb' li xtzolom ke'xpatz' wi' chik re li Jesus chirix li aatin a'in. Ut a'an kixye reheb': --Ani tixkanab' li rixaqil ut taasumlaaq rik'in jalan chik, tixmux li xsumlajik; ut wi li ixq tixkanab' li xb'eelom ut taasumlaaq rik'in jalan chik, tixmux ajwi' li xsumlajik. Raatin li Qaawa'.