ગામે-ગામ ફરીને પાળિયા શોધતા વિષ્ણુસિંહ ચાવડા કેમ 'છોટે મેઘાણી' કહેવાય છે ? |Ramesh Tanna |Navi Savar скачать в хорошем качестве

ગામે-ગામ ફરીને પાળિયા શોધતા વિષ્ણુસિંહ ચાવડા કેમ 'છોટે મેઘાણી' કહેવાય છે ? |Ramesh Tanna |Navi Savar

ઉત્તર ગુજરાતમાં છોટે મેઘાણી તરીકે ઓળખાતા શ્રી વિષ્ણુસિંહ ચાવડા 10 વર્ષથી સંશોધન કરે છે. અત્યારે તેઓ ગુજરાત સાહિત્ય અકાદમીના નેજા હેઠળ ઉત્તર ગુજરાતના પાળિયાઓ વિશે સંશોધન કરી રહ્યા છે. તેમણે 400 વાવ અને બીજી સંખ્યાબંધ હેરિટેજ સાઈટ શોધી છે, એક્ટિવા પર 1,00,000 કીમીની સફર કરી છે. તેમની આ બધી વાતો હેરત પમાડે તેવી છે. 40 વર્ષની વય છે. ખેડૂત હોવા ઉપરાંત મરચાંનો નાનકડો વેપાર કરે છે. પરિવારમાં પત્ની અને બે સંતાનો છે. પેથાપુરમાં રહે છે. ઈતિહાસ વિષય સાથે બી.એ. કર્યું. ગાંધીનગરના મધ્યસ્થ પુસ્તકાલયમાં એક દિવસ ઝવેરચંદ મેઘાણીનું કીર્તિદા પુસ્તક સૌરાષ્ટ્રની રસધાર તેમના હાથમાં આવ્યું. ખૂબ જ રસથી વાંચ્યું. તેમને વિચાર આવ્યો કે અમારા ઉત્તર ગુજરાતની પણ આવી ઘણી કથાઓ છે. તેમણે વાવો, સંખ્યાબંધ મંદિરો, વિશેષ કરીને શિવમંદિરો વિશે અજાણી વાતો ઉજાગર કરી છે. ત્રણ વર્ષ સંશોધન કરીને પેથાપુરનો ભવ્ય ભૂતકાળ એ નામનું દળદાર અને સુંદર પુસ્તક લખ્યું છે. કોઈ સમર્થ ઈતિહાસકાર કરે તેવું આ કામ છે. તેમનું બીજું પુસ્તક પણ નોંધપાત્ર છેઃ વાત્રકની રસધાર. એમાં લોકકથાઓ છે. પોતાના ગાંઠના આશરે દસેક લાખ રૂપિયા એક દાયકામાં સંશોધન પાછળ તેમણે વાપર્યા હશે. તમે ઈન્સ્ટાગ્રામ અને ફેસબુક પર hartafarta.vishnusinh પર તેમનું સંશોધન જોઈ શકો છો. તેમનો સંપર્ક નંબર 9824312741 છે. Video Shoot & Edited by Kashyap Parmar લેખકનો પરિચય: રમેશ તન્ના પત્રકાર, સંપાદક, લેખક, વક્તા અને સમાજસેવક છે. પહેલી ડિસેમ્બર, 1966ના રોજ ઉત્તર ગુજરાતમાં પાટણ જિલ્લાના સમી તાલુકાના અમરાપુર ગામમાં તેમનો જન્મ. માતા પ્રભાબહેન પાસેથી માતૃભાષા તથા સંવેદના, પિતા પ્રભુરામ પાસેથી ઉદારતા તથા સરળતા અને ગામ અમરાપુર પાસેથી સામાજિક દાયિત્વનો વારસો તેમણે ઝીલ્યો. બી.કૉમ થયા પછી તેમણે પત્રકારત્વ વિષયમાં પણ સ્નાતકની ઉપાધિ મેળવી. એ પછી મહાત્મા ગાંધી સ્થાપિત ગૂજરાત વિદ્યાપીઠમાંથી તેઓ પત્રકારત્વ વિષયમાં પારંગત (માસ્ટર) થયા. અહીં જ તેમણે બે વર્ષ પત્રકારત્વ વિભાગમાં પૂર્ણ સમયના વ્યાખ્યાતા તરીકે ફરજ બજાવી. સ્વતંત્ર રહીને સમાજ ઉપયોગી લેખન કરવાના પ્રયોજન સાથે તેમણે નોકરી છોડી. વિવિધ અખબારોમાં મુક્ત રીતે લખતા રહ્યા. થોડાં વર્ષો જીવનસાથી અનિતા જતકર સાથે 'અમદાવાદ ટુડે' સાપ્તાહિક અને 'સંગોષ્ઠિ ફીચર્સ એજન્સી'નું સંચાલન કર્યું. 1999થી 2013 સુધી, ચૌદ વર્ષ તેમણે અમેરિકાથી પ્રકાશિત થતા સાપ્તાહિક 'ગુજરાત ટાઇમ્સ'માં મનવાસ ભોગવ્યો. અહીં તેમણે પત્રકાર, પૂર્તિ-સંપાદક અને નિવાસી તંત્રી તરીકે ફરજ બજાવી. આદર્શ અને સત્ત્વશીલ સામયિકનું સર્જન કરવામાં તેઓ સફળ રહ્યા. સને 2013થી તેઓ મુક્ત રીતે લેખન કરે છે. ગુજરાતી ભાષામાં તેઓ પૉઝિટિવ પત્રકારત્વના પ્રણેતા ગણાય છે. તેઓ 1990થી સમાજોપયોગી, વિકાસલક્ષી અને વિધેયાત્મક લેખન કરી રહ્યા છે. સોશિયલ મીડિયામાં તેમણે 2013થી પૉઝિટિવ પત્રકારત્વનો પ્રારંભ કર્યો જેને વાચકો તરફથી સુંદર પ્રતિસાદ મળ્યો. તેમનાં પૉઝિટિવ શ્રેણીનાં પુસ્તકો સમાજમાં હકારાત્મકતા પ્રસારી રહ્યાં છે. તેની 55,000 પ્રતનું વેચાણ થયું છે. Facebook: / ramesh.tanna.5 © All rights reserved with RAA Positive Media Private Limited 2025