"ካብ ኣፍሪካ መሪሕ በዓል ክብረ ወሰን ጅግና!" скачать в хорошем качестве

"ካብ ኣፍሪካ መሪሕ በዓል ክብረ ወሰን ጅግና!"

ፀላኢ ኣብ መዝገብ #ይፈለጋል ኣስፊርዎ እዩ። ሽሙ ካብ ጫፍ ክሳብ ጫፍ ዝተፈለጠ እዩ። ኣብ ትግራይሞ ይትረፍ ኣብ ኣፍሪካ ብደረጃ ውልቀ ሰብ 34 ታንክታት ዘቃፀለ ጅግና የለን። ተኵሱ ካብ ዝስሕት ኩላሳ እንጀራ ናብ ኣፍ ክስሕት ይቐሎ ዝበሃለሉ ተኣምረኛ እዩ። ቃልሲ መኸተ ምስተጀመረ ንፈለማ እዋን ታንኪ ዘቃፀለ ንሱ እዩ። ተጋድሎ "ሀ" ኢሉ እንትጅምር ክልተ ታንኪ ብምቅፃል ኢዱ ኣፍታሕቲሑ። ብድሕሪኡ መን ክሕዞ፤ ታንክታት፣ ዙታት፣ ሎቤዳትን ካልኦት ከቀድቲ ኣፅዋርን ፀላኢ በብዝኸደሉ ናብ ሓሙኽሽቲ ቀየረን። ጀነራላት ትግራይ ብኩርዓት ብሽሙ ክሳብ ዝምሕሉ ኣሐጎሶም። ወታደራዊ ጥበቡ ኣብ ባዕሉ ጥራሕ ክተርፍ ስለዘይደለየ ኣነ እንትሓልፍ ተካእተይ ክኾኑ ኢሉ ካልኦት ብፆቱ 'ውን ኣምሀረ፤ ኣየሕፈርዎን ክሳብ 16 ታንክታት ዘቃፅሉ ጀጋኑ ወፅሉ። ብፍላይ ኣብ ከባብታት ገረብ ኣገው፣ ዳንሳ፣ ዓዲ ጉደም፣ ገረብ ሽለላን ካልኦት ከባብታትን ፍቐዶ ፀግዒ ተቓፂለን ንርኤን ዝነበርና ታንክታትን ዓበይቲ ተሽከርከርትን በትሪ እዚ ጅግና ዝዘበጠን እየን። እዚ - ልበወለድ ወይ ፊልሚ ኣይኮነን፤ ሓቀኛ ታሪኽ ጅግና ተጋዳላይ ግርማይ ኣብራሃ(ግርማይ ድሮን) እዩ። ከምዚ 'ውን ኣሎ ዘብል ዛንታ ተኣንገዱታ።