СҚО-да су тасқыны дронмен бақылана бастады скачать в хорошем качестве

СҚО-да су тасқыны дронмен бақылана бастады

Арнаға тіркел / Подпишись на канал:    / @thesevennews   Солтүстік Қазақстан облысында көктемгі су тасқыны дронның көмегімен бақылана бастады. Өңірде инновациялық жоба іске асырылып жатыр. Қашықтан басқарылатын аппараттар қауіпті деген сегіз аймаққа орнатылды. Енді олар кез келген уақытта судың бағыты мен өзендегі мұз кептелісін анықтап, құтқарушыларға жедел әрі нақты ақпарат беріп отырады. Еліміздің солтүстігінде су тасқынын бақылау үшін дрон қолданыла бастады. Ұшқышсыз басқарылатын құрылғы шамамен 7 шақырымға дейін ұзап, әуеде 50 минуттан астам уақыт қалықтай алады. Осылайша, құтқарушылар оның көмегімен барлау жұмыстарын жүргізіп, нақты уақыт режимінде айналаға бейнемониторинг жүргізеді. АРМАН ЫСҚАҚОВ, КОМПАНИЯ ҚЫЗМЕТКЕРІ: Бұл заманауи техника жағдайды әуеден бақылайды. Үш арнайы камерасы бар. Яғни кез келген ауа райында жұмыс істей алады. Осының арқасында қауіпті деген аймақтардан онлайн режимде нақты ақпарат алуға мүмкіндік бар. Айта кету керек, аталған инновациялық жоба «Біртұтас дрон инфроқұрылымы» деп аталады. Ол өңірде Президент тапсырмасымен іске асты. Заманауи аппараттар облыс бойынша сегіз аумаққа орнатылды. Ал одан алынған барлық хабарлама дереу арнайы орталыққа жолданады. КИРИЛЛ ИВАННИКОВ, ТЖД БАСҚАРМА БАСТЫҒЫ: Құрылғының техникалық мүмкіндігі зор. Қашықтан басқарыла береді. Яғни оператор аудандағы дронды облыстың кез келген жерінен іске қосып, айналаны бақылай алады. Егер елді мекенде қандай да бір төтенше жағдай тіркелсе, біз жедел түрде шешім қабылдаймыз. Өңірде тасқынға қарсы жұмыстар қыза түсті. Қазір салынған бөгеттер нығайтылып жатыр. Бар шаруа осы аптаның соңында аяқталуға тиіс. МАРАТ ТАСМАҒАНБЕТОВ, ОБЛЫС ӘКІМІНІҢ БІРІНІШІ ОРЫНБАСАРЫ: Арнайы кешенді бағдарлама қабылданған еді. Осының аясында биіктігі 7 метрден асатын 29 шақырымдық бөгетті салуға демеушілер 6,5 миллиард теңге аударды. Жоба мемлекеттік сараптамадан өтті. Сергеев қоймасында ернеуінен асқан судың биіктігі 1 метрге жуықтаған. Жақын күндері Есіл тағы көтеріледі. Себебі өзен көрші Ақмола облысынан келген сумен толығады деген болжам бар. Ал Уәлиханов ауданында мұз электр бағандарды құлатқан. Салдарынан Қаратал мен Береке ауылының тұрғындары кешеден бері жарықсыз отыр. Қалпына келтіру жұмыстары жалғасуда. Жалпы өңірде 116 ауыл құтқарушылардың жіті бақылауында. --------------------------------------------- Официальный сайт «Седьмого канала» https://tv7.kz/ru/ Instagram:   / tv7_kz   TikTok:   / tv7_kz   Facebook:   / tv7kz   Telegram: https://t.me/tv7_kaz #Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал