HPV ဗိုင်းရပ်စ် အန္တရာယ်ဆိုတာ ဘာလဲ ။ скачать в хорошем качестве

HPV ဗိုင်းရပ်စ် အန္တရာယ်ဆိုတာ ဘာလဲ ။

HPV ( Human Papillomavirus ) ဗိုင်းရပ်စ် ဆိုတာ သားအိမ်ခေါင်းကင်ဆာ နဲ့ ကြွက်နို့တွေကြောင့် ဖြစ်စေတဲ့ ဗိုင်းရပ်စ်ပိုးတစ်မျိုးဖြစ်ပြီး လူတစ်ယောက်ကနေ အခြားတစ်ယောက်ဆီကို ကူးစက်တတ်တဲ့ ရောဂါပိုးတစ်မျိုးဖြစ်ပါတယ်။ HPV ဟာ အဖြစ်များလွန်းတာကြောင့် အမျိုးသမီး၊အမျိုးသား အားလုံးနီးပါးမှာ အန္တရာယ်ရှိနိုင်ပါတယ်။ ရောဂါရှိသူဆီမှာ ဘာလက္ခဏာမှ မပြသေးဘဲ အခြားတစ်ယောက်ဆီကို ကူးစက်နိုင်ပါတယ်။ လိင်အင်္ဂါကြွက်နို့ရှိသူတစ်ယောက်နဲ့ လိင်ဆက်ဆံမိရင် ကူးစက်လာနိုင်ပြီး လိင်ဆက်ဆံရာက ကူးစက်တတ်တဲ့ ပြဿနာတစ်ခုဖြစ်ပါတယ်။ အမျိုးသားတွေမှာ HPV ကူးစက်ခံရရင် ဘယ်လိုလက္ခဏာတွေပြသလဲဆိုရင် အချို့အမျိုးသားတွေမှာ ရောဂါကူးစက်ခံထားရရင်တောင် လက္ခဏာ မပြတာမျိုးတွေ လည်းရှိပါတယ်။ ရောဂါလက္ခဏာပြတဲ့ သူတွေမှာကတော့ လိင်အင်္ဂါမှာ အဖြူရောင် အကွက်တွေ ဖြစ်တတ်ပါတယ်။ ပန်းဂေါ်ဖီလိုမျိုး ကြွက်နို့တွေ အစုလိုက် ပေါက်နေတဲ့အပြင် ကင်ဆာရောဂါဖြစ်စေနိုင်တဲ့ HPV ဗိုင်းရပ် စ်ကူးစက်ခံရရင် စအိုကနေ သွေးထွက်တာ၊ နာကျင်တာ၊ ပြည်တည်တာ၊ အထိမခံနိုင်အောင်နာတာတွေအပြင် စအိုတဝိုက် ပြန်ရည်ကျိတ်တွေ ရောင်ရမ်းတာ အူမကြီး လှုပ်ရှားမှု ပြောင်းလဲတာ လိင်အင်္ဂါ ပုံမှန်မဟုတ်ဘဲ ကြီးနေတာ လည်ချောင်းနဲ့နားတွေ နာကျင်တာ ချောင်းခဏခဏ ဆိုးတာ အစားအစာ မျိုချရခက်တာ အသက်ရှူရခက်တာ ကိုယ်အလေးချိန်ကျလာတာ အသံအက် အသံနာတာနဲ့ ဂုတ်မှာ အကျိတ်လို အဖုတွေထွက်တာတွေ ခံစားရနိုင်သလို အမျိုးသမီးတွေ မှာတော့ သားအိမ်ခေါင်း ကင်ဆာ၊ မိန်းမ ကိုယ်လမ်းကြောင်းကင်ဆာ၊ မိန်းမကိုယ်နှုတ်ခမ်းသား ကင်ဆာ ၊ လည်ချောင်းကင်ဆာ၊ လျှာကင်ဆာ ၊ စအိုကင်ဆာတို့ ဖြစ်စေနိုင်ပါတယ်။ HPV ဗိုင်းရပ်စ် ကူးစက်မှုကို ထိထိရောက်ရောက် ကာကွယ်ပေးနိုင်တဲ့ နည်းလမ်း တစ်ခုကတော့ သားအိမ်ခေါင်းကင်ဆာ ကာကွယ်ဆေး(HPV VACCINE) ထိုးလို့ရပါတယ်။ မိန်းကလေးတွေလိုပဲ ယောင်္ကျားလေးတွေ အနေနဲ့လည်း အသက် ၁၁ နှစ် ၁၂ နှစ် အရွယ်မှာ ကာကွယ်ဆေးထိုးနှံထားသင့်ပါတယ်။ ယောင်္ကျားလေးတွေအနေနဲ့ အစောဆုံး အသက် ၉ နှစ်ကနေ ကာကွယ်ဆေးထိုးဖို့လိုပါတယ်။ ကာကွယ်ဆေး က ၂ ကြိမ် ထိုးရတာဖြစ်ပြီး ၁၃ နှစ် မတိုင်ခင် နှစ်ကြိမ်စလုံးပြီးအောင် ထိုးနှံဖို့လိုပါတယ်။ လိင်ဆက်ဆံရာကနေ ရင်သွေးငယ်တွေကိုပါ ကူးစက်နိုင်တာကြောင့် HPV ဗိုင်းရပ်စ် အန္တရာယ်ကနေ ကာကွယ်ဖို့ တတ်ကျွမ်းသော ဆရာဝန်များနဲ့ တိုင်ပင်ဆွေးနွေးပြီး ကာကွယ်ဆေးထိုးဖို့ တိုက်တွန်းပါရစေ။