2024.02.06 租車自練 — 斜8練習 (富運街) скачать в хорошем качестве

2024.02.06 租車自練 — 斜8練習 (富運街)

早幾日還車嗰陣同阿sir講晏晝打電話去counter問2030打後full曬無得book先唯有book一個鐘 阿sir話下次可以直接嚟土瓜灣walk-in 因為CS嗰邊係用電腦睇有冇位 佢呢邊就即時嘅 有車就可以俾我租嚟練 今日我臨放工前打去問多次 佢話仲有4部棍波可以租 不過我已經係第4個打上嚟問啦 租車都係先到先得 於是我拿拿臨執嘢放工走人 點知去到又中伏 阿sir話聽日好多人考試 我唔係聽日考試就未必俾到車我 嗰下真係心諗: am I a joke to you? 🤡 喺嗰度呆等咗10分鐘(?) 唔知係咪佢覺得其他人打完電話問完之後唔嚟定係點樣啦 (或者終於俾我嘅誠意打動到？😂) 終於肯俾架車我練🤣 同另一個新觀駕師兄一齊揸去樂富練習斜路8字 去嘅時候有個燈口跟甩咗 然後個腦顧住諗之後點樣行 無發現原來已經轉咗燈 好彩隔離線個司機好nice咁開窗提我「行得啦～」同佢講完唔該之後仲叫我加油😆 不過下一秒開車之際已經俾後車呠🤪 去到富運街有另一個司機落車走過嚟提我哋袋口位見到綠燈駛出去袋口位等 迎面無車就應該要出 仲加多句：「阿sir無教你哋㗎咩？」笑死 同行師兄仲要答佢：「無呀 阿sir教我哋去常樂街練咋嘛」🙃 自從上2星期喺樂富練斜8多次跌車炒欄之後完全失去信心🥲 同埋可能之前喺駕院練開 條路無其他人/車同我爭路 去到街練好唔習慣 琴晚常樂街已經多次受驚 今晚富運街也是十分墟冚 搞唔掂 又瘋狂跌車了😮‍💨 有一下撞壆擦唔知係咪太大力擦到腳踏 腳踭損咗甩皮爆血🥶 要多謝師兄多次幫手執車同埋俾咗膠布我😭 （感激師兄每次喺我跌車後都當我係女咁幫手做心理輔導 佢話之前見到我練斜8嘅片打得仲好過佢 只係我唔夠信心🥲) 整親之後個腳踭有少少痛 仲要本身揸車已經唔夠腳 要踮腳尖 表示心&腳both很累 我諗如果得我自己一個去樂富練習 我應該會半途而廢返去還車算🫠 不過無理由拋棄小伙伴自己走先 就喺樂富再練多陣啦 覺得自己對斜8依然仲係有個恐懼感😫😩 回程就我帶頭返天光道 爭啲跟錯另一架學車 因為佢有個燈口打右燈轉右 好彩記得返去路程差唔多全部直路無跟佢行😛 返到去天光道見仲有時間淨 於是入咗考試中心 因為想練下出考試中心嗰下 然後就直接返去還車了 還車匙嗰下阿sir仲troll我跌咗個牌🤣🤣🤣 (因為琴晚我唔見咗學牌問佢有無執到 最後佢幫我喺門口睇車底揾咗一陣😂) P.S. 嚟緊幾日又好凍 再加腳傷 好似即將又有藉口唔練車🫣 #motorcycle #26學神 #haojue #df150 #斜路8字 #斜8 #富運街