ನನ್ನ ಹಣತೆ | ಡಾ ಜಿ ಎಸ್ ಶಿವರುದ್ರಪ್ಪನವರ ಕವಿತೆ | ಟಾಪರ್ ಐ.ಎ.ಎಸ್. | Poem by Dr. G. S. Shivarudrappa скачать в хорошем качестве

ನನ್ನ ಹಣತೆ | ಡಾ ಜಿ ಎಸ್ ಶಿವರುದ್ರಪ್ಪನವರ ಕವಿತೆ | ಟಾಪರ್ ಐ.ಎ.ಎಸ್. | Poem by Dr. G. S. Shivarudrappa

🙏 ರಾಷ್ಟ್ರಕವಿ ಡಾ. ಜಿ. ಎಸ್. ಶಿವರುದ್ರಪ್ಪನವರ “ನನ್ನ ಹಣತೆ” ಕವಿತೆಯ ಸಂಗೀತಾನುಭವ ಈ ವೀಡಿಯೋದಲ್ಲಿ, ಡಾ. ಜಿ. ಎಸ್. ಶಿವರುದ್ರಪ್ಪನವರ ಪ್ರಸಿದ್ಧ ಕವಿತೆ “ನನ್ನ ಹಣತೆ” ಯಲ್ಲಿ ಪ್ರತಿಬಿಂಬಿತವಾದ ಭಾವನೆಗಳನ್ನು ಅದ್ಭುತ ಸಂಗೀತದೊಂದಿಗೆ ಆಸ್ವಾದಿಸಿ. ಕವಿತೆಯ ನಾಜೂಕು ಭಾವಗಳು ಮತ್ತು ತಾತ್ತ್ವಿಕ ಅಂಶಗಳು, ಸಂಗೀತದ ಮೂಲಕ ಮತ್ತಷ್ಟು ಜೀವಂತವಾಗುತ್ತವೆ. ✨ **ವಿಶೇಷತೆಗಳು**: ✔ “ನನ್ನ ಹಣತೆ” ಕವಿತೆಯ ಭಾವಪೂರ್ಣ ಸಂಗೀತ ರೂಪಾಂತರ ✔ ರಾಷ್ಟ್ರಕವಿಯ ಭಾವನೆಗಳಿಗೆ ನ್ಯಾಯ ನೀಡುವ ಶ್ರಾವಣೀಯ ಅನುಭವ ✔ ಕನ್ನಡ ಸಾಹಿತ್ಯ ಮತ್ತು ಸಂಗೀತದ ಪರಿಷ್ಕೃತ ಸಂಗಮ 🎧 ನೀವು ಭಾವಪೂರ್ಣ ಕವನಗಳು, ಶ್ರಾವಣೀಯ ಅನುಭವಗಳು ಮತ್ತು ಸಾಂಸ್ಕೃತಿಕ ಅಭಿಮಾನಿ ಎಂದಾದರೆ, ಈ ಸಂಗೀತವೀಡಿಯೋ ನಿಮಗಾಗಿ ============ ಹಣತೆ ಹಚ್ಚುತ್ತೇನೆ ನಾನೂ. ಈ ಕತ್ತಲನ್ನು ಗೆದ್ದು ನಿಲ್ಲುತ್ತೇನೆಂಬ ಜಿದ್ದಿನಿಂದಲ್ಲ; ಲೆಕ್ಕವೇ ಇರದ ದೀಪಾವಳಿಯ ಹಡಗುಗಳೇ ಇದರಲ್ಲಿ ಮುಳುಗಿ ಕರಗಿರುವಾಗ ನಾನು ಹಚ್ಚುವ ಹಣತೆ ಶಾಶ್ವತವೆಂಬ ಭ್ರಾಂತಿ ನನಗಿಲ್ಲ. ಹಣತೆ ಹಚ್ಚುತ್ತೇನೆ ನಾನೂ; ಈ ಕತ್ತಲಿನಿಂದ ಬೆಳಕಿನ ಕಡೆಗೆ ನಡೆದೇನೆಂಬ ಆಸೆಯಿಂದಲ್ಲ. ಕತ್ತಲಿನಿಂದ ಕತ್ತಲಿಗೇ ತಡಕಾಡಿಕೊಂಡು ಬಂದಿದೆ ಹೆಜ್ಜೆ ಶತಮಾನದಿಂದಲೂ. ನಡು ನಡುವೆ ಒಂದಷ್ಟು ಬೆಳಕು ಬೇಕೆಂದು ಆಗಾಗ ಕಡ್ಡಿ ಗೀಚಿದ್ದೇವೆ, ದೀಪ ಮೂಡಿಸಿದ್ದೇವೆ, ವೇದ, ಶಾಸ್ತ್ರ, ಪುರಾಣ, ಇತಿಹಾಸ, ಕಾವ್ಯ, ವಿಜ್ಞಾನಗಳ ಮತಾಪು - ಪಟಾಕಿ - ಸುರುಸುರುಬತ್ತಿ - ಹೂಬಾಣ ಸುಟ್ಟಿದ್ದೇವೆ. 'ತಮಸೋಮಾ ಜ್ಯೋತಿರ್ಗಮಯಾ' ಎನ್ನುತ್ತಾ ಬರೀ ಬೂದಿಯನ್ನೇ ಕೊನೆಗೆ ಕಂಡಿದ್ದೇವೆ. ನನಗೂ ಗೊತ್ತು, ಈ ಕತ್ತಲೆಗೆ ಕೊನೆಯಿರದ ಬಾಯಾರಿಕೆ. ಎಷ್ಟೊಂದು ಬೆಳಕನ್ನು ಇದು ಉಟ್ಟರೂ , ತೊಟ್ಟರೂ ತಿಂದರೂ, ಕುಡಿದರೂ ಇದಕ್ಕೆ ಇನ್ನೂ ಬೇಕು ಇನ್ನೂ ಬೇಕು ಎನ್ನುವ ಬಯಕೆ. ಆದರೂ ಹಣತೆ ಹಚ್ಚುತ್ತೇನೆ ನಾನು; ಕತ್ತಲೆಯನ್ನು ದಾಟುತ್ತೇನೆಂಬ ಭ್ರಮೆಯಿಂದಲ್ಲ, ಇರುವಷ್ಟು ಹೊತ್ತು ನಿನ್ನ ಮುಖ ನಾನು, ನನ್ನ ಮುಖ ನೀನು ನೋಡಬಹುದೆಂಬ ಒಂದೇ ಒಂದು ಆಸೆಯಿಂದ; ಹಣತೆ ಆರಿದ ಮೇಲೆ, ನೀನು ಯಾರೋ, ಮತ್ತೆ ನಾನು ಯಾರೋ. ಜಿ ಎಸ್ ಶಿವರುದ್ರಪ್ಪ ('ಗೋಡೆ' ಕವನ ಸಂಕಲನದಿಂದ) ================================ 📚 *Topper IAS* – UPSC, KPSC, ನ್ಯಾಯಾಂಗ ಮತ್ತು ಇತರ ಸ್ಪರ್ಧಾತ್ಮಕ ಪರೀಕ್ಷೆಗಳಿಗಾಗಿ ಮಾರ್ಗದರ್ಶನ ನೀಡುವ ಪ್ರತಿಷ್ಠಿತ ತರಬೇತಿ ಸಂಸ್ಥೆ ✔ ತಜ್ಞರ ಮಾರ್ಗದರ್ಶನ ✔ ಆಲೋಚನಾತ್ಮಕ ಸ್ಪಷ್ಟತೆ ✔ ಸಮರ್ಪಿತ ತಯಾರಿ 🌐 Website: [www.topperias.com](http://www.topperias.com) 📱 Whatsapp: +91 6363 219 044 ---