211 Coffee and Tea скачать в хорошем качестве

211 Coffee and Tea

May isang café sa Samson Road, Caloocan na hindi lang basta lugar para mag coffee break, ito’y tahanan ng kwento, pagmamahal, at arts. Ito ang 211 Coffee & Tea, isang modern minimalist café na nagbukas ng pinto noong 2023. Dalawang taon na ang nakalilipas mula nang magsimula ang 211 Cafe. Ang isa sa mga may-ari ay artist na siyang nagbigay ng unique vibe sa kapihan sa pamamagitan ng mga painting at sculptures na naka-display sa shop na maaari ring bilhin. Kaya naman, bawat pagpasok mo sa 211 ay parang pagbisita sa isang maliit na art gallery na may kasamang aroma ng kape at tsaa. Ang pangalang 211 Coffee & Tea ay may kwentong malapit sa kanilang puso. Galing ito sa February 11 (2/11), ang anibersaryo ng mag-partner na nagpatayo ng café. Isang petsang madaling tandaan at puno ng kahulugan. Ang “Coffee & Tea” ay sumasalamin naman sa kanilang personalidad: isa’y mahilig sa kape, ang isa nama’y sa tsaa. Hindi rin basta-basta ang kanilang menu. Gumagamit sila ng specialty coffee mula sa single-origin beans tulad ng Brazil Santos, Brazil Cerrado, at Vietnam Lam Dong. Ang kanilang mga tea ay ini-import mula sa China, habang ang matcha ay galing pa sa Kagoshima, Japan. Ang mga pastry naman ay gawa ng isang home-based baker. Ngunit ang pinaka pinagmamalaki ng 211 Coffee & Tea ay ang kanilang team. Karamihan sa kanilang staff ay working students, at isa sa kanilang barista ang matagumpay nang nakapagtapos ng pag-aaral. Para sa mga may-ari, ang 211 Coffee & Tea ay higit pa sa isang café. Ito ay larawan ng kanilang buhay, kanilang sining, at kanilang pagmamahal.