Long Kee Food Haus скачать в хорошем качестве

Long Kee Food Haus

Sa 6th Avenue corner P. Sevilla Street, Grace Park West, Caloocan City, matatagpuan ang isang kainan na tahimik man sa labas, ay puno naman ng kuwento at tradisyon sa loob. Ito ang Long Kee Food Haus, isang first-generation, family-owned restaurant na nagbukas noong August 10, 2010, dala ang paniniwalang hinango sa isang tradisyunal na kasabihang Tsino: ang negosyong may heart at consistency ay patuloy na uunlad. Ang Long Kee ay hindi lamang isang simpleng Chinese restaurant, ang recipe ng mga menu nito ay minana pa sa isang authentic Chinese cuisine cook. Mula noon hanggang ngayon, nananatili ang kanilang pangako: panatilihin ang original flavors at ipagpatuloy ang mga lutuing swak sa bulsa at panlasa. Nang dumating ang pandemya, hindi huminto ang Long Kee, nag-adapt ito. Habang tumataas ang demand para sa comfort food at takeout meals, pinalawak nila ang menu sa pamamagitan ng iba’t ibang dimsum offerings, na mabilis namang tinangkilik at naging crowd favorites. Sa kasalukuyan, ang kanilang mga bestseller ang patunay ng tiwala ng mga loyal customers. Sa noodle dishes, patok ang miki bihon, chami, at lomi, mainit, malasa, at swak sa kahit anong oras. Para sa chicken lovers, hindi puwedeng palampasin ang buttered chicken. Samantala, patuloy na binabalik-balikan ang spicy ribs at sweet and sour pork para sa pork dishes. Kung seafood naman ang hanap, best seller ang oyster cake at calamares. At para sa dimsum fans, binabalik-balikan ang beancurd roll at siomai. Ayon kay Ms. Nita Kabayao, Manager ng Long Kee Food Haus, ang sikreto ng kanilang tagal ay simple lang: “Consistency at puso sa pagluluto.” Isang prinsipyo na ramdam sa bawat putaheng kanilang inihahain. Sa loob ng higit isang dekada, ang Long Kee Food Haus ay nananatiling tahanan ng comfort food at tradisyon—isang patunay na kapag ang negosyo ay may malasakit at pagmamahal, patuloy itong babalik-balikan.