GAANO KABAGSIK SI ALYAS MARWAN? скачать в хорошем качестве

GAANO KABAGSIK SI ALYAS MARWAN?

Noong unang bahagi ng 2015, January 24 alas dyis nang gabi puspusan ang paghahanda ng humigit-kumulang 390 SAF commandos sa isang lihim na operasyon. Layon nitong dakipin o todasin ang dalawang kilala at most wanted na terorista: si Zulkifli bin Hir alyas Marwan, isang Malaysian at dalubhasang bomb-maker na miyembro ng Jemaah Islamiyah, at ang kasama niyang Filipino na si Abdul Basit Usman na isa ring eksperto sa paggawa ng mga bomba. Matagal nang wanted si Marwan at itinuturing na most wanted ng FBI dahil sa pagsusupply niya ng mga bomba sa iba’t ibang grupo ng mga terorista sa buong mundo at sa pagtuturo kung paano gumawa ng bomba, sunod-sunod na pambobomba sa Mindanao. pati ang balak niyang pagpapabomba sa pagbisita ng dating Santo Papa sa Pilipinas na sa kabutihang-palad ay naantala. Sa katunayan, ilang ulit nang tinangkang tugisin ng awtoridad sina Marwan bago ang 2015 na umabot pa sa siyam na operasyon mula 2010 hanggang 2014 subalit wala ni isa sa mga operasyon na ito ang nagtagumpay. Dahil dito, naging determinado ang Special Action Force (SAF) ng Philippine National Police (PNP) lalo na ang mga opisiyal na ito na isakatuparan ang lihim at ikasampung operasyon bilang panghuling hakbang para tuluyang ma-neutralize si Marwan, isang misyong habambuhay na maaalala ng mga Pilipino. Isang misyon na pinamagatang: OPLAN EXODUS. Si Zulkifli bin Hir, na mas kilala sa alyas na Marwan, ay isinilang noong 1966 sa Muar, Johor, Malaysia. Ayon sa FBI, siya ay may taas na 5’6, at ang timbang ay nasa 120 pounds o 54kg, at marunong magsalita ng Malay, Tagalog, Ingles, at Arabic. Lumaki siya sa isang malaking pamilya (may 12 kapatid) at nag-aral sa isang boarding school sa Malaysia. Sa eskwelahan pa lamang noong 1979–1983, napansin na ng mga kamag-aral niya ang kanyang pagkahilig sa radikal na ideolohiya at itinuturing na siyang sympathizer noon ng jihad o banal na digmaan. Matapos ang sekundaryang pag-aaral, nagpunta si Marwan sa Estados Unidos upang kumuha ng engineering. Umunlad ang kanyang kaalaman doon, ngunit pagbalik ay bigla niyang iniwan ang kanyang pamilya – kabilang ang asawa at tatlo niyang anak – upang sumapi sa mga kilusang terorismo. Naging malaking palaisipan din ito sa kanyang ina na nag-alaala ngunit walang nagawa sa biglaan niyang paglisan. Sa pagtatapos ng dekada '80, tuluyang nabaon sa radikalisasyon si Marwan. Ang lugar na pinagtataguan ng mga target ay sa bayan ng Mamasapano, Maguindanao, sa isang liblib na komunidad na hawak ng mga armadong grupo. Naroon ang puwersa ng Moro Islamic Liberation Front (MILF) – isang rebeldeng grupo na noon ay may umiiral na ceasefire at kasunduang pangkapayapaan sa gobyerno. Sa partikular, ang 105th Base Command ng MILF ang nakakasakop sa naturang lugar. Bukod dito, aktibo rin sa paligid ang Bangsamoro Islamic Freedom Fighters (BIFF) – isang breakaway faction ng MILF na tumututol sa peace process. Kilala ang BIFF sa pamumuno ni Ameril Umbra Kato at wala itong kasunduan sa gobyerno, kaya't inaasahang lalaban ito sa sinumang pumasok sa teritoryo nila. True Crime Tagalog | Tagalog Crime Stories