నవరసములు - రస సిద్ధాంతం | Rasa Siddhanta & Nava Rasa Theory Explained | Rajan PTSK скачать в хорошем качестве

నవరసములు - రస సిద్ధాంతం | Rasa Siddhanta & Nava Rasa Theory Explained | Rajan PTSK

అజగవ సాహితీ ఛానల్‌కు స్వాగతం. ఈరోజు మనం మన భారతీయ నాటకాలకు, సాహిత్యానికి ఆత్మవంటి రస సిద్ధాంతం కోసం మాట్లాడుకుందాం. నిజానికి రసానంద స్థితిని మనం మాటల్లో వర్ణించలేం. అది ఎవరికి వారు మాత్రమే అనుభవించగలిగే ఆనంద స్థితి. అయితే అటువంటి రసానందాన్ని ప్రేక్షకులు పొందేలా చేయడానికి కవులు ఏ ఏ అంశాలతో నాటకాలను రచించాలి. వాటిని నటులు ఎలా ప్రదర్శించాలి, అసలు రసం ఎలా పుడుతుంది? మొదలైన విషయాల గురించి భరతముని వ్రాసినటువంటి నాట్యశాస్త్రం ప్రామాణిక గ్రంథమైతే.. దాని ఆధారంగా వచ్చినటువంటి ఉత్తమస్థాయి లక్షణ గ్రంథాలు మరెన్నో ఉన్నాయి. వాటిలో కావ్యమీమాంశ, దశరూపకం, భావప్రకాశం, కావ్యాలంకారం, ధ్వన్యాలోకం, కావ్యాదర్శః, సాహిత్యదర్పణం, ప్రతాపరుద్రీయం మొదలైనవాటిని పరిశీలించగలిగితే ఈ రససిద్ధాంతం యొక్క ఆత్మ అర్థం అవుతుంది. ఇటువంటి రస సిద్ధాంతం గురించి మంచి అవగాహన కలిగితే ఈనాటి దర్శకులు, కవులు, రచయితలు ఇప్పటి కాలాన్ని తగ్గట్టుగా ఆ రససిద్ధాంతాన్ని అన్వయించుకుంటూ, తమ రచనల్లో కావలసినటువంటి మార్పులు చేర్పులు చేసుకుంటూ తమదైన ఒక సొంత ముద్రను తెలుగు సాహిత్యంపై, చలనచిత్రాలపై వేయగలుగుతారు. ఈ లక్షణగ్రంథాలకు సంబంధించిన మంచి మంచి తెలుగు అనువాదాలు కూడా చాలానే ఉన్నాయి. కావలసిందల్లా కాస్తంత ఓపిక, శ్రద్ధ. ఎంతో గొప్పదైన ఈ రస సిద్ధాంతంపై కనీస అవగాహనైనా రావాలంటే ఎంతో కొంత పరిశ్రమ చేయకతప్పదు. అయితే లక్షణ గ్రంథాలను చదువుతున్నప్పుడు స్థాయిభావాలు, అనుభావాలు, సాత్త్వికభావాలు, వ్యభిచారి భావాలు మొదలైన పదాలు ప్రతీచోటా తగులుతూనే ఉంటాయి. వాటి గురించి స్పష్టమైన అవగాహన ఉంటేనే కానీ, మనం రససిద్ధాంత లోతుల్లోకి వెళ్లలేం. ఆ యా భావాలకు ఆ గ్రంథాల్లో నిర్వచనాలు ఉంటాయి కానీ, వాటిని అర్థం చేసుకోవడం కాస్త కష్టంగా ఉన్నట్లు ఉంటుంది. అందుకే ఆ ప్రాథమికమైన విషయాలు మీకు సులభంగా అర్థం అయ్యేలా చెప్పడానికి ప్రయత్నిస్తాను. ఏదో ఒక గ్రంథం నుండి అని కాకుండా నేను చదివిన లక్షణ గ్రంథాల సారం ఆధారంగా, తేలికైన మాటలతో, ఉదాహరణలతో చాలా ప్రాథమికమైన విషయాలను ఈ వీడియో ద్వారా మీకు అందిస్తాను. ఆపై రస సిద్ధాంతపు లోతుల్లోకి మీ అంతట మీరే వెళ్ళవచ్చు. ఇక విషయంలోకి ప్రవేశిద్దాం.