17. Plazhi i Potamit dhe Himares скачать в хорошем качестве

17. Plazhi i Potamit dhe Himares

17. Plazhi i Potamit dhe Himarës Himara është qendra e rivierës shqiptare ndërsa Potami ndodhet në perferinë jugore të qytetit, një lagje perfekte për pushime dhe qetësi. Peshkimi me grep nga bregu në plazhet e Himarës dhe Potamit është produktiv sidomos në agim dhe në perëndim kur peshku i afrohet vijës së rërës për t’u ushqyer. Valë të qeta, rërë e imët dhe thellim i shpejtë i ujit krijojnë kushte të mira për levrek, kerr, skumbrë e specie të tjera tipike të bregdetit jugor shqiptar. Peshkimi nga bregu praktikohet shpesh në formë “surf casting”, me plumba relativisht të rëndë dhe karrem natyral ose silikonik, për të arritur zonat më të thella ku sillet levreku. Mjafton një grep, një shkop i mesëm–i gjatë dhe pak durim që të kthehesh nga një pasdite pushimi në plazh me darkën e siguruar vetë. Pranë brigjeve mund të peshkoni qefull,kerr, barrakudë apo levrek. Peshkimi mund të bëhet në pjesën jugore të Potamit afër shkëmbinjve gjatë gjithë ditës por edhe tek shkëmbinjtë në pjesën veriore të bregut të Potamit aty ku lidhet me Himarën. Ndërsa peshkimi me grep ndalohet përgjatë plazheve në sezon ai mund të kryhet në këtë periudhë në pjesën veriore të bregut të Himarës deri në afërsi të shkëmbinjve. Por çlodhja dhe zbavitja nuk kufizohen vetëm me peshkim nëse do të qëndroni pak orë më gjatë në Himarë. Një ndër vendet historike që duhet vizituar është Kalaja e Himarës ku ndodhen edhe shumë bujtina ndërsa ekziston, të paktën që nga mesi i shekullit të IV para Krishtit dhe kontrollonte rrugën nëpër bregdet nga Oriku për në Buthroto. Kalaja e Himarës shënohet si kështjellë me muret rrethues midis 500- 1000 m gjatësi. Në shekullin VIII ajo ishte qendra e Peshkopatës së Himarës. Ansambli arkitektonik i Kalasë së Himarës është shpallur monument kulture. Në disa pjesë të saj janë ruajtur mure rrethues të periudhës Helenistike. Brenda mureve të kalasë ndodhen disa kisha. Kisha e Episkopisë konsiderohet nga monumentet më të rëndësishme dhe gjendet brenda mureve të kalasë. Sipas një versioni është e ndërtuar mbi themelet e një tempulli kushtuar Apollonit. Kryeengjëlli Mihail, apo Mihaili është një nga kishat më të vjetra brenda mureve, e vendosur në veri të kalasë. Kisha e Shen Mërisë në pjesën lindore të kalasë dhe jashtë mureve është e shekullit të 18. Ikonën e Virgjereshës që konsiderohet çudibërëse e kanë sjellë himarjotët nga Kassopi i Korfuzit ku funksionon kishë me të njëjtin emër. Në hyrje të kalasë është ndërtuar Kisha e Gjithëshenjtorëve. Funksionoi për herë të parë në 1775, e ndërtuar me bekimin e Patër Kosmait të Etolisë. Ndërkaq në qytet, tavernat buzë detit shërbejnë peshk të freskët lokal, shpesh të kapur nga peshkatarët e zonës, me recetat karakteristike si byreku me peshk dhe tavat me vaj ulliri dhe erëza të egra. Kjo lidhje mes peshkimit të qetë sportiv, trashëgimisë historike dhe kulinarisë së thjeshtë por plot shije e bën Himarën dhe Potamin destinacion ideal për një ditë peshkimi çlodhëse.