ရုရှားရေနံကို ဆက်မဝယ်တော့ဘူးဆိုတာ အမေရိကန်ကို အိန္ဒိယ ကတိပေး | People's Spring скачать в хорошем качестве

ရုရှားရေနံကို ဆက်မဝယ်တော့ဘူးဆိုတာ အမေရိကန်ကို အိန္ဒိယ ကတိပေး | People's Spring

ရုရှားရေနံကို ဆက်မဝယ်တော့ဘူးဆိုတာ အမေရိကန်ကို အိန္ဒိယ ကတိပေး ရုရှားရေနံကို ဝယ်ယူခွင့် ရပ်ဆိုင်းမယ်လို့ ကတိပေးခဲ့တဲ့အတွက် အိန္ဒိယအပေါ် အခွန်စည်းကြပ်မှုတွေ လျှော့ချပေးသွားမယ်လို့ အမေရိကန် သမ္မတ ဒေါ်နယ်လ်ထရမ့်က ပြောကြားခဲ့ပါတယ်။ သူနဲ့ အိန္ဒိယ ဝန်ကြီးချုပ် နာယန်ဒရာ မိုဒီတို့ဟာ ဖုန်းဆက် ဆွေးနွေးမှုတစ်ခု အပြီးမှာတော့ နှစ်နိုင်ငံ ကုန်သွယ်ရေး ကိစ္စ သဘောတူညီမှုတွေ ရရှိခဲ့တယ်လို့ ထရမ့်က ဖေဖော်ဝါရီ ၂ ရက်နေ့မှာ လူမှုကွန်ရက်ပေါ် ရေးသားထားခဲ့ပါတယ်။ ထရမ့်က သူ့ရဲ့ အကောင်းဆုံး မိတ်ဆွေတစ်ဦးဖြစ်တဲ့ မိုဒီနဲ့ ကုန်သွယ်ရေးဆိုင်ရာ သဘောတူညီမှုတွေ ရရှိခဲ့လို့ ဝမ်းမြောက်မိတယ်လို့လည်း ဆိုပါတယ်။ အသေးစိတ် အချက်အလက်တွေကို မကြေညာပေမယ့် မိုဒီက အိန္ဒိယ အနေနဲ့ ရုရှားရေနံကို အလုံးအရင်း ဝယ်ယူနေမှုကို ရပ်တန့်မယ်လို့ ကတိပေးခဲ့ကြောင်း သိရပါတယ်။ ရုရှားဆီက ရေနံမဝယ်ဖို့ အိန္ဒိယကို အမေရိကန် အစိုးရက လပေါင်းများစွာ ဖိအားပေးနေခဲ့ပြီး အစောပိုင်းမှာတော့ အိန္ဒိယက နိုင်ငံရဲ့ အကျိုးစီးပွားအတွက် အကိုက်ညီဆုံးဖြစ်မယ့် ရွေးချယ်မှုမျိုးကို ကိုယ်တိုင် ဆုံးဖြတ်မယ်လို့ တုံ့ပြန်ထားခဲ့ပါတယ်။ အိန္ဒိယဟာ ရုရှားဆီက ရေနံစိမ်း ဝယ်ယူတင်သွင်းမှု ဒုတိယ အများဆုံး နိုင်ငံအဖြစ် ရပ်တည်ခဲ့ပါတယ်။ အိန္ဒိယက ရုရှားရေနံ ဝယ်ယူမှုကို ရပ်ဆိုင်းလိုက်ခြင်းဟာ ယူကရိန်းစစ်ပွဲ ရပ်တန့်ရေး အားထုတ် ကြိုးပမ်းမှုတွေကိုလည်း အထောက်အပံ့ ဖြစ်စေလိမ့်မယ်လို့ ထရမ့်က သူထူထောင်ထားတဲ့ လူမှုကွန်ရက် မီဒီယာ Truthမှာ ရေးသားထားခဲ့ပါတယ်။ ပြီးတော့ ရုရှားရေနံကို ဝယ်ယူနေတဲ့အပေါ် ဒဏ်ခတ်တဲ့ အနေနဲ့ အိန္ဒိယရဲ့ သွင်းကုန်တွေအပေါ် အပိုဆောင်း အခွန် ၂၅ ရာခိုင်နှုန်း သတ်မှတ်ပေးထားမှုကို ထရမ့်က ပယ်ဖျက်ပေးခဲ့ပါတယ်။ ဒါ့အပြင် အိန္ဒိယ သွင်းကုန်တွေအပေါ် မူလ အခွန် ၂၅ ရာခိုင်နှုန်း သတ်မှတ်ထားမှုကိုလည်း ၁၈ ရာခိုင်နှုန်းဆီ လျှော့ချပေးခဲ့ပါတယ်။ တစ်နည်းအားဖြင့် အိန္ဒိယဟာ သွင်းကုန်တွေရဲ့ တန်ဖိုး ၅၀ ရာခိုင်နှုန်း အခွန်စည်းကြပ် ခံထားရတဲ့ အခြေအနေကနေ ၁၈ ရာခိုင်နှုန်းထိ လျှော့ပေါ့ပေးခြင်း ခံခဲ့ရတာ ဖြစ်ပါတယ်။ မိုဒီက အမေရိကန်ဆီက သွင်းကုန်အခွန် လျှော့ချပေးမယ့် ကိစ္စနဲ့ ပတ်သက်ပြီး တကယ့်ကို အံ့ဩပျော်ရွှင်စရာ သတင်းကောင်း ဖြစ်တယ်လို့ လူမှုကွန်ရက် မီဒီယာ Xမှာ ရေးသားထားပေမယ့် နိုင်ငံရဲ့ ရေနံဝယ်ယူရေး မူဝါဒနဲ့ ပတ်သက်လို့တော့ ဘာမှတ်ချက်မှ ပေးမထားခဲ့ပါဘူး။ အိန္ဒိယဟာ ပြည်တွင်းမှာ ဝယ်လိုအား အရမ်းမြင့်မားတဲ့ အခြေအနေကြောင့် ရေနံပမာဏ အမြောက်အမြားကို ပြည်ပကနေ တင်သွင်း မှာယူနေရပါတယ်။ အထူးသဖြင့် စျေးသက်သက်သာသာနဲ့ ရောင်းချပေးနေတဲ့ ရုရှားရေနံကို ပြီးခဲ့တဲ့ နှစ်ပိုင်းတွေအတွင်း အိန္ဒိယက အလုံးအရင်း ဝယ်ယူ တင်သွင်းခဲ့ပါတယ်။ ထရမ့်ကတော့ အိန္ဒိယဟာ မကြာခင် အမေရိကန်က ထိန်းချုပ်သွားမယ့် ဗင်နီဇွဲလား ရေနံလုပ်ငန်းတွေဆီကနေ ရေနံတွေ ပိုမို ဝယ်ယူလာနိုင်တယ်လို့ အရိပ်အမြွက် ပြောထားဖူးပါတယ်။ ဗင်နီဇွဲလားဟာ ကမ္ဘာပေါ်မှာ ရေနံသိုက်တွေ အများဆုံး ပိုင်ဆိုင်ထားတဲ့ နိုင်ငံလည်းဖြစ်ပါတယ်။ ထရမ့်နဲ့ မိုဒီကြား အခုလို သဘောတူညီမှု ရရှိသွားတယ်ဆိုတဲ့ ကိစ္စအပေါ် ရုရှားဆီက တုံ့ပြန်မှု တစ်ခုခု ထွက်ပေါ်မလာသေးပါဘူး။ ဒီဇင်ဘာလတုန်းက ရုရှား သမ္မတ ဗလာဒီမာ ပူတင်ဟာ အိန္ဒိယမှာ မိုဒီကို သွားရောက် တွေ့ဆုံပြီး အိန္ဒိယဆီ ရုရှားရေနံတွေ အဆီးအတားမရှိ ချောချောမွေ့မွေ့ ဆက်လက် ပို့ဆောင်နိုင်ရေး သူ့ဖက်က အစွမ်းကုန် ကြိုးစားပေးမယ်လို့ ကတိပေးခဲ့ပါတယ်။ အဲဒီတုန်းကတော့ အိန္ဒိယနဲ့ ရုရှား ဆက်ဆံရေးဟာ ဘယ်လို ပြင်ပ ဖိအားကိုမဆို ကြံ့ကြံ့ခံ ဖြတ်သန်းနိုင်ကြောင်း မိုဒီရော၊ ပူတင်ကပါ ပြောကြားခဲ့ကြပါတယ်။ ကိုးကား: Guardian 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA