निसर्गप्रेमींना मेजवानी | केशवराज मंदिर скачать в хорошем качестве

निसर्गप्रेमींना मेजवानी | केशवराज मंदिर

परशुराम भूमी हे महाराष्ट्रातील दापोली जवळील एक सुंदर बांधलेले ध्यान केंद्र आहे जे भगवान परशुरामांना समर्पित आहे आणि ते जनतेसाठी खुले आहे, म्हणून ते एक अतिशय लोकप्रिय पर्यटन स्थळ आहे. त्याच्या आत एक मोठा घुमट आहे ज्यामध्ये ध्यान करण्याचे ठिकाण आहे. कड्यावरचा गणपती हे डोंगरमाथ्यावर असलेले गणपतीचे मंदिर आहे आणि त्याचे नावही कड्यावरचा गणपती आहे. टेकडीवर चढणे थोडे कठीण असले तरी, तीव्र वळणे घेऊन जाताना समुद्र आणि नदीचे निसर्गरम्य सौंदर्य एक विलक्षण अनुभव देते. येथील गणेशमूर्ती उजव्या सोंडेची आहे. केशवराज मंदिर दापोलीहून साधारणपणे ७ कि.मी.वर आसूद गाव आहे. या गावाला निसर्गाने अगदी भरभरून सौंदर्य दिलेले आहे. दापोली-हर्णे मार्गावरून जाताना ६ कि.मी.वर आसूद बाग ठिकाण लागते. तेथून उजवीकडे १५ ते २० मिनिटे चालत गेल्यावर अत्यंत सुंदर असे केशवराज ( विष्णूचे ) मंदिर आहे. तेथे जाताना सुरुवातीला छोटा नदीचा पूल आहे. हा पूल पूर्वी लाकडी होता; आता सिमेंटचा बांधण्यात आला आहे. मात्र श्री.ना.पेंडसे यांच्या ‘गारंबीचा बापू’ या कादंबरीतून हा पूल अजरामर झालेला आहे. तो ओलांडला की वरच्या कड्यावर असणाऱ्या केशवराजपर्यंत पोहचण्याचा जो रस्ता आहे त्यावरून चालण्याचा अनुभव अविस्मरणीय असतो. नारळ, पोफळी, आंबा, काजू, इ. वृक्षांमधून निघणारी अरुंद वाट, दाट सावली, निरनिराळ्या पक्षांचे मधुर गुंजन या सर्वांमुळे तिथे मनाला मिळणारे चैतन्य जग विसरायला लावणारे आहे. चढ असली तरी तिथे अजिबात थकवा येत नाही. एक विलक्षण मनःशांती लाभते.